ام بيان المبارك @am_byan_almbark

عضوة مميزة

قبل شوي شميت ريحة دخان بولدي الي عمره 15 سنة وكم مرة اشمها فيه وهو عنده كتمه بالصدر !

السلام عليكم ورحمة الله وبركاته

ولدي عمره 15 سنة ربي يحفظه من كل مكروه ويحفظه من عيال السوء
لاحظت اكثر من مرة ريحته دخان ولما استجوبته يحلف ويقسم بالله انه ماطب فمه
ووالله الريحة قووووووية ويدعي على نفسه بالعمى الله يصلحه يقول ان بعض
اقارب اصدقائه يشربون دخان والريحة تلصق فيه طيب وش لصقها في فمه
ياربي ولدي من صغره فيه كتمه ولو يمشي كثير يتعب التنفس عنده
والمشكلة ان اصدقائه ملتزمين مو حقين دخان ولما سئلتهم انكروا
ياربي شسوي لاينفع معه لانقاش ولا صراخ ولا زعل ولاحتى مسايسة بالكلام
وهو دائما يكذذذذذب الله يصلحه والحلف دائما بلسانه
ابوه مسافر ولا لي احد واخواني مايتفاهمون من النوع الي يحبون الضرب فقط
النصيحة والتوجيه مايعرفون ودائما يحطون الملامة علي الله المستعان
جزاكم الله خير قولوا لي وشسوي ؟؟ لا اقدر احبسه بالبيت ولا اقدر انا قشه شسوي ياربي

يلزم عليك تسجيل الدخول أولًا لكتابة تعليق.

تسجيل دخول

غرك سكوتي • 12 سنة

الله يهديه ويصلحه

لمعان برق • 12 سنة

الله يحفظه ويخليه لك ,, حاولي تبعديه عن اصحابه اطلعوا مع بعض اسواق وحدايق ومكتبات ,, اشغلي وقته عنهم ,, حمليه شوية مسؤوليات تشغل وقته وتحسسه بمكانته وشوي شوي يبعد عن اصحابه ,,

احتمال كبير انه صادق ما دخن بس دامهم اصحابه مع الايام راح يقلدهم خصوصا انه صغير ومراهق ,,

الحقي عليه وبعديه عن اصحابه ,,

duff111 • 12 سنة

أجلسي معه وتفاهمي معه ووضحي له أنك تخافين عليه لو وصل تبكين عنده. ومن رأي تخلينه بينك وبين أبوه. ولاتنسين الدعاء ربي الحافظ

تركيه511 • 12 سنة

الله يصلحهم سن المراهقه صعبه

مالك الا ان تدعيله وتتقربين منه

**hhh** • 12 سنة

ماعنده اخوان اكبر منه

اخوي تقريبا بعمره واخواني وراه دايم

ونفس الشي عنده كتمه بصدره

ودايم خصام مع اخواني انه مايدخن بس برضوا خلي احد وراه يراقبه او شي زي كذا

وانتبهي تلجأي للضرب

الله يعينها عليهم مراهقين هالايام