الصمـــــــــت...قصه حب حزينه مرررهـ

وينكم؟؟؟؟

كملللللللللللللللللللللللللللللللي

دقااايق واكمل الجزء الثاااني

الجـــــــزء الثــــــاني....

بعد ماسكر احمد من فيصل انتبه وطلع علطول برع السينما راح صوب اسكي ماشافها طالع يمين ويسار عرف انهم طلعوا تضايق...
شوي يمشي راد للسينما
سيف::احمد وين سرت؟
احمد:ماشي خذت لي فراغ....
.........
عائشه: حياج؟
يمنى:لاماعليه الوقت متأخر يوم ثاني..
عائشه:زين يلا تصبحين على خير
يمنى: وانتي من اهله..
وتحركت السيارة ودخلت الكراج البيت
رقيه:ها يمه شو طلعه؟
يمنى:وناااسه لو اتشوفين عواش شو سوت ليزووووي...
رقيه:ليش شو سوت ؟ وخبرتها السااالفه يوم دشوا الاسكي
احمد مش مندمج بالفيلم..لان صورة يمنى علقت فذاكرته.. قام
سالم:ها ساير؟
احمد:هيه بسير البيت راسي يعورني
سيف:تو الناس اقعد
احمد:ماعليه لازم اروح بدقلك عقب مع السلامه
خالد وسالم وسيف:مع السلامه

سارة: خبريني شو الطلعة من دوني؟
عائشه وهي تمسح المكياج: وناااااسه انا لو ادري جي من اول جان كل مرة مانوديج!

:هههههههههههههه والله عواش عليها سوااات...
يمنى:لاويزووي من بعدها حرمت اتقول الكلمه...
رقيه:هي من ناحيه دبه الصراحه يبالها رجيم مادري ليش فجأه انتفخت؟
بس والله تراها طيبه ..
يمنى: زين ماما اسير ابدل ملابسي..
رقيه:هيه يمه روحي

صعدت يمنى فوق وقبل لاادش غرفتها طالعت غرفه ابوها
ودشت غرفتها..وينك يابوي ؟ طلعت شيلتها وهي قاعده عند التسريحه...

احمد وهو قاعد عالسرير...
:منو هاي؟ خذت عقلي والله انها طررر ... تذكر ضحكتها وكأن يمر الشريط مرة ثانيه ..

مر اليوم كلها وناسه عند يمنى وتبدأ من باجر اجازة الثانويه...

حاااااســب وتسمع صوت اصطدام ...
تشهق واتصرخ متروعه:بسم الله ..شوها الحلم؟
قعدت من النوم ..شربت ماي تنهدت..
طالعت الساعه :10:30وعندها مسج..
المرسل:مريوم
"ساعات احسه انه قريب مني وايد"
ابتسمت يمنى و ناظرت متى طرشت المسج
:يالله الخبله شو اموعنها الساعه4:00؟
تنتبه لصوت دق الباب..
رقيه:صباح الخير .... تقعد على سريرها
يمنى:امم.. صباح النور ..وتحضنها
رقيه:يالله مانروم على دلوعتنا وتضحك..
يمنى بتلهف: ابوي ما اتصل؟
اتنهدت :لاوالله يابنتي مااتصل وتسمع صوت ميري اتنادي رقيه:ماما..مامـــا
رقيه:هاي ميري اتنادي اقوم اشوف شو عندها... قومي انتي اتريقي الريوق جاهز تحت
يمنى:انشالله
طلعت رقيه من الغرفه وراحت يمنى الحمام ..رفعت شعرها كل فوق بدلت ملابس النوم القصيره ولبست قميص وسروال بيجامه البيت ونزلت تحت
رقيه اتكلم ميري: زين بس من منه؟ ماشفتي حد؟
ميري:مايعرف
يمنى:شو يمه؟
رقيه:مادري بنتي حد حاط باقه ورود
يمنى:اشوف,,الله ورود حمرة فرررش شافت رساله مكتوب عليها:
"دريت انج متفوقه الف مبروك"
استغربت يمنى وتقول فنفسها:منو هذا؟
رقيه قاطعت تفكيرها:ها يمه شو كاتب؟
يمنى:يبارك لي بالنجاح!
رقيه:اكيد وحده من صديقاتج اتسوي فيج مقلب؟
يمنى:مادري وبعدها مستغربه..


