لله الحمد والشكر

الحمل والإنجاب

السلام عليكم ورحمة الله وبركاته

اخباركم حوائيات وكيف حال الكروشات :)

ابشركم ولدت الحمد لله وهذي قصة ولادتي مع مستشفى فقيه والدكتور سمير قياسه :44:

طبعا اختكم بكريه ومالها اي خلفيه عن الاطباء والطبيبات وهذا حمل يعني حياة انسان فمن بداية حملي وانا خايفه اروح اراجع عند مين طبعا زوجي ماشاء الله عليه كان متزوج ومخلف سابقا فنصحني بالدكتور سمير انه استشاري ممتاز وانه يولد في الاطباء المتحدون طبعا اختكم فرحة لانها نصيحه من انسان خبره :icon28: وبدأت اراجع عند الدكتور سمير وماانكر هو دكتور ممتاز والين وصلت الشهر الثامن اتفاجأ انه غير من الاطباء المتحدون الى مستشفى فقيه :09: ياربي ايش اعمل خلاص انا على الشهر الاخير وين اروح خلاص مابقى شي قلت ياحرمه اتوكلي على الله وفوضي امرك للي خلقك والخيره فيما اختاره الله وبعدها لما دخلت التاسع بأسبوع اتفاجأ بأن الدكتور يفرض عليا ولاده اجباري وقيصري بسبب السكر وان الجين حجمه بيزيد وماراح ينفع طبيعي والرحم عندي عنقه قاسي :( قلت يارب وش اللي صار دب في عروقي الخوف لاني مااحب العمليات الجراحيه والسبب اني كل مااعمل عمليه جراحيه اتبهذل معاها بسبب وزني الزائد :mad: برضه سلمت امري لله وفوضت امري للي خلقني فهو اعلم وين الخير فيه ليا وللجنين دخلت المستشفى يوم الجمعه 11/7/2009 واتنومت في الليل جاني طبيب تخدير بصراحه حسيته اهبل سألني عندك مشاكل مع التخدير وكم عمليه عملتي قبل ؟؟ وتاني يوم السبت اتجهزت للعمليه حاول زوجي انه يدخل رفضوا حاول انه يصور برضه رفضوا ((من المصايب اللي بيعملوها)) :angry:جاتني دكتورة تخدير وخيرتني بين النصفي والكلي وانا ميته رعب قالتلي احسن النصفي واتوكلي على الله وكلاااااااااااام طويل عرررررررييييييييييض اخر شي برضه سلمت امري لله اللي خلقني وقلت بسم الله نصفي وتعالوا شوفوا المعاناه اللي عانيتها بسبب الابره حسبي الله عليهم طبعا وهي بتحط الابره اتألمت بس استحملت وجا وقت التشريح حسبي الله عليهم اول ماشرط بالمشرط وانا احسها بقلبي ولا كأني اخذت مخدر واصرخ ذيك الصرخه ولا بتسألني بكب برود حاسه بحاجه اقولها المممممممممم قامت اعطتني تخدير كلي وبعدها مادريت عن شي وصحيت وانا مخلفه بنوتي حبيبتي رنا الله يحفظها لي من كل شر
الشي اللي قهرني في المستشفى: لما جا زوجي يحجزلي تنويم فاجأوه انه الدكتور مايقبل تأمين الخطوط في العمليه القيصريه لازم كاش :mad: طيب ليه ماالدكتور نبه زوجي من البدايه شغلة نصب يعني
وغير كدا نقلولي دم واصروا انه من المستشفى طيب زوجي فصيلة دمه زي دمي رفضوا واخر شي حسبوله كيسين دم بـ 3 الاف ريال :44: ليه النصب هذا طيب لو واحد حالته الماديه متوسطه ايش يعمل واخر شي زوجي المسكين دفع مبلغ وقدره غير اللي تحت تأمين الخطوط يعني لو من غير تأمين الخطوط شو كان بيصير ((كل دقه بتعليمه))

الحين جا دور سؤالي لكم
العمليه قد ايش تاخذ حتى تلتأم ؟ انا الحين في ثاني اسبوع
المره لو شربتها كويسه؟
انا حاسه بالام مكان العمليه هل هذا طبيعي لان الدكتور ماعملي غيار الا قبل اسبوع وموعدي معاه يوم الاربعاء يفك اللصق

بس وسلامتكم ودعواتكم ليا ولبنوتي
8
841

يلزم عليك تسجيل الدخول أولًا لكتابة تعليق.

تسجيل دخول

دبدوبه وغنوجه
الف مبرووووك يالغلا والحمد لله على سلامتك

تتربى بعزك البنوته

انا مثلك تخدير نصفي بس الحمد لله ماتبهدلت ابد والابره ماحسيت فيها



بالنسبه لسؤالك

العمليه قد ايش تاخذ حتى تلتأم ؟ انا الحين في ثاني اسبوع
الاسبوع الاول عذااااااااااب ادري .... بالحركه بالقومه بالجلسه ....بالهون على نفسك حبيبتي
لا تجهدين نفسك حتى لو قالو لك قومي امشي ....
اما انو قد ايش تلتأم .... انا بالاسبوع الثاني الحمد لله يوم عن يوم افرق نفسي كثيييييييير وقمت اعرف امشي عدل بدون ألم
واحس خلاص انو التأم من اول اسبوع ....
الحين انا 3 اسابيع ونص احس الحمد لله مافيني شي .... بس احيانا يجيني ألم بسيط اذا تقلبت عالفراش ...
احس الالم من الجرح الداخلي


المره لو شربتها كويسه؟
المره تاخذينها وتنقعينها بمويه وتاخذين النقوع وتحطينه مكان الجرح ... يقولون مرررره كويس بس انا ماجربته


انا حاسه بالام مكان العمليه هل هذا طبيعي لان الدكتور ماعملي غيار الا قبل اسبوع وموعدي معاه يوم الاربعاء يفك اللصق
سؤال ... وش طريقة عمليتك ؟؟

خيوط عاديه ؟؟؟ كبس دبابيس ؟؟؟جراحه تجميليه ؟؟؟
احس انو يعتمد على نوع الخياطه .. يعني اختي دبابيس تعذبت بس انا جراحه تجميليه الحمد لله اسبوع زي ماقلت وخف الالم كثيييير
الغيار مفروض يوميا بالمستشفى ... وانا شلته باخر يوم وخلاص ماعملت غيره ....




عمومآ ...
اهم شي راحتك ثم راحتك ثم راحتك لأني من جد عرفت وشو يعني ألم بالخمس ايام الاولى

انتبهي لنفسك وبوسي لي البنوته القمر
scent of heaven
scent of heaven
الحمد لله على سلامتك انتي والبيبي
ان شاء الله البنات يفيدونك
دلع%
دلع%
الف الحمدالله على سلامتك
ماعندي خلفيه بس حبيت ابارك
:26:
ام.رنا2009
ام.رنا2009
الله يبارك فيكم يارب

مشكروه اختي دبدوبه عالرد بالنسبه لجراحتي اعتقد تجميليه بالليزر بدون خيوط
دقاتf قلبه
دقاتf قلبه
الف الحمدالله على سلامتك