مدخل ...
في كل عام ,,
أنا لا اشبه العام الذي قبله
أشياء كثيره تغيرت فغيرتني...
اهلين فيكم
كل سنه والجميع الى طاعة الله اقرب
ايام قليله وينتهي العام
نسال الله ان يتقبل مابها من اعمال صالحه ويتجاوز عنا
نرجع للمنيو تبعنا اليوم
صينية دجاج وبطاطس
المقادير والطريقه؛
الطبقه الاولى بصل مشوح مع شوية زيت نضيف لها كل البهارات اللي تحبيها ومكعب ماجي
بعدها نضيف فلفل رومي مكعبات وجزر مبشور وثوم مبشور نقلها بعدها نضيف دجاج مسلوق منتف وتحرك شوي ونرصها بالصينيه
الطبقه الثانيه بطاطا مسلوقه وبقدونس مفروم وبهارات شوي وملح وشوية جبنه موزرلا ونكبسها شوي شوي عالدجاج
الطبقه الاخيره جبنه سايله وقشطه وملعقه مايونيز
ندخلها الفرن من فوق بس تتحمر
سلطه خضار مع قطع الدجاج
المقادير والطريقه؛
الخضار هي خس وجرجير وملفوف وفلفل رومي وجزر ولك حرية التقطيع
نضيف لها قطع دجاج متبله بخل وليمون وفلفل اسود وملح وكمون وتشوح في شوية زيت لحد ماتستوي
كمان نقلي شوية خبز عربي مقطع مكعبات
نخلط كل المقادير ونضيف لها الصوص<مايونيز وليمون وزبادي وملح وبابريكا>
نحركها زين ونرش عليها سماق عالوجه
حلا بسيط
المقادير والطريقه؛
الطبقه الاولى كيكة بيتي كروكر
الطبقه الثانيه ظرف دريم ويب واربع حبات كيري ونص علبه قشطه وربع علبه نستله ونص بياله حليب سائل كلها بالخلاط
الطبقه الثالثه في حمام مائي اثنين جالاكسي ونص علبه قشطه
وهذي يقالكم محترفه:S_45:
الحلا الثاني
المقادير والطريقه ؛
الطبقه الاولى بسكوت شاي مطحون مع زبده وملعقه قشطه وترص بقوالب الكب كيك
الطبقه الثانيه نص علبة نستله وست حبات كيري بالخلاط
تزين بالشوكولا على شكل رخام
تدخل في حرارة الفرن فقط حتى تجمد
عوافي عالجميع
مخرج ....
االحنين هو أن تتخيل أصوات من تحبهم
وتلتفت فلا ترى أحدا,,,,
رحمك الله يا أغلى أحبابي,,,
تسلم يدك ياعسل