صوت رجولي..
: امورتنا تستاهل..
اتصرخ ريم :الللللله ...تتدلع:مابي ليش ماوديتني امس وياك
أحمد: خلاص المرة اليايه اوعدج اني بطلعج
بعدها معانده:ماااااابي
أحمد: برايج بحط الباربي عندي اتونسني وقام ....يغايضهامبتسم وهو رايح
ريم:زيــــــــن
أحمد:هااا؟ قلتي شي؟
ريم: هات هديتي...
دخل بواحمد..
احمد:هلا بالغالي ..
بواحمد:اهلين يبا احمد روح شل امك
احمد:ليش وينها
ريم: الصبح راحت بيت خالتي نعيمه
احمد:عيل بسير اييبها
ريم:انا بيي وياك..
احمد وايد يحب خالته نعيمه واحيانا يبات عندهم

نعيمه عندها 2ولدين نايف 23سنه وحسن20سنه و 3 بنات
هدى25 متزوجه ونوره16 وغاليه17 يدرسون بالمدرسه واثنينتهم يحبون احمد.. مانلومهم اللي يشوف احمد لازم ينعجب فيه عنده اسلوب مرح وفيه شي وايـــد ملفت .... عيونه جذابه
صعد احمد فوق سار غرفته اتسبح وصلى وطلع وهو كاشخ لقى ريم راقده فالصاله ماحب يزعجها..وطلع




يمنى برع فالحوي كانت قاعده اتفكر....
:خلني ادق لمريوم
مريم حاطه رنه تيلفونها مقطع شعر لطارق محياس"ليت ما كان
بفؤادي للهوى والحب قيمه ولا انا مالي ومال الحب اصلا من بدايه كنت ماخذها هوايه مادريت انها جريمه لين هي صارت جريمه من بعد ماهي هوايه" تنتبه مريم للتيلفون اللي عالتسريحه:الو
يمنى:هلا والله
مريم هاديه:اهليـــن
يمنى:شخبارج؟
مريم:افكر فيهـ
يمنى:مريم انتي اتحبينه؟
سكتت مريم......

وصل احمد بيت خالته وبعد مادق على باب بيتهم تفتح غاليه ومانتبهت احمد:السلام عليكم
تفأجأت غاليه:هـ ..ـهلا وعليكم السلام
ابتسم احمد:غاليه اشفيج؟
غاليه :لا ابد
احمد:زين مابدخليني؟
غاليه:لا حياك احمد تفضل ...ودخل احمد البيت وغاليه دخلت غرفتها
خاله احمد ام هدى :هلا بالغالي احمد امي اشحالك؟
باس راسها وراس امه :والله بخيرانتي اشحالج؟ اشعنى العيايز متجمعين؟
يضحكون ام هدى:الله يقطع سوالفك احمدووه لابويه انا بعدني شاابه امك اللي عيزت....تضحك :عيل مايبت ريموه؟
احمد:قالت بتي وعقب شويه اشوفها خامده عل قنفه الصاله رقدت وهي اتشوف اسبيس تون..
ام هدى :وي فديتها ..

فتحت الباب..غاليه متحمسه اتقول لنورة:قولي منو هني؟
نورة:منو؟
غاليه:خمني...
نورة:محمد ولد عموه؟
غاليه:لا
نوره:اووو تكفين قولي منو؟
غاليه:احمدووووووه
:يامحلا اسمه ..فديته.. سرحت وتقول فخاطرها وقالت لغاليه:صدق؟
غاليه:هيه وهوتحت فالصاله.. هيي وين سايرة
نورة وهي طالعه:سايرة اسلم عليه


مريم؟؟؟مريم يمه؟
مريم:زين يمنى هاذي امي اتناديني اكلمج بعدين...
يمنى:زين ديري بالج على عمرج مع السلامه
ام مريم:شتسوين؟
مريم :كنت ارمس فالتيلفون
ام مريموهي تمسح على راس بنتها:زعلانه مني؟
باست ايدها :حشى والله مافي يوم ازعل انا منج يا امي
حضنتها
بعد ما انهت المكالمه..تنهدت بعد ماتذكرت امها.. شخبارج يا يمه؟ ياترى انتي مرتاحه مع ريلج؟وبكت......كيف قلبج طاوعج اتهديني واتروحين من دون حتى تسألين عني يايمه انا بنتج ...كانت اتصيح واتصيح بصوت مسموع سمعتها رقيه:وي يمه يمنى اشفيج؟ واتروح اتشلها..
:امي ماسألت عني انا بنتها محتاجتلها.. محتاجه لحضنها ادفيني "خذت نفس وردت اتصيح
رقيه:لا يا يمه..لاتقولين جي انا موجوده انا امج.. وودتها الغرفه عشان ترتاح
ماكان على يمنى شي سهل ماتشوف اهلها حولينها

