كيف استثمر مبلغ زي 5000 ريال

اعتقد لوتسوين لك محفظة افضل هم يشتغلون بها ولك الارباح واشوف كثير يمدحون محفظة الرائد
اعتذر ماعندي خبرة بالاسهم بس كذا اسمع ياليت البنات يفيدون

للاسف ما اعرف لو عرفتي علميني
بليــــــــــــــــــــــــــــــتز
ترى من جدي

ليس لدي خبره انا مثلك اريد ان اعمل بالاسهم ولدي مبلغ بسيط 5000 الاف وهل يصلح ان افتح محفظه بهذا المبلغ؟ اذا احد يعرف المتابعه عن طريق الانترنت يخبرنا ! وكيف يستثمرهذا المبلغ؟

بالنسبه للصناديق اقل شي 7500 ريال
ومحفظه الانترنت لازم يكون في رصيدك اقل شي خمسين الف وخمس ميه ريال لانهم راح ياخذو خمس ميه قيمه المحفظه في النت وحتى لو مجرد تحطين الخمسين الف مؤقت وبعد ماتتفعل المحفظه تسحبينها اقصد يعني تسلفي من امك ابوك اخوك خمسين افتحي محفظه ورجعي لهم فلوسهم اذا كنتي تقدرين
او ممكن تجيبين لك بضاعه جلابيات او تفصلين ملابس حجابات غريبه اذا عندك خبره وتبيعنها عن طريق تجاره شنطه او في البازارات
اعرف وحده راس مالها بسيط بس عندها ذووق تروح محلات الاقمشه الرخيصه زي الدخيل بطريق العلياوالمحضوضه الي بالعويس وتسوي ابداعات في ملابس الحجاب تدخل عليها جلد وشامواه وحركات غريبه وتبيعها بالدبل بس الحين ماشاء الله تجرت شوي وحولت النشاط الى الاسهم
هاذي الفكره الي احسها ناجحه وهابين فيها البنات

اختي الكريمة ارى ان انسب استثمار في الوقت الراهن هو الاسهم النقية فقط يعني اتركي عنك المختلطة بالربا حتى لو فيها فتاوى واعرف قريبة لي بدءت ب 5000 والان وخلال سنة لديها حدود ال 20000 وهذا بفضل الله تعالى وحده وطريقة الاستثمار هي كما ذكرت الاخوات محفظة في البنك ومن ثم تسحبين المبلغ المشترط لفتحها ثم تتبعين التوصيات النقية في 23 شركة وضعي خطة طويله مثلا سنة بحيث ما تسحبين اي ريال بل بالامكان تزيدي المبلغ من عندك كلما توفر لديك مبالغ خارجية ولا تستعجلي رزقك واذا خائفة من عدم خبرتك فالافضل وضعها في صندوق الاصايل في بنك البلاد وهو صندوق نقي وواعد وان شاء الله يعطي الكثير ولكن على فترات طويلة ..