:26:
السلام عليكم ورحمه الله وبركاته ............
صباااااااااااااااااااااااااااااح الخير يا بنات حوااااااء ..
انا ليا فترة اتابع مواضيع هالقسم والمشاكل الي تطرح فيه وردود البنات الي تساعد الشخص فاتحمست وقلت انزل مشكلتي لاني ماراح استفيد الي من ناس لها خبرة مثلكم واتمني ماتبخلون عليا برايكم مهما كان لاني محتاجته عشان يخلصني من الحيرة الي عايشة فيها ..
يمكن اطول بالشرح بس استحملوني لانو ماعندي خوات اخذ رايهم و ماما استحي منها ..
انا مخطوبة من ولد عمتي ليا اكثر من سنتين وقبل ثلاث شهور عقدنا ارتباطنا كان تقليدي تقدرو تقولو عائلي قبل هالمرة خطبني 4 مرات وكنت رافضة بحكم انو عايش بالامارات وانا بالسعودية ومااقدر ابعد عن ماما لانو والدي متوفي ومالي غيرها وانا بنتها الوحيدة وغير كدا كانت في مشاكل بين اهل ماما واهل بابا الله يرحمه .. وماما كانت رافضة تقول لو وافقتي لا انتي بنتي و لا اعرفك عشان كدا رفضت .
وكانو يخطبوني ناس بس مايحصل نصيب وفي الغالب عمي الي هو ولي امري كان يرفض عناد في ماما لحد ماجا ولد عمتي وخطبني للمرة الخامسة وقلت يابنت استخيري يمكن خيره لك واكيد الولد شاريكي ويحبك دام انه كل مرة يجي للسعودية يخطبك ....... جلست معاه وقالي انو شاريني ومايبغي غيري وانو يحبني واهله يحبوني كمان ... استخرت وكلمت ماما وانا خايفة قالتلي دي حياتك والولد مافيه شي ينعاب والكل يمدح فيه هنا او بالامارات تفاجات من ردها بعد الرفض الي كانت فيه ... المهم كل شي اتسهل وجا خطبني واليوم الثاني كانت رحلته للامارات يعني مالحقت اجلس معاه صح هوا ولد عمتي بس دي ثاني مرة اشوفه ع الطبيعة لانهم مايجو السعودية كثير
وبس كنا نتكلم ع الجوال مرة بالاسبوع او بالاسبوعين وكل يوم ع البي بي حسيت فعلا انو يحبني وشاريني وقررنا الزواج بعد 6شهور بس للاسف اتوفي جدي واجلناه كل هالمدة .
بعد ماعقدت خفت اكون تسرعت لانو كل هالمدة الي كنا مخطوبين فيها صح نتكلم بس نادرا لانو شخص كتوم وما يحكيني اي شي ومو قادرة افهم شخصيته واهتمامه بداء يقل مو مثل اول ولما اكلمه واقوله ليه ماتتكلم معايا او تخليني في اولوياتك يقولي غصب عني لانو بيننا مسافة والبعد ومابشوفك كل يوم لو كنت عندك يمكن الوضع غير انا للحين مو مصدق انك راح تكوني زوجتي لما تكوني عندي راح تعرفي قد ايش انا احبك واذكرك ويتاسف ع التقصير
ولما اقول لماما تقولي لاتطفشي الولد يمكن طبعو هادي مايحب الكلام الكثير ويمكن مثل ماقال لانك مو قريبة منه او قدام عينه وهوا مالحق يجلس معاك لحالك .
