ياهلا وغلا والله بكل الي ردوا على الموضوع ..
حبيبتي ميس الريم الف مبروووك على رجوع عضويتك ..
تصدقون والله للان ماني مصدقه الي صار وودي اروح للمستشفى الاولي واقابل المسؤولة الي حللت دمي وقالت حامل واتوطى في بطنها بصراحة حطمتني بقوووووة وحطمت زوجي..
ياللله الحمدلله على كل شيء..
اختي المتغلية ولادتي تعسرت لاني ظليت يومين بالمستشفى والرحم فتح على 2 وخلاص وقف
اول شي اضطروا يفتحوا لي كيس الماي عشان يتسرع الطلق بس ماكان فيه فايدة .. وبعدها حطوا لي طلق صناعي بالمغذي وعيونكم تشوف النور..اااااااه على الي صار لي تقطعت تقطيع مستحيل انسى الي صار ..حسيت انه يبي يطلع وكل مرة يفحصوني يلقوا الرحم على سبعه وبس يقولون لي لاتشدي وانا موقادرة حسيته هو يدفع نفسه وبعدين ضعف قلب الجنين واضطروا انهم يخدروني تخدير كامل والله حسيت اني مت خلاص وكنت انتظر انهم يودوني للمغتسل واقول في نفسي حرام والله كل هالتعب وبعدين اموت انا والطفل .. وكنت في الاغماء اسمع صوت تخطيط القلب حق الجنين وهو خلاص منتهي يعني مافي نبض..
بس بعدين حسيت بيد الممرضة تضربني على خدي وتصحيني ..
قمت اصارخ خلاص الراس بيطلع وفحصوني لقوا الراس قرب يطلع وعلى طول ارتبكوا ووحدة تغطيني لاني جات لي رجفية ووحدة تضربني ابرة في منطقة العجان والثانية تسوي الشق وبعدها قالوا لي ادفعي وانا مافيني قوه منهاره ..
وشوي اشد واتنفس والدكتورة تقول لي لاتتنفسين اكتمي وادفعي وبعدين خذي هوا من الاكسجين عشان البيبي تعبان ..
وسبحان الله اول ماقالت لي البيبي تعبان جاتني قوة غريبة وقمت اشد بقوووة لين الله سهلها وولدت .. وسمعت صوته حبيبي يبكي وحمدت ربي..
المشكلة ايش كل ماسألت الدكتورة عن البيبي اقول لها هو بخير وهي معطتني طنااااش
انا قمت ابكي قلت لا اكيد مات ..
واخر شي يمكن بعد عشر دقايق قالوا لي انه بخير وماصدقت الا لمن شفته ..
الحمدلله على كل شيء وكله يهون عشان خاطر عيون حبيبي ..
شفتوا كيف ان قصتي مأساوية ومستحيل تتنسى..
وربي ماصدقت اني مش حامل الا لمن شرفت الدورة قبل امس والله اني فرحت مررررررررررة
الحمد والشكر لك يارب
الصفحة الأخيرة
وما تشوفين شر ان شاء الله....
^___^