بنت المها

بنت المها @bnt_almha

عضوة نشيطة

كيف اعود بنتي على النوم في غرفة منفردة.. تابعوني

الأمومة والطفل

مرحبا الغاليات.. :39:

بنتي شما صار عمرها 3 سنوات وانا الحين ولله الحمد حامل في الأسبوع الرابع( قولي شهر وريحي) :30:
البنت متعلقة فيني بشكل كبير.. وبالعافية اتعودت ترقد في سرير الرضع اللي جنب سريري... لكن
ما يصير البنت ترقد معانا في الغرفة انا وابوها فقررت اتبع معاها نظام الاجانب بدءا من الأمس 1/12/2005
اشتريت سرير لشما من محل الأطفال( مسوين تنزيلات) سرير يناسب عمرها وطولها..
وناوية اصبغه هو والكبت( اللي مشتراي من قبل) باللون البنفسجي الفاتح والصق على الجدران اسم شما بالانجليزي.. واكمل الطقم بشرشف حلو بنوتي

فتاريخ امس 1/12 كان اول يوم لشما في سريرهاحطيت شما في السرير وفرشت حذالها على الأرض وسويت عمري راقدة
الحبيبة يلست نص ساعة وكل شوي توايج عليّ ( أي تنظر )لتراني نائمة ام لا أو موجودة ام شردت( اي هربت)
بعد شوي اشوفها تهمس بصوت خفيف وتتمتم بأنها تريد ابوها..
طلعت لأبو شما والمسكين سكّر التلفزيون ، ولقيتها لاحقتني الى الصالة كأنها تجهز نفسها لدخول غرفتي .. بس على مين تلعبها؟
سبقتها لغرفتها ودخلت ابوها فاظطرت تلحقنا من سكات..
بعد عشر دقائق يلست تتمتم مرة ثانية بأنها تريد تنام معانا على الأرض.. واخذت امتدح في سريرها ( هذا سرير فلة..و حلو سرير شما .. ووو) لين سكتت ، سكرنا ليت الأباجورة( ابجورتي يبتها من غرفتي علشان ما تخاف في البداية )...
وانتظرت نص ساعة بعد وهي لازالت تتقلب وتوايج علي كل شوي.. لين صار المراد :icon28: ونامت شما نوم العوافي وذهبت الى غرفتي مع بوشما
ولكن............. وآه من لكن
لقيتها الساعة 3 الفجر تلمس اكتافي وتتمتم.. اخذتها على طول على غرفتها مرة ثانية ونمت معاها في الغرفة .. ( غلبتني صح؟) :icon33:
والليلة إن شاء الله وبعون الله سأقوم باتباع الطريقة الجديدة.. تركها في الغرفة لوحدها بعد ما أترك إضاءة الأباجورة مشتغلة... والله المستعان

ملاحظات:
* قبل ما تنام شما في غرفتها النومة الأولى سمعت صوت غريب وما الغريب إلا الشيطان
طلع هالصوت صوت شخير بوشما :16: اللي المفروض انا متعودة عليه بس من قهري ما كان ودي اسمعه الليلة
* لما دخلت غرفتي انام والله يلست خايفة وعيني على الباب لا تدخل البنت وتوعيني وهي تبكي .. وكل شوي ارفع راسي ناحية الباب كأني احس انها بتدخل ( حشا سوتلي رعب :30: )

والسموحة منكم
20
4K

يلزم عليك تسجيل الدخول أولًا لكتابة تعليق.

تسجيل دخول

* Um_ToTo *
* Um_ToTo *
الله يحفظ لك شمه و يعييييييييييييييينك :)

و ربي يرحم الشيخ زايد
ღزيـ أم ـادღ
ღزيـ أم ـادღ
موفقه أختي بنت المها
وعقباااااااااااااااااالي يارب .
بنت المها
بنت المها
* Um_ToTo *مشكورة على المرور والله يعين الجميع
الغالية: **أم الثلاثه** مشكورة على التعليق وأكيد راح تنجحين
زوجة زوجها
زوجة زوجها
متابعة معك :)

وبانتظار النتائج الإيجابية بإذن الله
][§][-~المتغـلية ~-][§][



لا تتركينها من ثاني يوم لاااااا
استمري ع الاقل اسبوع نامي معها بالبدايه الين تشوفينها راحت بنوم عميييييق
اطلعي بس خلي طبعا ً بابها مو مسكر مره الا إذ هي تعرف تفتحه وباب غرفتك برضوو علشان تقدر تجيك إذ خافت

وشوي شوي تتعود ان شاء الله :)

..

.