طريقة عمل بسبوسه (طعمها جنان)

توا ما تنور القسم
وبعد ما رحبت فيكم حبيت اقولكم عن البسبوسه هاي صدقوني وايد حلوه وطريقتها وايد سهله :39:
................ المقادير 1_اثنين كوب سميد
2_اثنين ملعقه بيكنج باودر
3_كوب ونص سكر
4_كوب جوز الهند
5_كوب حليب(حطو اربع ملاعق حليب نيدوفي كوب ماء دافيء واخلطوه)
6_كوب واحد روب(زبادي)
7_ثلث كوب زيت نباتي
والحين الطريقه صدقوني وايد سهله
الطريقه: 1- اخلطو المقادير الجافه مع بعض(السميد- بيكنج باودر-السكر-جوز الهند )مع بعض
2-واخلطو المقادير السايله ويا بعض (الحليب -الروب-الزيت)
3-اسكبو المقادير السايله على الجافه وحركو حركه سريعه لين ما تتكون العجينه
4 -ادهني صينية الفرن بالزيت وعقب حطي العجينه واتركيها لمدة نص ساعه وعقب شغلي الفرن لين ما يسخن وعقب دخلي البسبوسه اول شي شغلي اللي تحت لين ما تحمر البسبوسه من تحت وعقب اللي فوق لين ما تحمر بعد
5 -(الشيره)كوب ماء وكوبان سكر فوري الماء والسكر لين ما يتكون سائل كثيف مع الحركه المستمره ويمكن اضيفين زعفران حسب الرغبه واسكبي الشيره على البسبوسه بعد الانتهاء من خبزها بالفرن

وبالعافيه عليكم :)
اختكم الصغيره برزة الشحوح