وعدنا والعود احمدُ
اليوم جاية لكم بكيكة لكل يحبها
وتخلص وهي للحين ما بردت من لذتها
وتناسب هالوقت يعني وقت الشتاء
ما بطلوها واهي قصيرة
نبدأ في المخاسير
نحتاج الى ربعة كوب زبدة
كوب تمر منزوع النواة
كوب جوز مو مفروم ناعم لا مكسر تكسير
كوب ونص طحين جميع الاستعمالات
كوب شكر وللمتكلمين بالفصحى سكر
رشة ملح
رشلة قرفة = دارسين
ملعقتين صغار بيكنك بودر
بيضة وحدة
ملعقة هيل مطحون ناعم
نص ملعقة فانيلا
كوب ماء حار(مغلي)
يلا نبدأ في الطريقة
اول شي نحط التمر المنزوع النوى مع الناء الساخن(يا فصيح انت) في خلاط اللي نسوي فيه العصير فيه العصيروإذا كانت كلش متماسكة وما نخلطت عدل نضيف لها قليل بعد ماء ساخن كلش قليل
لأنه ما نبي تكون سائلة
وعلى جنب نخلط في خلاط الكيك الزبدة ونضيف لها السكر
وبعدين نحط عليهم البيض وفانيلا والهيل والدارسين(القرفة)
وبعدين نضيف عليهم
الطحين بعد ما خلطنا معاه البيكنك باودر
بس ما نحط الطحين كامل
لا نحط قسم منه
وقسم من خلطة التمر
يعني كل شوي اضيف شوية من مقدار الطحين واخلط بعدين شوي من مقدار التمر واخلط
الى حد ما تنخلط بالتمام والكمال
وراح تكون الخلطة غليظة
ومتماسكة
يعني لا تتوقعونها تكون طرية ولينة
ونصبها في قالب الكيك اللي دهناه من قبل ورشينة علية شوية طحين
في فرن حرارتة 180درجة او 350
تقريبا مدة 50 دقيقة
وهذا شكلها بعد ما جهزة وقلبتها
بس نسيت اصورها
وتذكرت اني اصورها بعد ما قصيتها بالسكين
وهذي بعد ما قصيت منها قطعة
يمي يمي
تراها صج لذيذة
وما ينمل منها
وصحتين وعافية
والله شكلها لذيذه