عـسـولـه

عـسـولـه @aasolh_5

محررة ماسية

رشحولي اكلات خفيفه وما تخرب للفطور ممكن ناخذها معانا ف سفرنا بالسياره.

اطباق عالم حواء

السلام عليكم ورحمه الله وبركاته

اشلونكم خواتي

من زماااااااااااان ما نزلت موضوع وحشني المنتدى وبنات المنتدى والله :)

المهمممممم..

مثل ما ذكرت بالعنوان احنا ان شاء الله امسافرين الاسبوع الجاي عن طريق البر

وطبعا بياذن علينا واحنا بالسياره حبيت اخذ افكاركم عن نوع الاكلات اللي ممكن اسويها

قبل بيوم واهم شي انها ماااااااااااااااا تخرب علينا ف السياره ولا تطلع لها ريحه مثلا!!

انا قررت اسوي محشي ورق عنب انا واعيالي نموت عليه وهو مضمون وما راح يخرب ان شاء

الله بالعكس نحب ناكله بارد :) وبسوي معجنات خفيفه تكون بارده مثل خليه النحل وودي اسوي انواع

من المقليات بس مو عارفه شنو وبعد ابي سلطه

ما تخرب بس هم ماني عارفه عطوني افكااااااااركم خواتي لا تبخلون عليي الله يخليكم ولا

يهون عليكم انظل بالجوع انا واعيالي بالبر لا تقولون خذي من المطاعم ووووووع الله يديم

النعمه وبسسسسسسس هذي كل السالفه :)

بانتظاااااااااااااركم خواتي.
12
6K

يلزم عليك تسجيل الدخول أولًا لكتابة تعليق.

تسجيل دخول

غوووايش
غوووايش
تروحون وترجعون بالسلامة
السلطةمايبيلهاتفنن لانك بالسيارةسوي سلطةبس مايكون فيهاطماط ولاتحطين الصوص عليهاخليهعندالتقديممثلاخس امريكي بكمية\ذرةبكمية\زيتون بكميةاسودؤ\
الصوص في البلندرخل\زيت زيتون\سكر\ليمون\مايونيز\نعناع فريش بصراحةمرررررةلذيذة
جيبي معك خبزلاتنسين اذاكانت رحلتكم طويلةواي حاجةيحبوهااولادك تحشي بهاالخبز
سوي سمبوسةاوبوف جيبي حاجةدسمةمثلامكرونةباشميل سويهابصواني القصديرعلشان اذابقىحاجة ماترموهاتعطوهااي عامل اومحطةوتكسبواجرتفطير
صايم هذاالي في بالي اتمنى افدتك عزيزتي:)
^,,smart girl,,^
^,,smart girl,,^
تقدرين أختي تسوين ساندوتشات دجاج وتفنني بالحشوات وتلفينها بورق..

وإذا ناوية تسوين حلا سوي كيك او أي حلا يكون متماسك يعني مافيه كريمه أبد ..

وعندك بعد رولات التوست اللي هي :
تجيبين قطعة توست وتشيلين أطرافها وتفردينها بالنشابه وتحشينها بحشوة دجاج وتحطين على آخر طرف جبن سايل عشان يمسك وتصفينها بصينيه وتحطين على الوجه كشنه بصل وطماط وفلفل أخضر بارد أو تحطين عليها جبن مبشور أو تحطين جبن سايل وقشطه وتدخلينها الفرن لما تتحمر ( بما أنكم بسفر حطيها بصواني القصدير اللي يجي معاها غطا )..

هذا كل اللي أذكره الحين وإن شاء الله البنات يفيدونك !!

توصلون بالسلامه إن شاء الله..
عسل قليل الدسم
من تجربتي00
سوي مطبق وحطيه بحافظه مايخرب
شوربه بحافظه
مصابيب حلوه
عصير بترمز صغير معه ثلج
اكثر انواع الحلا
heartstrings
heartstrings
اول شي يعتمد على وين انتوا رايحين

وانتي كاتبه بلدك البحرين

فيعتمد على المده اللي بتجلسونها بالسياره

يعني لو 3 4 ساعات ==> للكويت .. او الرياض مثلاً

يعني مجرد الفطور راح يكون بالسياره لاتكثرين مره

لكن اذا كانت رحله بعيده ==> الامارات .. او مكه مثلاً

كثري لانكم راح تاكلون بعد الفطور اكيد




اهم شي (التمر - الرطب)

المشروبات خذيها من الطريق تكون ابرد

لبن .. ماي .. عصاير

كثري الاشياء اللي اكلها سهل بالسياره

وخاصه ان عندك اطفال عشان مايحوسون الدنيا

كثري الفطاير مررره .. سوي كم نوع جبن زعتر بيتزا

خذي لك نوعين فاكهه اذا عيالك يحبونها




اذا ناويين تنزلون مكان تفطرون فيه تقدرين تاخذين اي شي فخاطرك

لانك راح تظمنين ان السياره مابتتوسخ

اما لو بالسياره وانتوا ماشيين

كثري من الاشياء اللي اكلها سهله

حاولي ماتاخذين اشياء فيها صلصات مثل المكرونه


وبالسلامه ان شاء الله
فاصله ورديه
فاصله ورديه
ترووحون وتجوون بالسلاامه ان شااء الله - انا برضو نفس الحاله
فكرت اسوي فطاير مشكله - يعني بيتزا صغار ميني كروسان مناقيش بزعتر ولبنه وبسوي معمول تمر مع القهوه ويمكن بسبووسه محشيه في قصديرات الكب كيك - وطبعا الشوربه اهلي مايستغنوون امي تقول بشتري ترمس او زمزميه وبحط فيها الشوربه بعد ماتضربها في الخلاط - ونصبها في كاسات فلين او ورق صغيره 0والسلطه ترانا مانستغني عنها لا انا ولا اخوي الكبير فبسويها في كاسات لها غطايه وبحط معها علبه صغيره فيها التتبيله عشان ماتذبل0
السمبووسه في بيتنا مايحرص عليها الا واحد بس وشكله مو رايح ويانا - اذا بيرووح شكلي بسويها له في الفرن لاني لو قليتها ماتنوكل بارده تطلع لينه ومزيته0

وبرو ودي بصينيه خفيفه تنوكل اذا جعنااا قبل نووصل ونتقووى فيهاا بعد - عاد مدري وش اسوي-شرايكم اسوووي حافظة جريش اوكبسة رز ولا بتخرب؟؟