والحين زواجي بنهاية شهر 4 بالميلادي ومااستاجر بيت وكل شويا يقول انا ادور على شيء معين والاثاث لو في اسبوع بخلصة لانو حالته الماديه ممتازة .... الي مضايقني انو مايتكلم مايقول رحت وشفت وفعلت وكدا
احيانا اقول مايبغاني او اهله غصبوه بس لما اسمع كلامه مع انو يكلمني بالشهر مره اقتتنع واقول يحبني من ناحية يبغالي الافضل ويقولي كل الي يسعدك راح اسويه وانتي تاج على راسي بس انا ماابغي كلام ابغي فعل ابغاه يبين اهتمامه فيني احيانا اكلمه ع الواتس يقراء ومايرد على طول احسه يطنش ولما اساله يقول كنت مشغول مع الشباب او في الدوام او بجتماع ماقدرت ارد عليكي
بجد محتارة ايش اسوي خايفة اضحي واتغرب وابعد عن ماما ويطلع مايستاهل ويمكن اكون ظالمته لانو كل الناس تقول عنه طيب وحنون وكل من عرف انو خطيبي يقولي يابختك ح يدلعك ويعوضك ...
انا عارفة اني طولت عليكم بس والله من تعبي افكار توديني وافكار تجيبني حتي اللليل مانام من كثر التفكير
الله يخليكم الي يدخل يعطيني رايه مررررررررررررررررررررة يهمني والي عدت بنفس تجربتي تقولي
احبكككككككككككككككككككككككككككم :26:
toto love7 @toto_love7
عضوة جديدة
يلزم عليك تسجيل الدخول أولًا لكتابة تعليق.
شوفي حبيبتي هو واضح انو يحبك وشاريك بس بما انك وحيدة امك اذا تزوجتوو خلوها تسكن معاكم واكيد هو بيستقر ف الامارات مدري احس صعب اخلي امي تجلس بروحهاا
والله يتمم لك على خير
والله يتمم لك على خير
هذيان ،
•
ماشاءالله خاطبك خمس مرات و شاكه
ياحبيبتي انه مغصوب؟
انا مااتوقع مغصوب في ناس كذا شخصيتهم
وانا جربت الغموض و قل الكلام الحل انك ماتزنين
عليه صدقيني يبعد بالعكس خليك على طبيعتك
و الشقة لا تسألين عنها اسئلة مباشرة
و دام وضعه زي ماتقولي ممتاز ماشاءالله باسبوع
وهي جاهزة و كمان احسن انك انتي تجهزينها
زي ماتبغين لو بس يحط لك غرفة النوم والاشياء
الضرورية .. و ماشاءالله مااشوف فيه مشكلة
الله يوفقك
ياحبيبتي انه مغصوب؟
انا مااتوقع مغصوب في ناس كذا شخصيتهم
وانا جربت الغموض و قل الكلام الحل انك ماتزنين
عليه صدقيني يبعد بالعكس خليك على طبيعتك
و الشقة لا تسألين عنها اسئلة مباشرة
و دام وضعه زي ماتقولي ممتاز ماشاءالله باسبوع
وهي جاهزة و كمان احسن انك انتي تجهزينها
زي ماتبغين لو بس يحط لك غرفة النوم والاشياء
الضرورية .. و ماشاءالله مااشوف فيه مشكلة
الله يوفقك
الناس اللي يمدحوه وين ساكنين اذا كان هو ساكن بالامارات
معقوله سألتوا عنه في الامارات ؟!
ياحبيبتي دام خاطبك خمس مرات يعني شاريكي استخيري مره وثنتين وثلاث والله يكتب لك اللي فيه الخير
معقوله سألتوا عنه في الامارات ؟!
ياحبيبتي دام خاطبك خمس مرات يعني شاريكي استخيري مره وثنتين وثلاث والله يكتب لك اللي فيه الخير
مبروك حبيبتي ، وشيلي الأفكار السوداء من راسك ، كل شيء بصير تمام
الله يوفقك ويتمم لك على خير
الله يوفقك ويتمم لك على خير
الصفحة الأخيرة
ابد لا تفكري ولا تشيلي هم هو لو ما يحبك كان مخطبك 5 مرات واضح حبه لك وجاااي من الامارات بس علشانك هذا دليل واضح
انت بس ابعدي شوي يعني خليه هو الي يتصل ويسأل لا تلاحقيه بسؤالك واهتمامك علشان يشتاقلك
وبكرا اكيد حياتك بتكون احلا وتتعرفي عليه اكثر وربي يهنيك ويخليكم لبعض