امها بعد ما منعها بويمنى تزوجت وسافرت هاللي انتشر الخبر فالمنطقه اللي كانت ساكنين فيها اهل ام يمنى
اما ابوها هو مايسافر كل اسبوع مكان بل هو فنفس البلد وماخذ بنت عمه جميله ماكانت اتخليه حتى يزور بنته ..خايفه يرد يتذكر مرته لان يمنى وايد اتشابه امها ..
ماتدري يمنى ان لها اخوان
هديل 15سنه ...هند وناصر صغار ماتعدوا 10سنوات
بس يمنى شو موقفها لودرت؟؟؟؟؟؟؟؟


الجـــــــــــــزء
وفي بيت ام هدى...
احمد وهو يشرب القهوه:خالتي عيل وينه نايف ؟ماشوفه؟
ام هدى:والله مادري يايمه سير جوفه يمكن بداره..
احمد طلع فوق متجهه غرفه نايف وحسن
ام هدى اترمس ام احمد:ياختي ماعرف متى يدشون البيت ومتى يطلعون حتى مايخبروني وين يسيرون...
دشت الصاله نوره:السلام عليكم
ام احمد:هلا ..هلا بنوار واتبوسها..اشحالح يمه؟
نوره بصوتها الناعم:حمدلله بخير خالتي
ام احمد :ماشالله عليها اكبرت واحلوت ..نعيمه هاذي لولدي من احينه اقولج ..
ام هدى:زين خله ولدج اول يخلص اخر سنه اللي عنده بالكليه وعقب يسير خير
نوره: عن اذنكم طلعت من الصاله استحت من الكلام بس بداخلها فرحاااانه لاخر حد وبخاطرها:واحد يقربلي وحليو واحبه ..وبالنهايه اخذه وفجأه طاحت من الدري:اوه انا اسفه!
صد احمد:نوره؟انتي بخير؟مسك ايدها عشان اتقوم..
نوره:انا؟واطالع عيونه.
احمد:هههههههه شكلج كان يضحك ويرد يضحك..
نوره خوزت ايده عنها:زين...مشكووور وراحت..
:صبري ..وقفت مكانها وقلبها يدق..
جى وراها بالضبط:خذي سلسلتج اللي طاحت صدت تاخذه منه..
نايف:ياحي الله من يانا والله اسف حقك علي...
احمد:الله يحييك ياريال من متى اترياك قم... نزلوا من الدري وطلعوا من البيت...
نوره بعدها واقفه مكانها تتذكر الموقف وبخاطرها:احبك يا احمد والله احبك..احب اسلوبك حركاتك وعيونك اللي تجذبني والله عذبتني ..

"تبغى تعرف امنو انا وليش جيتك انا الولهه ياللي من الشوق ولهان"قطع تفكير خليفه برنه تيلفونه:الو؟
راشد:هلا والله انته ويـــن ماتبيين
تنهد خليفه :والله موجود
راشد:وينك انت احينه بييلك...
خليفه فالمقهى...

وبنفس المقهى احمد ونايف هناك....
نايف :شو تشرب؟
احمد:امك ماخلت شي ماشربتني ..
يضحكون:ههههههه
رقيه:زين لحظه..وادق غرفه يمنى:يمه يمنى انتي نايمه؟
يمنى:ماما دشي دشي
رقيه:هذا ابوج يبي يكلمج...وقفت يمنى تاخذ التيلفون:هلا يبى
بويمنى:هلا يبا شخبارج انشالله زينه.. ناقصج شي؟
يمنى بصوت حزين:ناقصني وجودك..يبا انت شخبارك؟
بويمنى:الحمدلله هااا جاهزه
يمنى:ليش؟
بويمنى:عشان باجرانسافر ماليزيا!
اتصرخ:صدق يبا؟انا وانت..
بويمنى يضحك من رده فعلها :هي.. هيه جهزي شنطج باجر الصبح طيارتنا بتتحرك..
يمنى:ياسلااااااام
بويمنى:خاطرج بشي؟
يمنى:سلامتك يبى
بويمنى:يلا مع السلامه
يمنى:مع السلامه.....رقيه جهزي شنطتي مسافرة مع ابوي
رقيه فرحانه :صدق حبيبتي؟
يمنى:هيه والله قال طيارتنا الصبح...
رقيه حضنتها:اتروحون بالسلامه..

