قصه اعجبتني وحبييت اشاركم فيها

وصلتني ذالقصه على ايميلي ولا اعرف صاحبتها بس من جد مت ضحك وعجبتني بقوه وحبيت اشارككم فيها
منقووووووووووووله


السلام عليكم
زوجي العزيز صدته رايح بار !!!!!
القصه من البدايه انا وزوجي نحب بعض وهو ولد عمتي
وبعد سنتين من زواجنا
جتني بعثه خارج المملكه
ورحنا
تركت اهلي وذقت لوعة الغربه
بعد مارحنا هناك صرت اشك بتصرفات زوجي انه يخوني
لانه تقريبا كل يوم يكشخ ويتعطر ويطلع يسهر
بعدها قررت اراقبه
وفي يوم من الايام الساعه 12 لبس الملابس المكويه وتعطر الغالي
وركب سيارته وراح
وانا ركبت تاكسي ولحقته حتى اني كنت خايفه مره كان الوقت متاخر
ودخلنا منطقه منوره وبنات تتسدح ع الشارع منظر قبيح تحسي كانهم حيوانات ويمكن الحيوانات تستحي بعد
وقف ووقفت وراه
نزل ووقف قدام البار يكلم بجواله وجو اخويااه كل واحد اشين من الثاني
وكانوا معهم خويااتهم ودخلو البار سوا
لحظتها انجنيت و بكيت بكيت بكيت مره كنت مقهوره منه
ع طول جاء في بالي اني ادخل واهزئه قدام ربعه وامسح فيه الارض
بس مااقدر زوجي والله احبه<<معشمها بهواه
جلست افكر وش ابستفيد لو دخلت<<طريقه تعلمتها من مملكة بلقيس
بخسر حبيبي
بخسر دراستي
بتصير مشاكل بين الاهل
علاقتي بتخرب مع عمتي<<احبها
وهو يعني لو قلت له طلقني راح يطلقني مو لانه مايحبني
بس لانه بيكون مضغوط مني ويبي حل يريحني ويرتاح
والافكار تاخذني وتوديني
مره كنت ابي اتصرف بعاطفتي اللي تبي تقتله
ومره بعقلي اللي يبي يادبه
ماادري كيف سويتها بس سويتها
شفت بنت بتدخل البار قلت لها ابيك تصورين شخص بالجوال وراح اعطيك فلوس
قالت اوكي وريتها صورته ودخلت بعد نص ساعه طلعت وتقول ماعرفته قلت لها لبسه قالت ادخلي ووريني
المشكله اني لابسه حجاب وشكلي بيكون شاذ قالت خذي قبعتي لبست قبعتها ودخلت وياليتني مادخلت
حسيت السقف بيطيح فوق راسي من هول اللي شفته
المهم لقيته ماخذ طاوله وياا ربعه وصديقاتهم وضحك وكركره
وراحت وصورته لي فديو وصور بعد <<متوصيه فيني
واخذتها ورحت البيت وانا قلبي يحترق
صليت الفجر واستغفرت ربي وحمدته ع الاسلام حمدته كيف كرمني عن الفسق والزنا والدعارة
الحمد الله جسمي لي ولشخص يتزوجني ويصرف علي
من جد نعمة يارب لك الحمد
مااخفي عليكم بكيت لحد مانمت وصحيت الا هو جنبي
والله احس كنه كابوس اقول يمكني محلمه واقوم وافتح جوالي واشوف الصور وارجع ابكي
بس كنت معزمه اني اادبه ولا اخسرة
ووبديت افكرواخطط
زوجي يحبني موت<<هذي نقطه
زوجي يحب الفلوس<<هذي نقطه مهمه
يحب المثاليه قدام اهله ويكره الفضايح<<نقطه
كل هالشغلات ساعدتني ابدء اتحرك
بعد اسبوع وكان اسبوع هادئ جدا وكنت احاول امثل اني طبيعيه
قبل لا يرجع من المدرسه حطيت ظرف قدام الباب فيه صورته بالبار وحاولت اركز ع صور البنات اللي حوله
الرجال لما رجع للبيت وشاف الظرف وقف عند الباب ولا تحرك شوي وراح مادخل
حتى اني غصب ضحكت عليه

رجع بعد 4 ساعات
وكنت مسويه نفسي ولهانه عليه حتى اني اتصلت عليه ولا رد
رجع نام ع طول ولا تكلم

بعد اسبوع حطيت له نفس الظرف من غير صور وكتبت له بالانجليزي <<طبعا بالكمبيوتر لانه بيميز خطي
كتبت له اني برسله كل اسبوع الصور اللي عندي لشقتك
ولما تخلص الصور راح انشرها باليوتوب وكل موقع عربي وبرسل نسخه للملحقيه
لو مانفذت كلامي
هذا رقم حسابي كل شهر ترسلي الفين دولار ولا راح تندم
مسكين انواع التغير في المزاج هههههههههههههه بعدها غير شقتنا ولا قلت شيء ونفس الشيء الرسايل توصله ههههههههههههه
كان واضح عليه انه بينجن وبيستخف بعد
رقم الحساب كانت لصديقتي العربيه اللي تدرس معو بالمعهد وقلت لها انه بيجيني تحويل وماابي زوجي يدري عنه
وجاتني وقالت وصلت الفلوس هههههههههههه
رحت وعشيتها باحلى مطعم ومن بعدها كل شهر توصل الفلوس ليومكم هذا ههههههههههه
السالفه ماقلتها حتى لامي اقرب الناس لي <<ماابي احرق قلبها
ولا لصديقاتي ولا لاقرب الناس لي
حتى صاحبة الحساب ماقلت لها لاني مااحب احد يمسك علي شيء او يتشمت بزوجي<<مااقلتلكم احبه هههه
بس حبيت اكتبها لكم عشان اللي يبي يستفيد من هالتجربه يستفيد
لانه صدق تادب وواضح عليه انه متحسف بعد

بعدها ههههههههههههههه زوجي زي الدجاجه ينام بكير يصحى بكير ههههههههه
والله تغير كثير كثير
وانا اللي ادبته ههههههههه
صحيح صحت كثير بس النتيجه 10-10
وبووووووووووووووووووووووووسه كبيره للحاضرات والناقدات
وبووووووووووووسه اكبر للضاااااااااااااااحكاااااااااا اااات