ليش حنا كذا ..؟؟؟
ليش اهلنا هم اللي يتحكمون بنا ...
بكل شي يتحكمون بنا ...
شوفوا ..نمسك شي شي ..
اول شين ....
ولدونا ..ماشاورنا ..على كيفهم ...حملت بنا امنا ..وولدتنا ..
ليه مايسألوننا ..مايقولون ...
بعدين ..
سمونا ..ياربي حتى الاسم وهو الاسم بكيفهم ...حتى .. رمز الانسان او الشي الوحيد اللي يملكه ..هو لحاله ..يتحكمون به ..
بعدين ..
وحنا صغار يربونا على كيف كيفهم ..لاتقولين كلام وصخ ..لاتاكلين بيدتس وتحوسيننا ..لا تطلعين للشارع ..لا ..لا ..
بعدين ..
دخلونا للمدرسه ..
ماقالوا تبي تدشرين ...بكيفتس ..تشحدين ..يعني العلم شي راجع للانسان ..نبي نتعلم ولا كيفيتس ماتبين ..
..وبهالمدرسه..
وكرف ولعنه جدف ...واذا نجحنا
بزعمهم وين ...ان جابوا ماورا اذانهم ..
شروا هديه نجاح ان ماقدروا اعطوك نجاحه فلوس يعني ...
بعدين ...
ووننجح ...وونتخرج من المدرسه ...يالله عاد الحين الجامعة ...طيب مابي ...
الا لازم ..ومن العناد الزايد ...يوفرون لنا كل شي سيارات تودينا وتجيبنا ..
وحتى اذا مرضنا ..
طااروا بنا للهالمستشفيات ...طيب مانيه ..كيفي ابي امرض ..انا ومرضي من دونكم ..
وو...وو...................و........و.............. .....الخ ..
مانخلص منهم هم وتحكمهم ...ساااااالفه طويله ...
يـــــــاكثر مااسمع هالموال ..
يـــــاكثر ماتجي بنت تعصر دموعه عندنا وامي خذت جوالي سمعتن اكلم بالليل اهيء اهيء
ولا تجي معصبه على الآخر .. ليش وشبتس عسى ماشر تقول ابوي قطع الدي اس ال ئال ئيييه ئال اختبارات ابيكم تشدون حيلكم ..
طيب ياغبيه انتي واياه .. شغلي هالمخ المتنك شوي ..
طلعيه من هالمخزن الي تعفن وهو داخله ..
ليش اهلتس يسوون معتس كذا ؟؟
يكرهونتس مثلاً ؟؟ مايبونتس مثلاً ؟؟
ترى ياعزوتي محد جابرهم من يوم انولدتي الين صرتي بهالعمر ..
بدول ثانيه ان جيتي غصبن عنهم جدعوتس بااقرب ملجأ .. وان كبرتي وكثرت طلباتس يقولون لتس الباب يابعدي ..
ولا يزوجونتس اقرب راعي ( مهو راعي بلاوي راعي غنم )
بدول ثانيه ماتاصلين خمس سنين الا تدفعين ايجار سريرتس ..
ولا تكرفين بهالبيوت عشان تشترين لروحتس خبزه !!
متى نكبر ؟؟
متى نعقل ؟؟
متى نحس .. متى نثقل ؟؟
متى نشوف بعين الأم ؟؟
متى نحس بشعور الأب ؟؟
ليش ندور على الهم ؟؟
طول الوقت مكتئبين ..
مانشكر بل نّسب ْ !!
ليه مانلتفت شوي ..
يمين ويسار ..
نشوف الذل والإهانه ..
نشوف الظلم بألوانه ..
نشوف الموت وهو يصبّح على الأطفال ..
نشوف الفقر وهو يقتل احلام اجيـال ..
ومع هذا نبكي ونلطم ..
خلونا نبي نرتاح .. نبي نعيش على هالكيف ..
نبي الحريّة ..
ماندري ان الحريّة .. هي هالعلم الأخضر .. ونخله وسيف
وقلب أم بنا تهتم ..
وقلب أب منه نتعلم ..
وقلب أخ لزعلنا يتألم ..
وقلب مجتمع يحفظنا .. ويحافظ علينـــا ..
تتونسون بكل العقل والفكر الراقي
ملطوووووووووووش ياحلووووين
أمها مدلعتها @amha_mdlaatha_1
محررة فضية
يلزم عليك تسجيل الدخول أولًا لكتابة تعليق.
لوحه فنيه
الشكر واصل لك ياقمرررررر
القمر بعيونه
الله يعينك ياعسل
ويهدي لس بنتس
يسلموووو المرور الطيب
دمتن لي بود
الشكر واصل لك ياقمرررررر
القمر بعيونه
الله يعينك ياعسل
ويهدي لس بنتس
يسلموووو المرور الطيب
دمتن لي بود
الصفحة الأخيرة
حبيبتى والله انى اعانى من هالموضوع
بنتى بين حين وحين تكرر هالعبارات
وفهمها لكن ماكو فايده