وبصوت موسيقى رومانسيه فالمقهى...
نايف:يالله متى بنفتك من الكليه..
احمد شكله املمح حد :نايف اتشوف اللي اشوفه؟
نايف:وين؟
احمد:هذا موجنه......راشد؟
نايف :هيــــــــــــه بس منو اللي حذاله يدخن شيشه؟
احمد: قم بنسير انسلم عليه
واتجهوا صوبهم:السلام عليكم..
خليفه يتطالع...
راشد:يتطالع.وعليكم....اتذكر:هلااااااااااحمد اشحالك؟يسلم عليه..
خليفه حط الشيشه:السلام عليكم
احمد:وعليك السلام
راشد:حياكم اتفضلوا
نايف :اشحالك حمد مااتذكرتنا؟
راشد:لاوالله اتذكرتكم.. يطالع خليفه.. هاييل ربعي بالمدرسه.. الله دارت الايام واخيرا شفناكم...
احمد:حمد ماعرفتنا بربيعك..؟
خليفه:خليفه..ربيع راشد بالشغل..
احمد يطالع خليفه...

سيف كأنه يدور على شي :مرت عمي..وعلومكم؟
:بخير ياولدي والله ماتقصر فيك الخير..من عمك اتوفى وانته ماتقطع زيارتك عنا حنا مالنا فهادنيا غير الله وغيرك..
سيف:لا يامرت عمي لا تقولين جي نحن انقوم بالواجب..
:عسى الله يوفقك ويخليك..
وتدخل مريم..
سيف كأنه لقى اللي كان يدوره..
مريم :السلام عليكم..
سيف :وعليكم السلام..
ام مريم:يمه مريم تعالي صبي القهوه لولد عمج..
مريم وقف قلبها:انشالله يمه..
قربت صوبه قالها بصوت خفيف عشان تسمعه:توني شارب القهوه بس دامج انتي بتصبين لي والله لاشربه...مريم ميته خلاااص ماتروم توقف على ريولها.. بسرعه صبت القهوة وستأذنت:عن اذنج يمه عندي شغل سيف يطالعها وهويشرب القهوة..طلعت مريم
ام مريم:تعالي يمه وين رحتي؟

فاطمه اتفكر بيمنى بعد ماخبرتها عائشه انها مسافره...

بعد ماسكرت عائشه من فاطمه قامت تتجهز..
دشت ساره الغرفه:ل وين؟
عائشه شاده حيلها :عل حمرعيييين!
ساره:ماتضحكين!...((قفطه))
عائشه:عيل مابوديج...
سارة:لا حرام ههههه (تضحك غصب) ..عائشه اتطالعها...
سارة :عواش خذيني معاج والله ملانه
عائشه:زين روحي اتلبسي بنسير انسلم على يمنى باجر بتسافر...
ساره متحمسه:يـــــسس اوكي


نايف : زين نترخص نحن
راشد:وين تو الناس...
احمد:لاوالله ورانا مشوااار
نايف:يلا حمد انشوفك على خير لاتقاطع..
راشد:والله ماعندي ارقامكم
احمد:هات تيلفونك...ويكتب رقمه ورقم نايف...
خليفه:فرصه سعيده شفناكم..
احمد:تسلم يا الطيب مع السلامه ..
راشد:مع السلامه

وطلعوا من المقهى
نايف:احمد وصلني البيت بسير اتسبح ريحتي كلها شيشه
احمد:هااا؟
نايف اقولك خلنا انسير بيتنا..
احمد:اوكي...
احمد باله موهني بعده يالس يتذكر يمنى اللي ماتروح عن باله..
وصل احمد نايف البيت..وبعد ما وصله فكر لو ان سار المول ياترى بيشوفها؟؟؟وبخاطره:والله ان شفتها مابخليها ..

يسمع سيف رنه تيلفونه ويشوف المتصل احمد
سيف:الو
احمد:سيفو انته باي عالم احينه ...ويبتسم
سيف يغير الموضوع:الحمدلله بخير وينك انت؟
احمد يضحك:وانا بعد بخير الحمدلله هههه قووول شفنا منو؟
سيف:زين احينه بيي
احمد:يلا باي..

قام سيف:استأذن انا..
ام مريم:تعال لنا بعد
سيف.:شي فالخاطر
ام مريم:سلامتك يمه سلم على امك
سيف حزين بعده يدورها:انشالله مع السلامه..

ركب سيارته انفينتي البنيه
وهو بعده يفكر فيها..يتذكر عيونها المتكحله ..

هاااشو رايكم؟؟؟؟