في حل انك تتوظفين وتستقلين بنفسك يصير عندك راتب وتقدرين تدلعين نفسك وبناتك

اما لو رفض وظيفتك ماودي اشيشك زود بس خلاص هنا ستوب مالة حق

اذا ماتكلمتي وكسرتي السجن اللي حطكم فية من الحين بناتك بكرة بيكبرون وهم معقدات ومريضات نفسيا من ابوهم

مشكلتة موب فقر وقل فلوس وبس مشكلتة معقد وحارمكم من كل شي

يقدر يطلعكم المول تتمشون وبمبلغ بسيط

ايه والله صادقه

المشكله مو فقر بس حرمان من كل شي

وبالنسبه للوظيفه قدمت بمدارس اهليه وماحد رد علي

كنت بواسيك بس يوم علمتي سلفتك وخايفه من لسانها ...الله يرحم ضعفك تخافون منها ليه بتذبحكم ...اخس صراحه وحده مسببه رعب لكم وش هالذل ي شيخه والله الهروب وعدم المواجهه هو سبب حالتك وضعفك ......روحي يشيخه انفظي شخصيتك السلبيه .....وخوفك ....خليك شغاله شكاوي وتذمر بالمنتدي اوك ......جالسه تشوفين هالعالم وتقارنين وووو...وبعدين بيسوون لك شي ي حظي كل شي بيد الله ...زيني علاقتك بالله دوري رضاه استغفري .....انا مقلت هالكلام الاابيك تصحين لنفسك العمر والشباب مو منتظرك ....

انا قريت مواضيعك السابقه وواضح زوجك متسلط عليكم يعني هو اخلاقه سيئه .. مب بسبب الديون وكذا لا هو اخلاقه كذا يوم سالفتك يوم اخوك وهو وانتي تسولفون ..
ومن مواضيعك السابقه ومعاملته السيئه لك ولبناتك ويدور الزله عليكم ويوتركم ..
اتوقع قريت لك انه مايبي يطلعكم ابد ومره وافق وقبل ماتطلعون بنتك تبي تروح الحمام وبدا يزاعق عليكم ويقول ترا مافي طلعه .. يعني هو اخلاقه كذا مب بسبب الديون .. ويوم خذتي اطفالك وطلعتو عصب عليكم وماخلاكم تكملون اكل ورجعكم البيت يعني اخلاقه هذي هي
قلنالك تبدين مشروع طبخ منزلي قلتي ماقدر انشغل عن بناتي وبناتك كبار مب بزوره يعني بالمدارس عندك وقت فاضي من الفجر لين الظهر يرجعون ويتغدون تقدرين تنفذين طلباتك بهالوقت .. وقلنالك مره ثاني وقلتي اصلا مايجيني زباين قلييل مره وكنتي عارضه حسابك بانستقرام ودخلته وشفت الفلورز ماشاءالله كثير .. مو قليل ابد بس انتي وقفتي مشروع الطبخ .. يعني انتي ماتبين تتعبين وتطلعين فلوس وبنفس الوقت قاعده تلومين زوجك انو سبب الي انتو فيه وفقره .. طيب انتي لما تزوجتيه عارفه براتبه القليل ولما تتزوجونه تبدون تشتكون من قلة الراتب.. واتذكر تتشكين كنتي منه وانك متعوده تشترين وتتأنقين ببيت اهلك ولما تزوجتيه انفقرتي .. وكثير من مواضيع الاسريه كذا يخطبها واحد فقير وتشاور ويقولون خذوهم فقراء يغنيهم الله .. ترا مب شرط يغتنون خذتيه فقير احتمال يستمر فقره لين تموتون


عموما الحل واضح وجلي قدامك دامك مانقبلتي بالمدارس الاهليه وماتبغين تكملين مشروع الطبخ زوجك ماهيغتني بيوم وليله ومنتي مستعده تتحملي خلقه الضيق .. ففكري مابعد هالتشكي وشو ؟ تبغين تنفصلين عنه طيب كيف من بيعول بناتك وين بتسكنون
ادرسي وضعك من كافة الجوانب .. اذا نفسيا مؤثر عليك مره وتبغين تتطلقين منه وواثقه بقرارك شوفي اهلك بيستقبلونك او لا شوفي يمشيلك مصروف يكفيكم او لا ..
يعني الحلول واضحه قدامك مايبيلها انتي بس عليك التنفيذ


ياترضين بحياتك معه وتحتسبين الاجر
ياتتطلقين وتفتكين من سوء الاخلاق وتشترين راحتك النفسيه
ياتكملين مشروع الطبخ وتجيكي فلوس وتنسيك الهم الي عندك شوي
انا اعطيتك دوغري وانتي اللي يريحك اعمليه


وانتي براحتك قرري وشوفي !!

لا تشوفين غيرج والله بتتعبين