اذا مافضفضت بموت غبن يابنات زوجي قالي الزباله احسن منك وكم مره يقول حركاتك زي المعوقات وانتي طبخك ماينذاق والراتب هذا ماقضى لنا شي والسوق والتمشيات منعها عني
- فجاءه وحنا ماخذين اجازه بس مايبي يمشيني فيها وكل ماجلس معاه لازم يتهاوش معاي مثلا ليه بناتك كذا ليه المطبخ مانظفتيه مع انه والشهاده لله نظيف ولا يقول انتي ماتعرفين تحطين ميكياج ويقولي ابيك لاطلعتي معاي تتزينن يعني قصده احط اكسسوارات وكحل وعطر لان دايما اطلع معاه متستره بدون ميك اب وعطور ويقول لي عشان كذا اطالع بالبنات لانك ماتسوين زيهن! حسبي الله ونعم الوكيل رديت عليه قلت انا اخاف الله ومابي رجال يطالعون فيني وطنشني وهو كانه مشمئز مني مادري وش اسوي دايما مايمر يوم الا هوشات تعبت وقلبي تعب من البكي وبنتي شافتني ابكي وقالت لي لاتبكين ماماوراحت لاابوها وقالت لاتزعل ماما وجاتني مره ثانيه وقالت هاوشت بابا لانه زعلك حنا تمنيت اني اموت ولا اشوف بنتي تشوفني بهالحال يابنات عطوني حل جربت كل الحلول مانفع طنشته اعتذرت له رحت لااهلي مانفع معاه شي مع ان بيني وبين زوجي عشرة عمري مادري وش صايب زوجي انقلب علي فجاءه علمووني ليه يسوي فيني كذا عطوني حلول خلاص قسم بالله قلبي يعورني من البكاء لي يومين على هالحال وحتى اذا ماكلمته ورحت عنه بعيد يجي عندي ويقول قومي غسلي روحي لبنتك وكليها سوي غدا يعني بالعربي ماهمه زعلي ولابكاي انا تعبت مالي قوه اتحمل تحملت لين انفجرت