حامل والنفسيه تكفون ردو علي

السلام عليكم

حبيباتي ودي اسئلكم ما ادري انا مريضه نفسيا وله شي طبيعي بس احس زايد الشي معي

وهو من قبل الحمل مريت بضروف مثل كان معي نقص شديد بفيتامين دال وطلعلي مسمار القدم واسناني تعبت وكنت كاني عجوز اشتكي من رجولي ومن وهن بجسمي وغير الالم اسناني ووهذا طبيعي لاني فيني نقص وووو

وبديت اتعالج بس كانت فتره كئيبه وبعدها سافرت شغالتي وبعدها طلعت حامل وانا عندي بيبي صغير عمره الله يحفظه سنه وماكنت اتوقع اني حامل بس الله كتب وراضيه وشاكره ربي المهم من يوم ماحملت ولدي ابو سنه يمرض مره انفلونزا ومره نزله معويه ومره انا جاني نزيف وقالتلي الدكتوره راحه ورجع ولدي وتعب انفلونزا وغير انه حركته متعبه تعرفون هالسن متعب وتخافين عليه وانا بدوامه يوم انا ويوم ولدي غير شغل البيت وعندي ماشاء الله اثنين صح اشوي اكبار بس دراسه ووووووو وانتم امهات وعارفين

المشكله اني نفسيتي ضربت وماعاد احس بطعم للحياه استغفر الله والله حتى ما اطلع ولا اروح والا ابي اشوف احد احس فاقده اي متعه لاتقولون اني اكبر الموضوع او عابر لا يابنات بجد شي غريب انا يوم احمل اكيد وحام وطفش الحمل بس احس هالمره غير والله اني بعد تعبي زوجي قالي روحي لاهلك ارتاحي وعندي سواق تحت ايدي و وكل شي بس ما فين اخرج صرت كئيبه مهمله بشكلي والله اولادي لهم اغراض مهمه اني ماروح اشتريها انعزم مستحيل اطلع وانا شخصيتي غير كذا تمام

احس عايفه الحياه تكفون بنات هل الشي من الي مريت فيه وهل بعد الحمل ارجع طبيعي مقبله على الحياه ضايق صدري على طول وهل الام يوم يكون عندها صغار تنعزل وش القصه بظبط ولا كثرة مسؤلياتي ؟؟؟؟؟؟
وفي كلام كثير بس ماني عارفه اعبر عنه انا اخاف يكون معي اكتتئاب وش الحل
بس تغيرت 180 درجه ابي حل وهل احد مر بالي مريت فيه وشاكره لكم
على فكرة اقرء قران افتح على محاضرات بس مافي فايده تكفون ردو علي