السلام عليكم ورحمة الله وبركاته
مساء الخير بنات ، من زمان عن المنتدى اشتقت لكم :kiss:
انا دكتورتي قالت لي اسوي اشعة الصبغه ، وانا ولا عمري سويته وماعرف له
شنو الترتيبات اللي لازم اسويه ..؟ وهل هي فعلا مؤلمةة :44:
انا قالت لي اروح اسويه الثلاثاء ولا الاربعاء ولا الخميس ، تقول اليوم اللي يناسبج تجين تسوينه
منو مجربته وش سويتي قبله وبعده ، ومنو حملت بعده على طول ..؟:a_smil08:
انا عندي بنت الحمدلله وعمره 4 سنين الله يحفظه ويحفظ لكم ذرياتكم ويرزق كل محروم ، حملت فيها طبيعي ويوم كملت سنتين ابي احمل وماحملت . راجعت واجد والدكاتره كل واحد كلامه مختلف عن الثاني ، اللي يقول انتي عقيم ويوم درا ان عندي بنت انصدم واللي يقول مافيج شي ، واللي يقول تكيس ، اخر دكتوره جيته قالت كيس دهني ع المبيض + هرمون حليب ، تعالجت وراح الكيس الحمد لله والهرمون انخفض وباقي اشعة الصبغه :icon33:
اللي عنده علم تفيدني ، الدوره جتني يوم الاربعاء اللي طاف واليوم 5 يوم لي ، متى اروح ؟ وهل لازم اكون طاهره واصلي ولاباقي ماطهرت ..؟
قرقت واجد بس ماعندي الا انتم :kiss:
افيدوني الله يجزاكم بالخير 🌸💕
أمـ غلآ @am_ghla_70
عضوة نشيطة
يلزم عليك تسجيل الدخول أولًا لكتابة تعليق.
سويها بعد ما تطهري اهم شئ مافي جماع وهي سهله ما تاخذ دقيقتين بس اهم شي استرخي وهدي اعصابك واستغفري ﻻ تفكري فيهم وهم يسووها هي كويسه وممكن تكون عندك تسدد بسيط وتفتحه لك هي تكشف عن قنوات فالوب اذا مسدده او ﻻ اسال الله العلي العظيم رب العرش الكريم ان يسهلك امورك ويرزقك الذريه الصالحه عاجﻻ غير اجﻻ وكل المسلمين
انا سويتها احسن وقت تكون في اليوم التاسع من الدورة وتكونين طاهرة وتصلين بس مايحدث جماع بينكم لين تسوينها تروحين المستشفى ويدخلونك غرفة الاشعة وتشيلين ملابسك من تحت وتلبسين روب المستشفى وتنامين على السرير ويبدون يعطونك الابرة لازم تكونين مسترخية ولاتتحركين بتحسين بألم بس تقوين تتحملينة وكلها٥ دقايق وتخلص وتطلعين والنتيجة على طول تطلع
انا سويتها بعد الدورة بعد الطهر بس مالله كتب لي الحمل .. وعادي آلمها خفيف جدا بس استرخي وتوكلي ع الله ..الله يرزقني ويرزقك ويرزق كل محرووم
الصفحة الأخيرة
الله يرزقني ويرزقك بذريه الصالحه المعافاه وجميع المتاخرات ...