اوزاليندا
خالة زيزو
الله يسعدكم دنيا واخرة وربي ماراح انساكم من دعواتي في جوف الليل
والله يفرج همومكم زي مافرجتوا همي وساعدتوني
مشكورين حبايبي
الصفحة الأخيرة
اكيد حبيبتي بس مستحيل تقدري تطبيقي جميع مايكتب في التحضير لكن حاولي .. ومستحيل فيه احد يقدر يطبق مافيه الا تكون عندها خبرة انتي حاولي تسددي وتقاربي بما يقربك من الله
2_بالنسبة للكتاب متى اسمح للطالبات بفتحه وهل ضروري التزم بالتمهيد الموجود فيه
حبيبتي لا من قالك الكتاب ما ينفتح بالعكس فيه بنود من بنود تقييم الموجهه لك تفعيل الكتاب من خلال حل نشاط من انشطة الكتاب او تحديد معلومة مهمه وتكتبي عليها مثل تاشريها تعليل ومن هالقبيل . لكن قصدهم بعدم فتح الكتاب لك انتي كمعلمة لانه يعتبر لك عدم تمكن من المادة..
اما التمهيد عندك بالابتدائي مليان بالنت طرق للتمهيد لهم سواء من خلال عرض فلم كرتوني توعوي من خلاله يستنتجو الدرس او من خلال قصة تقرا عليهم يستنتجوا الدرس او من خلال العاب ..
3_بالنسبة للسبورة سمعت انه لها طريقة ترتيب معينة ياليت توضحوها لي
ايوا حبيبتي انتي بالاصل تعتمدي على وسايل التقنية الحديثة كالسبورة الذكية او البروجكتر ومقاطع الصوتية سواء تلاوات او افلام كرتونية توعوية او مواعظ .. لكن هذا مايدل انك تتجاهلي السبورة وتتقسم ثلاثة اقسام
جزء راح تكتبي فيه عناصر الدرس .. مثلا درس حديث ..
تكتبي في عناصر الدرس راح نتناول اليوم الحديث كذا والراوي ومعاني الكلمات وشرح الحديث والفوايد المستنبطة .. ثم القسم الاخر حبيبتي راح يكون فيه معاني المفردات والراوي ومايستفاد .. ثم القسم الاخير راح يكون فيه الواجب .. ولابد تستخدمي الوان مختلفة
ولا تنسي تخلي جزء للهامش مثلا تحتاجي لتفسير كلمة مبهمة في الدرس تجي للهامش وتكتبي جملة مفيدة فيها الكلمة والبنات بيستخرجو معناها وهكذا
4_ اوراق العمل هل هي ضرورية لكل درس وهل يكون لكل طالبة ورقة عمل ام لكل مجموعة طالبات وهل تعتبر تقويم نهائي
حبيبتي بنسبة لك اذا ابتدائي فالافضل لك تخلي لك طالبة ملف انجاز يعني سواء بحث او اوراق عمل او مراجع او اي شيء يرتبط بجميع موادك يكون فيه وتقسميه على المواد يعني قسم فقه وقسم توحيد وقسم حديث .. هذا في العموم
لكن اذا قصدك اوراق عمل كل حصة فلا ما احد يلزمك احيانا ماتحتاجي لورقة عمل لعدم حاجة الدرس لذلك لكن سوي اوراق يستنتجوا الدرس من خلال لعبة وسوي مسابقة بينهم وعندك الالعاب مثل الحروف المتقاطعة ومثل حركات الصم ومن هالقبيل .. وممكن ماتتزوع لكل الطالبات لكن خليهم على مجموعات وكل مجموعه لها رئيسه وتنحط فيه ملف الريسه واذا جتك الموجهه تخليها تشوف ملفات الريسيات ..
5_بالنسبة للصفوف الدنيا هل ضروري كتابة الدرس امامهم وترديده منهم عدة مرات
حبيبتي اني بتكتبي بالسبورة الشيء المهم او العناوين المهه وخلي اغلب الفصل يقوم يعني النقطة الوحدة خلي اكثر من طالبات بتقوم فيها بكذا حفظوا الدرس بدون ترديد ..
اما بخصوص دروس الصلاة والوضوء الافضل جدا ان تطبق عملي في مصلى المدرسة والله ماراح تنسي من عقولهم
وممكن الحين تستبدليها من خلال العرض الوثايقي لكيفية الصلاة وتلاقيه في النت مرا روعه ..
خيتو لا تشيلي هم جدا التدريس متعة للي حاب الشغلة وبس تذكري انك بتدرسي مادة شريعة بتفيد هالجيل القادم واحتسبي انه بكل درس يستفيدوا منه وتكسبي اجر تعليمك لهم وتعليمهم المستقبلي لابناءهم
يارب اكون افدتك باللي تحتاجيه