افكر بعمل مشروع في المنزل واحتاج لأفكار منك

هلا اختي ..

والله انا من فتره كنت افكر في هالمشروع .. وما زلت افكر فيه.. :)

في افكار وايد تقدرين تحصلينهن ع النت.. بس سوي سيرج وان شاء الله بتحصلين الي انتي تبيه..

سوي سيرج على المواقع الاجنبيه لان فيها اشياء وافكار وايد :)

سوي سيرج على Favor Boxes
chocolate wrap

وشوفي هاللنك ان شاء الله تحصلين الي تبينه :)

http://images.google.ae/images?q=chocolate%20wrap&hl=ar&lr=&ie=UTF-8&sa=N&tab=wi

ماكو اسامي .. حبيبتي ..
اي سوق اللي عندنا بالكويت اسعاره رخيصة يا ليت تقولين لي؟ لأني أحب هالشغلات ..

وعندي فكرة انا سويتها بنفسي من ثلاث اشهر يوم ولدت سويت هدية البيبي اللي يقدمونها للضيوف بإيدي .. وكانت عبارة عن علب خشب بنية اشكال مختلفة جابها لي زوجي من الهند ..
وجبت قماش التور الواقف مو الناعم ألوان مختلفة (عاد منه الالوان حدث ولا حرج) من كثرها ما تدرين شنو تاخذين.
الوان متناغمة مع بعض وحطيت كل لونين تقريبا مع بعض بجهات متعاكسة وقصيت اطرافها بالمقص الزقزاق .. وحطيت فيها شوكولاته من باتشي مع الحلاوة البيضاء والذهبية .. وسويت لها فيونكات من نوع راقي من الريبونات وكان شكلها وايد كشخة وحلو .. الاحلى إنها صنع إيديني ..
وفيه بعد واحدة صديقتي كانت جاية من الحج يوم باركنا لها كانت جايبة من باتشي اكياس خيش بني من بشكل مربع وعليها ريبون حلو وقطعة خشبية صغيرة مكتوب عليها (حج مبرور وسعي مشكور) وبداخل الكيس مقاسه حوالي 10في 6 سم مو أكثر وفيه كان شوكولاته باتشي مع تمرة مع مسباح صغير .. وكانت وايد حلوه ..

هاذا اللي يحضرني من الاشياء اللي فعلا شفتها من قريب .. وإن لقيت شيء ثاني راح اكتب لك ..

تحياتي ولا تنسيني من اسم السوق ..اللي قلتي عنه ..
ما قصرتِ
زعفران

تسلمين يا اختي غزلان الصحاري
مرورك فرحني
وان شاء الله ابحث باللنك اللي حطيتيه واسوي سيرش علما اني بحثت وما لقيت الا شغلات الزواج الاجنبيه بس بحاول مره ثانيه
جزاج الله كل خير

زعفران الجنه
فكرتج فهمتها ما شاء الله عليج مبدعه وعن الخيش ينقص مربعات او اشكال حسب سطح الكاكاو ويفتح اطرافه شوي ويرش بالسيبراي الخاص بالشعر ومن ثم ينكتب عليه اي اسم مولود بقلم اسود عريض شوي ومشي عليه البتكس ورشيه بالجليتر الذهبي او الفضي حسب الالوان المختاره

اما عن السوق فهو خلف سوق البلوكات اسواق الكلف تلقين كل شي ببلاش لو اخذت بالجمله سعر بسيط جدا
وايضا سوق دبي عند قصر السيف على البحر فيه اقمشه القطعه بدينار وفيه دانتيلات وتور وكل ينفع حتى لتغليف الهدايا

مرحبا بناتنا << بنات الكويت :24:

تعرفون سوق السلاح؟ :17:

آنا أول مرة أطبه أمس تخيلوووووا :27:

بس شنو شي وقمة أسعاره للمدرسات ينفع للهدايا ينفع آنا أخذت بالدرزن ألعاب أطفال بأسعار خياليه والتفافيخ :17:
لليهال الصغار شي رخاص وخشيتهم ووقت الحاجة بطلعهم يصلحون لأعياد الميلاد وهالسوالف بس روحوا وشوفوا واللي عندها ماشالله اثنين ثلاثه بالمدرسة أو أكثر تروح تاخذ لهم بالجملة كشاكيل ودفاتر نوعيتهم لاباس فيها ولايقصون عليكم المحلات الغاليه << تحريض هههههههههههه

تدرون وين تحصلون هالسوالف؟؟

أقولكم أفا عليكم :17:

سألوا اذا وصلتوا سوق المباركيه عن سرداب الشايع ودخلووووه ونقوا اكسسوارات وكماليات وبعدين تطلعون تروحون فوق تسألون عن سوق اللبنانيين ( تحصلون فيه علب بلاستك بالجملة) وبعدين تسألون عن سوق ..... امممممممم ياربيييييييه شسمه إهي عماره فيها فوق وبالسرداب سوق تقدرون تتنقون منه اللي تبون .....
ترى شكل العماره مايدل ان فيها سوق لأن مدخلها صاير بين محلات اللبنانيين شوفوا اهو صاير فوق سوق اللبنانيين وفوق سوق أسرتي الشعبي ...
لاحد يزعل مني لأني أول مرة أروح هالأماكن وشكلي بصير من روادهم لأن الجملة تنفع للمدرسات وللأطفال الصغار تشترين لهم ألعاب بالدرزن بدال الخساير على الفاضي وعلى الماركات !

ان تذكرت رجعت لكم وقلت لكم اسم السوق ان شالله

بايوووو :26:

انا اعرف سوق الشايع خرابيطه تينن
بس هو نفسه السلاح؟
جزاكم الله خير على المرور