كوبونات الراقية تسجيل الدخول

حب زوجي
حب زوجي •
أخطـيتو حبيباتي

ترا مخزون دولة الكويت للبترول

مايجي ربـع اللي عنـدنا

يعني نسبـه وتناسب

لا تلعبون على وتر هم قليل

حنا فقط 16 مليون سعودي

وخلال نص سنه دخلت السعوديه 950 مليار

الكويت ماتدخل هـ المبلغ لو بعد 6 سنين

تشرفت بكن حبيباتي
neesah
neesah •
حب زوجي حب زوجي :
أخطـيتو حبيباتي ترا مخزون دولة الكويت للبترول مايجي ربـع اللي عنـدنا يعني نسبـه وتناسب لا تلعبون على وتر هم قليل حنا فقط 16 مليون سعودي وخلال نص سنه دخلت السعوديه 950 مليار الكويت ماتدخل هـ المبلغ لو بعد 6 سنين تشرفت بكن حبيباتي
أخطـيتو حبيباتي ترا مخزون دولة الكويت للبترول مايجي ربـع اللي عنـدنا يعني نسبـه وتناسب لا...
السعودية ليست لنا كلنا ..... حتى لو كانت أكبر مصدر للنفط في العالم ...
ناتشو
ناتشو •
سعيدة لأن في مدح بالكويت
لكن الحق يقال : في مبالغة لدرجة مضحكة: ما كو زحمة لا كله صوب وسالفة العمالة اللي ماتسرح ولاتمرح!!!
بس هذا ما يمنع إن في شغلات كثيرة تخليني أعتبر الشعب الكويتي مدلع وأنا دايما أقول الحمدلله إن دولة الكويت صغيرة
( مع إني في غاية التشاؤم من نظامنا التعليمي أحس على وشك الانهيارمن اللي أسمعه من قريباتي اللي يعملون بالتربية)
بس عندي تعليق على شغلة بالسعودية : أحس نظام التوظيف حده بدائي عندكم
أعرف وحدة(من أقربائي)سعودية بالرياضت سمعت إنها توظفت (أظن مدرسة)لكن فترة محدودة ليما تنتهي إجازة وضع اللي غايبة
وترجع قريبتي بلا وظيفة!!!
كذلك أسمع إن بنات متخرجات من الجامعة تقعد10سنوات بلا وظيفة.
إشكثر سعوديات الحين يشتغلون مدرسات بالكويت
وحدة مع بنت عمتي جاية من القطيف أو الاحساء تقول متخرجة قبل 13سنة
بس ما توظفت كنت معتمدة على إعطاء الدروس الخصوصية
: إشلون 13سنة بالبيت الوحدة تنسى اللي درسته بالجامعة
ام العوده
ام العوده •
السلام عليكم
حبيت ان اشارك معاكم انا من الكويت ...
الحكومة تحاول جاهده لتطور هذا البلد الغالي مع ان هناك من يلعب من تحت لي تحت ولكن ايجابيات الحكومه تغلب على المتلاعبين.
مع وجود الكثير من الايجابيات لكن هناك الكثير من السلبيات وراح اتكلم عن سليبه واحدة موجوده اعتقد في كل الدول ولكن كل على درجته ، وهي الحرية الشخصية والي مالها حدود وانا في نظري هناك من استغل هذه الحريه وخرج عن الدين والعرف ، اغلبكم يمكن شاف بنات الكويت بعضهم محتشم وبعضهم على كيف كيفه لا رقيب ولا حسيب ، الله يهديهم ذبحتنا الموضه وكل ما قلنا شي قالوا الموضه وانتوا متخلفين ، يعني الوحده لما تنصح على الغلط تطلع متخلفه ، والمشكله العظمى في بعض الاهالي هم الي يساعدونهم مثلا انا كنت في احد الاماكن فشفت احدى صديقاتي القديمات من سنين مو شايفتها وكانت بنتها معاها ، كنت انا شايفنها يكن قبل سبع سنوات والحين البنت صارت كبيره في سن المراهقة ، كانت البنت تلبس بلوزه لما كانت ترفع ايدها يبان بطنها فساسرت الام وقلت لها حرام بطن البنت طالع وفي الكثير من ضعفاء النفوس مايصير.. شوفوا الام شنو جاوبتني ::::
يحليلها بنتي اكبرت وجسمها صار حلو .........
حسبي الله ونعم الوكيل ؟؟؟؟ لما الام تقول هذا الكلام لبنتها فما بال الغريب الظاهر البنت عندها وايد رخيصة ، وهذا حال الكثير من الامهات.
صراحتا انا شخصييا اجاهد في تربية بناتي والناس الي حولهم ما يرحمون ، لكن اقول الحمد لله حالنا احسن من حال الكثير من مجتمعات ، يكونون مستورين في بلدهم وبين اهلهم ولكن بس يطلعون بره تشوفونهم غير ، وكأن استغفر الله ،،، الله موجودفي بلدهم وغير موجود في البلد الثاني والعياذ بالله .
ما اقول إلا : الله يهدي الجميع.