عندما تتحول الصداقة الى استغلال

السلام عليكم ورحمة الله وبركاته
غالياتي بنات حواء بدخل في الموضوع على طول

اكتشفت ان لي صديقات بعد كل المحبه والوفا مستغليني
هذا ياطويلات العمر انا لي مجموعة صديقات احبهم واغليهم تعرفت عليهم قبل خمس سنوات طبعا كل وحده من مكان لكن اللي مطفشني ثنتين
الاولى من عرفتها على طول اذا بغت تسولف وطفشانه تعطيني رنه عالجوال وهاتك ياسوالف على حسابي
وقلت معليه ماعندها دخل وتزوجت قبل فتره وعلى نفس الموال مع ان زوجها كريم حتى لما ولدت ارسلت لها رساله اقول لها اني ولدت اعطتني رنه وماعجبتني حركتها
نجي للثانيه معلمة وراتبها بيدها ولكن هلكتني رنات لها 5 سنوات مادقت على حسابها الا كل سنه مره او مرتين واطول مكالمه كانت 3 دقايق وباقي الايام ربع رنه اللي خلاني اتكلم وافضفض تبغى تجيني وتسلم على النونو لها شهر تعطي رنات وانا مارجعت دقيت اقول خليها تتصل وترحم نفسها من البخل واتصلت انا البارح وكانت مرررررره زعلانه تقول ليش ماتردي عليه صار لي شهر اتصل وانا قبل الاتصال قلت خلاص بكلمها اذا تبغاني اوتبغى تسولف تتصل على حسابها انا ماني مكلفه وبس سمعتها قالت الو وجلست تخاصم راح هرجي كله وقلت انا مشغوله مع النونو
باختصار هل هذا استغلال والا الموضوع عادي لاتقولو انت المسؤوله انتي اللي عودتيهم ابغى الحل ولاتقولوا اني بخيله لاوالله والكل يشهد بكذا لكن احسهم يستكثرون ويستخسرون فيه الاتصالات :(