جبت لكم كيكة السنكرز.. صايرة اسويها بكل عزيمة وكل مناسبة.. وكل ما ابي اصورها لكم .. الاقي منقضي عليها ماشاء الله... وبالعافية على اللي اكلوها...
هي ترا شويونة ثقيلة... بس لذيذة .. واتمنى انها جديدة عليكم وتعجبكم...
وهذي الطريقة والمقادير يا أحلى بنات...
المقادير.....
كيك كاكاو مقطع شرائح - كيك أبيض مقطع شرائح - علبة كريمة الخفق(wipping cream) اللي قياسها 250 مل - 2 ملعقة كبيرة نسكافية - 1 سنكرز - 3 قشطة (راح نستخدكم علبتين ونص فقط) - 4 ملاعق بينات بتر خشن - 2 علبة صغيرة حليب محلى
الطريقة ....
1- في صينية التشيز كيك.. نرص كيك الكاكاو الشرائح كطبقة أولى ..
2- نخلط كريمة الخفق والنسكافية جيدا.. ثم تأخذ نصف الخليط فقط ونشربة للكيك اللي اللي بالصينية... (انتبهي لا تكثرين مره عشان الحلى ما يصير مياهي.. يعني ماي مايوه :hahaha: )
3- نسخن السنكرز في حمام مائي... وعندما يذوب نخلطه مع نص علبة قشطة ونصفة على الكيك اللي حطيناه بالصينية..
4- نرص الكيك الابيض بالصينية ونشربة بخلطة كريمة الخفق والنسكافية اللي بقت... (بس لا تخلينها مره مياهية)
5- يخلط 4 ملاعق بينات بتر او زبدة الفول السوداني الخشنة + 2 علبة قشطة + 2 علبة صغيرة حليب محلى... ويضاف على الكيك... وتزين الكيكة بالفول السوداني... وتوضع بالثلاجة (وليس الفريزر) لمدة 3 ساعات وممكن اكثر شوي :)
*** ملاحظة صغيرة: الحلى لما تفكينة راح تحسين انه مو جامد كثير.. عادي لا تتخرعين .. هو كذا :) ويمكن الخلطة اللي فوق راح تنزل شوي على الجوانب .. عادي هي شكلها كذا :) انا ما نزلت من الجوانب لانها نزلت بعدين :)
واتمنى انها تعجب الجميع...
يلا عاد جربوها وخبروني بالنتائج .. وان شاء الله تعجبكم