السلام عليكم ورحمة الله وبركاته
كل عام والكل بالف خير ومبارك عليكم الشهر جميعاااا
خواتي والله اكتب لكم هالموضوع وبقلبي حسره وندم علىى اللي نسويه من اسراف الله لايعاقبنا ..
سبق ونزلت موضوع استشيركم فيه بخصوص روحتي للعايله المحتاجه
الحمدلله ربي سهل اجازة زوجي ويسر روحتنا لهم مع ان المشوار بعيد وانا حامل وتعبانه لكن سبحااااااان الله لانه شي فيه خير لوجه الله يسره ربي من فضله وحبيت اكتب لكم تفاصيل روحتي وانصح الجميع وانا اولكم بالاقتصاااااااااااد والله اننا في نعمه مهما كانت ظروفنا الماديه صعبه احيانا ونمر بازمات لكن يااااارب لك الحمد غيرنا عايشه هالازمه طول حياته الله يفرج للجميع ..
الحمدلله شحنت الاغراض للارمله وبناتها قبل كم يوم قبلنا وسافرت مع زوجي طياره لان المشوار متعب
ووصلنا واستلمنا الشحنه من الشركة ورحنا لقريتهم بطريق بر تقريبا ساعتين والحمدلله ماقابلنا عمهم ولا درا عننا .. والله ثم والله ثم والله من شفتهم ماقدرت اتمالك نفسي وغصبا عني بكيت مع العلم اني كنت متردده في روحتي عشان مااجرحهم او احرجهم وهذا اول مره اروح فيها لناس محتاجه بنفسي واعرف نفسي ماتحمل ,,
يابناااااات فقرررر فقر فقررر مو طبيعي والله العطيم منظهرهم يصعب على الكافر الام عجوز وباين انها مريضه جسمها مايتحمل القومه والقعده بسهوله ووحده من يدينها ترجف على طول ((اتوقع انها جلطه))
وبناتها بعمر الزهور بس بملابس مقطعه ومرقعه وبيت كانه صندقه غرفه من حديد فااااااااااااااااااااااااضي والله العظيم عندهم ثلاجة خربانه وقديمه ومفصوله لانها ماتشتغل المويه حاطينها بشي من التراث ماعرف اسمه كانه من فخار ويشربون منه
والنوم ينامون على حصير مو فرش او سجاد لاحصيرررر خفيف مشقق من كل مكان
جلسنا نتكلم مع الام عن ضعهم واحتياجاتهم وسبحان الله مافيها لسانها غير ذكر الله وكلمة الحمدلله مستورين وعايشين !!!!!!
حاولت اخذ معلومات من الام مارضت تعطيني اي شي عن وضعها تقول حنا في رجاء رب العالمين يرزق الحيه وهي بالصحراء ويرزق الطير وهو بالسماء مرررررررره الحرمه متعففه لايمكن تطلب شي
اخذت وحده من بناتها وقدرت اتفاهم معها وترتاح لي وبدت تفضفض عن وضعهم تخيلوووو من 6 شهور او اكثر مادخل بيتهم دجاج او لحم او خضار !!!
اكلهم رز ابيض بدون ملح او خبز بر يسوونه هم بالبيت فقطططططط وحليب من سوداني راعي غنم كل فتره يجيب لهم
تقول يجينا بقايا طعام من الجيران ناكلها غدا وعشا لان ماعندهم فريزر يقدرون يفرزنون الاكل فيستغلونه بنفس اليوم واحيانا يجلسون يومين ماكلو شي
والمويه يشربون من مكان عندهم زي البير نسيت اسمه بس مويته مو صالحه للشرب ؟؟
عندهم بنتين فيهم صرع احيانا يجلسون يوم كامل مصروعين ولايقدرون يسون لهم شي
تقول نقرا في مويه ونرشهم فيها بس
واشياء كثيررررر عن حياتهم اقسم بالله ماتدخل العقل الا اللي شافهم بنفسه حتى الكافر بيرحمهم
والله الى الحين قلبي يتقطع عليهم ماني قادره استوعب ان فيه عالم بالسعوديه عايشه بهالفقر
فنصيحه يابنات احنا بنعممممممممممممممممممممممه كبيره مكيفات وثلاجات وناكل ونشرب اللي نشتهيه وناكل من مطاعم ونلبس جديد ومع هذا نقول وضعنا زفت وحالتنا الماديه صعبه
لالالالاوالله بعد اللي شفته قبل امس والله اني اشوف حياتي حيا ملوك مقارنه بهالعايله
تكفون يابنات انتبهو بهالشهر وغيره لاتسرفون في الاكل وينكب بالزباله والله غيرنا يتمنى اللقمه مايلاقيها
تكفون يابنات اي وحده تعرف عايله محتاجه تروح لهم بنفسها حتى لو بعيد وتقدم اللي تقدر عليه وتتواصل معهم ووش كثر المحتاجين بكل مكان ..
ماتتخيلون شكثر فرحتهم بالاغراض والفلوس ماقدرو يخبونها والله كانه داخله الجنه يوم شفت ضحكتهم يوم شافو المكيف والفرش
وتمنيت اني جايبه لهم ملابس بتكون فرحتهم اكبر
وعزمت انا وزوجي نروح لهم مره ثانيه بمقاضي للعيد وزكاواة قرايبي بهالشهر ونفرحهم ونامن لهم اللي يكفيهم 3 او 4 شهور الين نرجع لهم مره ثانيه لان حتى تيلفون ماعندهم فمااندري وش بيكون وضعهم بعدين
واقسم بالله يابنات ان ربي فرجها علينا انا وزوجي اول ماوصلنا منهم بنفس اليوم بضعف اللي عطيناهم 16 مره في موضوع متعقد له اكثر من 8 شهور مره يارب لك الحمد
حتى زوجي انصدم يقول سبحان الله شكل ربي استجاب دعواتهم لنا ووافقت ساعة استجابه
والله شعور حلو لما تشوفين رضى ربك ينعكس عليك وعلى عيالك بموضوع سويتيه ..
ويارب يكتب لي ولكم الاجر والثواب ويديم نعمه علينا
الحمدلله على كل حال
الله يجزاك خير على اللي سويتيه ويكتب لك الاجر