زوجي يخونني

السلام عليكم
كيفكم جميعا واضح من العنوان مشكلتي
بفتح قلبي لكم مالي الا الله ثم انتم
تبدأقصتي من سنتين بأني اكتشفت ان زوجي يراسل وحده والمصيبه لهم سنتين او ثلاث مع بعض حب وغرام ورسائل وصور لمناطق حميميه
خاصه فيها ترسلها لزوجي
وأنا ماادري والمقابل ان زوجي يصرف عليها وعلى بنتها
تخيلو تروح المحلات تحجز اللي تبي واهو يجيبه لها برسم الخدمه
في الوقت اللي يبن لي انه دايم مزنوق
ومقصر علي وعلى عيالي والمصيبه دايم يتسلف مني بحكم اني موظفه ويصرف عليها وعلى بنتها
طبعا لما كشفته قال هذي وحده متزوجها مسيار وخلاص طلقتها طبعا يكذب لاني توني شايفه المحادثه واهي تشكره على الاغراض اللي جابها لها
وثاني يوم يوم جاء اخوي انكر
ولما هددت اني بفضحه وبقول لاهلي بلاويه
قعد يبكي ويحب راسي حتى رجولي باسها ماصدقته
وتركت البيت ورحت لاهلي وتركت العيال معه قعدت تقريبا سبع شهور
وطلبت الطلاق ورفض
وجاء بيت اهلي يترجاني ويطلب من امي ارجع ورفضت واصريت انه يطلقني ويروح للي خاني معها
قلت لها تزوجها وخلها تربي عيالك
وبما اننا متضامنين في فله قلت له خل اللي تحبها وتصرف عليها تحل محلي وتسدد معك اقساط الفله
المهم طول الفتره اللي انا عند اهلي يراسلني بالواتس
لاني مسويه له حظر مكالمات
ويحاول معي مره كلامنا عادي ابيه يلين واتطلق منه
ومره اتهاوش معه وأسبه
المهم طول هالفتره عند اهلي بديت افكر بوضعي اخواني و امي مايسألون وش صار معي بس اكل واشرب وانوم
بعدها فكرت بالقسط اللي ادفعه بالفله
واهو جالس فيها وعياله و ماستفدت منه
بعدها كلمت اخوي يدور لي حل
للاسف قال لي ارجعي بيتك وعطيه فرصه
سمعت كلامه ورجعت بيتي طبعا زوجي كان يراسلني بالواتس كلام عادي وحرفت الكلام علشان يقول ارجعي
ورجعت
مرت الايام شهر ورا شهر خلالها قلت يمكن خاني لاني مااهتم بنفسي ولا علشان الفراش يمكن مقصره معه
المهم صرت اهتم بنفسي اكثر وغيرت من لبسي للبيت وشي للنوم
واهو تغيركنه صار يهتم بنظافته وشكله بالبيت
المصيبه اني اكتشف في رمضان حسبي الله عليها وعليه
و للمره الثانيه انه يكلم وحده ويواعدها وشكله يعرفها من اشهر
طبعا صورت المحادثات اللي في جواله واهو مايدري
ولا بينت له
وجلست العب باعصابه واهو صار من الخوف زي الخاتم بيدي
لاني يوم رجعت بيتي محلفته اني اذااكتشفت بيوم من الايام ان له علاقه مع اي وحده بنفصل عنه وبترك عياله عنده وانسحب من قسط الفله وخلي البنك يبعها ويرمونه بالشارع
الان اعيش معه وانا متوتره وافكر بالطلاق البيت كرهته واهو احس متمسك فيني علشان يستفيد من راتبي يعني مصلحه
بالاضافه اني مااشعر بالامان
ماادري وش اسوي
ودي اروح لمرشد اسري او مرشده اسريه من غير مايعرف
يمكن تساعدني انتم وش رايكم وش اسوي معه