مادري اسئ الظن ولا لا

السلام عليكم


يابنات ام زوجي مجننتني بتصرفاتها اذا درت اني حامل تبدا تضايقني تجديع الكلام والتصرفات الي ترفع الضغط وكانت حاطتني ناحتته مثلا وانا اتقهوى اذا خلصت تاخذ فنجالي من تحتي وتشرب فيه وتورين مو من وراي انا ماعندي مانع خلي توخر الوسواس الي به بس موب قدامي تجرحني اذا رحت تاخذ فنجالي وملعقتي وصحني وكل الي تبي عادي وانا انقهوى واتعشى عندهم بس هي لا تورين انه انتي ناحتتني وقدام الناس والموجودين ماتتخيلون كيف موقفي المشكله انه مافيها لاتعب ولا غيره ماشاء الله عليه بصحه وعافيه وهذا موقف من المواقف الي دايم تسويهم وغيرها كثييييير




واول مادرت بحملي علمها ولدها الي ماكان ودي يدرون بدري قلت لها يالخاله الله يجزاك الجنه مابي احد يدري لا حرايم العيال ولا غيره وحست اني خايفه على نفسي من العين خصوصا انه عندي طفله صغيره لسى


ولا حد يقولي وش ينحتونك عليه حتى البساسه تحمل وتولد
مخالف بس هذا شي غصب عني انا اختي فيها نفس قويييه وتعبانه تعب مايعلم فيها الا ربي اشوفها كيف تتمنى العافيه واشوف الحزن الي بعيون امي لها وعانيينا معها سنييين وللحين اختي زي ماهي ماتشافت ضاعت حياته ومستقبله الي بعمره تزوجو وعيلو وهي تتمنى العافيه من قوة العين الي فيها صارت مثل المعاقه حسبي الله ونعم الوكيل


فا لا حد يجي يلومني غصب عني اخاف غصب عني من تجارب مريت فيها وانا مارح اخبي عن الناس بس ع الاقل الاربع الشهور الاولى وبعده عادي


المهم انه خالتي لما درت بحملي وتكلمت معه وعرفت انه انا اخاف من العين والله العظيم يابنات تسلطت علي ومسكتها فيني بدت تعلم الناس وقدامي يعني شوفي اعلمهم وماخلت احد ماعلمته وربي انه بدت تراقب اكلي وقومتي وجلستي وتتنحب وتجدع كلام انه شوفو فلانه ماكانه حامل ماتتعب ولا شي وتتنحب بنتي انه شوفو حركاته ذكيه وشوفو اكله وشوفو شربه بنات تسلطت علي بشكل ماتتخيلون كانه تقول لناس انحتوها جننتني حسبي الله ونعم الوكيل حسبي الله ونعم الوكيل


انا عقب حركاته قطعت الروحه لهم قطعت لاني تعبانه من الوحام وعجزانه عن نفسي والي فيني مكفيني مو ناقصتهاا اشغل نفسي فيها
بدت تقول لزوجي الي هو ولدها جب مرتك وهو يلح علي يبيني اروح انا اعيي مابي بدا يهددني ببنتي ياخذها لحالها لهم وانا مابي ياخذون بنتي لانه اذا راحت عادي يخلونها تنام عندهم يوم ويومين عشان بس يحدوني اجيهم وانا مابي وخصوصا بنتي صغيره توها بالاشهر


وصارت مشاكل انا وزوجي عند هالسالفه وبعد ماهدت الامور


الحين بدا كل يوم الثاني مرسله لي اعرض من بيتهم ع اساس انه هدايا بس هي مستعمله يعني بقايهم من اغراض المطبخ وغيره قسم اني انقهرررر وش تقصد من هالتصرف مثلا ترسل لي جهاز من اجهزت المطبخ مستعمل ووسخ وتروح هي تشتري مثله جديد طبعا زوجي الي يشري لهم يعني تعطيني المستعمل حقهم وهي تشتري جديد


مره اقول موب قصدها ومره اقولا الا المشكله زوجي طيب مرررره ومايصدق فيهم شي ابد وحسن النيه مرررررره وياخاف ربه مررره دايم باخذ الامور بحسن نيه انا ياست منه مستحيييل اكلمه عن تصرفاتهم خلاص صرت اسكت
مادري مره اقول موب قصدها هذي هديه ومره اقول لا


بنات اتعبتني وانا اجيهم وماخلتني وانا بعيده عنه حسبي الله ونعم الوكييل والله اني اتحسب عليها كل ماتذكرتها ياربي مادري كيف اتعامل معها حسبي الله ونعم الوكيل