انا سبق وكتبت لي موضوع هني وكثير طيبات ردوا علي الله يجزاهم كل خيير ياااارب
وهذا نص موضوعي
السلام عليكم
اخواتي والله ضايقة بي الدنيا تعبانة تعبانة نفسيا تعبت من المواعيد وتعبت من مستشفيات الحكومة
اللي كلها خرطي .
بعرفكم على نفسي انا هذا الحمل الثالث وهذا الحمل جى من غير تخطيط الحمدلله على كل حال
وكانت نفسي ضايقة ان عيالي صغار وحملت عليهم لكن صدقوني صدقوني مو بيدي
نجي للمهم اول موعد في هالحمل شىء ما يخطر على البال كنت متفائلة ان كل شىء زين
لكن الدكتورة فاجئتني اتقول عندي صوت بالقلب انا هني ارتجفت من الخوف
ورجعت البيت صياح ومناحة انا ما بعيش بموت عن اطفالي ما اقدر اتحمل هالشعور
كم فكرة وفكرة كانت تجيني واول شىء سويته قلت لزوجي قال لي ماعليج منهم
يقصون عليج وعقب فترة قال لي اذا صار عندي بوديج خاص
وما صار عنده كفاية يوديني عطوني موعد وانا في الرابع وعقب شهرين
واليوم وانا باقي اسبوع واكمل السادس توه اليوم جاي موعدي ورحت وساعات من الانتظار
والانتظار دخلت على الدكتورة وكانت صغيرة بس شكلها خبرة
وياها متدربين واحد رجل وحدة امراة وكل واحد يفحص فيني من صوب
اتصدقون رغم اني باقي شوي واصيح لكن قمت اضحك في نفس الوقت استغفر الله
وقالت لي كلام خلتني اخاف هذي بعد ناقصة!
اتقول لي ممكن كل طبيعي مع الحمل اذا ما كنتي تشتكين من اي مشاكل بس احنا ما نقدر
نجزم ان هالشىء طبيعي فيج ونخليج جدي بنسوي لج اشعة تلفزيون على القلب مباشرة
وما لها خطورة وبنشوف الصمامات اذا كنتِ لا سمح الله تعانين من اي شىء ولادتج بتكون قيصرية
وانا ميتة رعبب حتى قلت لها اسملة عليي وانا باقي شوي واصيح
طلعت من عندها ودمعتي في عيوني محبوسة
ورحت مكتب اللي ياخذون مواعيد حق الاشعة انتبهوا تراها مو بنفس اليوم مآسي مواعيدهم
وقالوا اذا تبين الصبح في شهر 7 واذا الظهر قريب كلش 15/6 طبعا انا اخترت الظهر اهم شىء بسرعة
وطلعت وانا كلي تفكيير بس اتخذت قراري وانه هو خلااااااااااااااااااص مااني برايحة لهم وخلهم
وان شاء كل شىء يصير بخييير انا متوكلة على ربي وماعليي من كلامهم لأني لو اقعد على كلامهم بموووووت
من الخوف اكثر واكثر
الله يخليييكم تدعون لي يصير كل شىء سليييم ومافيني شىءوالله خايفة على اطفالي
اذا صار فيني شىء لا سمح الله ..
محتاجة لدعائكم اخواتي فلا تخلوووني واللي ما تقدر ترد تدعي لي في قلبها او ترفع موضوعي
والله يؤجركم :26::26:
وهذا رابط موضوعي وشوفوا العضوات الحلوات شلون خففوا عليي الله يرزقكم باللي تتمنوه ياااارب
http://forum.hawaaworld.com/showthread.php?t=1751276
اكتب لكم وانا مو مصدقة
اليوم انا عندي موعد الظهر لأن اقرب شىء عطوني الظهر واذا بنتظر للصبح بيعطوني شهر 7 وانا ما عندي
صبر ، دخلت عند الدكتورة وكانت وااااايد طيبة وتسولف معاي وبعد شافتني خايفة
ومن كلامها خلتني اطمن شوي
وعقب خمس دقايق قالت النتيجة وهي
ممتاااااااااااااااااااااازة الف الحمدلله
وقالت لي من قال لج فيج شىء انتي ما فيج شىء كل شىء زيين
اخذي الورقة وديها لهم عشان يكتبون في الملف كل شىء طبيعي
واخرر شىء قالت لي بالسلااامة ان شااء