اختي غيوم ...ممكن اسوي لك ميزانية....
لكن ارسلي لي على الخاص اذا بغيتي.......

قصتي مع التبذير والحين مع البخل بس مو مقره على نفسي.


انا كنت اشتغل وبحكم الشغل والبنات والمظاهر كنت اشتري اي شي لدرجه ان ماركتي المفضله ايف سان لوران وكريستيان ديور وهذا طبعا غير الملابس من برى كان عندي اشتراك في اكثر من كتالوج وراتبي كان 4930 ريال .والموبايل ووالاكل .وعلبه المناكير ب 80ريال وما كان يهمني ادفع اي شي.

بعدها طلعت من الشغل هنا حسيت بالدنيا غير فكرت كيف اتصرف طيب تعلمت الخياطه وصرت اخيط ملابس البيت فكرت قلت ليه اروح السوق واربح المحلات دائما اللي يشتغلون في المحلات لهم عموله من صاحب المحل عشان كذا عندهم طريقه في الاقناع فبطلت اروح السوق الا في الاعياد والاعراس وقطعت علاقاتي مع صديقاتي اكتفيت بخواتي هم صديقاتي .

مع اني كنت اروح السوق كل اسبوع واحيانا بعد الدوام امر اي مجمع واشتري .

الحين عندي في البنك مبلغ صغير لكن الحمدلله الله فكني من التبذير اللي ارتحت منه مثلا قطعت خدمه الصفر الدولي من التليفون واللي هي خدمه الموبايل واكتفيت بالبطاقه وصرت افكر قبل ما اروح الجمعيه مثلا مطهر الحمام(الله يكرمكم) اللي هو الديتول تقريبا 6 ريال وعلبه صغيره ما تكفي رحت رامز وخذت علبه كبيره 10 لكنها اخذت معي الى الان 3 شهور ليه لاني حددت تعرفون ( فنجان القهوة التركيه)طبعا 3 فناجين لكل سطل مع الماء الحار وتطلع الريحه روعه وتطول طول اليوم.

وبالنسبه للاكل اقارن بين الاسعار في الجمعيه طبعا اخذ الارخص .
وبالنسبه للمطبخ ما عندي كثير ادوات مطبخ شي بسيط.
بس مره دخلت مطبخ امي وما طلعت منه الا بحوالي 30سكين تصوروا و50 ملعقه يعني امي لو تفتح مطعم احسن لها . قلت لها اللي تبينه خليه واللي ما تبينه تصرفي فيه .
امي اكبر مبذره بس الحين انا قاعده لها وصدقوني تغيرت صارت تفكر صح.

وانا اجمع المبلغ مو علشان حب الدنيا لكن الدنيا ظروف لو اانا لا قدر الله وقعت في مرض لو بسيط وحتى اسافر او اتعالج بالخاص.وبعيد عن المرض لو حبيت افتح مشروع القى فلوسي عندي .

واهم شي لازم تخففوا من السوق اذا حسيتي انك بتروحي السوق شوفي اطفالك اذا احد منهم ضعيف في ماده معينه دخليه مركز تعليمي احسن له.

وبالنسبه للملابس .انا اذا صارت عندي ملابس قديمه خيطتها ماسك للاواني.

واذا عندي صندل صار قديم وانقطع واخترب اصلحه عند صاحب الاحذيه واذا ما كوا فايده منه قصيته وعملته نعال(الله يكرمكم)

وبالنسبه لفوط الجسم اذا صارت قديمه خليتها للمطبخ .

ودايما اعمل فرز لاغراضي واذا لقيت بلوزه ضاقت الاكمام على قصيت الاكمام وخليتها نصف كم.

وبقول لكم قصه اختى: والله انها كانت تلبس اولادها ملابس خلاص اهترت ليه بس كانت محتفظه بملابسهم الجيده للطلعات والزيارات لانها كانت تخطط هي وزوجها يبنون بيت والحمدلله في خلال تقريبا 2 خلصته طبعا اللى اخرهم الشركه والاضافات اللي هم اضافوها . لكن مشاء الله طلعت فيلا روعه جاب لهم قيمه ضعف المبلغ .هم بنوه 350000 وجاب لهم 800000 انا ما صدقت لان الفيلا صغيره مره.


واذا تذكرت شي من طرق التوفير اخبركم.

ماشاء الله تبارك الله قصتك رائعة جداً

بالنسبه للي عندهم اطفال وخصوصا في المدارس وقت الاجازه تجمعي كل الكتب وادواتهم المدرسيه وتشوفي الدفاتر اذا في دفتر باقي منه اوراق تحتفظي فيه ليه لان لما الطفل يحب يلعب في الصيف من الملل يلقى له دفتر يكتب فيه وكذلك الاقلاه احتفي بها.


واقول لكم عن طريقتي في الشوربه انا احب شوربه ماجي بالشعيريه: طيب قلت لما اشتري كيس صغير ما يكفيني الا يوم واحد . شسويت اشتريت حبات ماجي وشعيريه (البلاليط) والطريقه طبعا وضعت قدر وشويه ماء وحبتين ماجي وذوقي نفس الطعم والمقادير موجوده وانا اضيف الخضره والدجاج اللي احب.


واذا تذكرت شي بارجع لكم.

شكرا لك يا حلوه.