قولو وش تبغون عشان اساعدكم.
عندي خبره

سافرت ماليزيا قبل سنتين ....
رائعة جداً..... خاصة لنكاوي....
بينينج... ما عجبتني أبداً ... مليانة أجانب غربيين وأنت عارفة أشكالهم عند البحر
نصيحتي لك لاتمريها أبداً .... عوضيها في لنكاي.... رائعة
تروحي وتجي بالسلامة ولا أوصيك على حجابك فهو دليل على دينك وبه تكوني داعية لدينك...

الله لا يخليني منكم ..........

وشكرا على اهتمامكم وانشاء الله نردها لكم في الافراح......

وبالنسبه للفنادق يا ام علاوي......... في كوالالمبور فيه فندق( سن واي) خمس نجوم .وفندق (مندرين) بعد خمس نجوم
(واستانا) هذا اربع نجوم والله يوفقنا لما يحب ويرضى

عزيزتي يام علاوي


هلا والله


اذا بتروحين كوالالمبور عندك فندق مندرين رائع جدا وجنب اسواق klcc وتوين تاور وحديقته الرائعة
وسعره تقريبا في حدود 300 وزياده شوي ، وعندك فندق ذا ريجنت وهو فندق تابع لمجموعة فور سيزن اللي يعتبر الوليد بن طلال شريك فيها،وسعره ببلاش تقريبا 180 مع الفطور وهو يقع على الشارع التجاري الرئيسي في كوالالمبور اللي عليه الاسواق وبجنبه مطعم عربي حلو مره اسمه الطربوش واسعاره رخيصه واكله حلو
وقريب منه بعد مطعم الخيمة العربي
وقدامه اسواق كثيره من ضمنها سوق يجنن اسمه سينغ وينغ اسعاره روعه وفيه بضاعات بماركات امريكية اسعاره مره حلوه وفيه حركات للبيت تجنن باسعار خيال
وسوق اسمه kl فيه الماركات المشهوره بس اسعارها نفس اسعارنا تقريبا وفيه في الدور الثالث صالونات تجميل
فيه صالون منهم نسيت اسمه بس فيه صينية هي وبناتها يسوون لك تنظيف بشره ب30 ريال وعلى فكره المحل امين بس حلو تروحين انت وزوجك لانهم يسكرون الباب لما يبدون ينظفون لك بشرتك فوحده تنظف وحده تسوي لك مساج مجاني من ضمن الخدمه
وسوق ماريوت بصراحه مااعجبني لانه كله ماركات غاليه
وعلى امتداد الشارع قهاوي ومطاعم

نكمــــــل


وفيه سوق في كوالالمبور لايفوتك يجنن لانه مو سوق بس حلو للتمشي ، السوق اسمه ذا ماينس وهو بعيد شوي بس غريب السوق مقسوم نصين وبينهم نهر ممكن تاخذين قارب ويمشيك في البحيره الموجوده داخل هذا المجمع ويمشي بك على امتداد هذا النهر اللي يقسم السوق قسمين ، السوق فيه جلسات قهاوي ومطاعم على امتداد هذا النهر
وفيه اشياء حلوه وبضاعات متنوعه ،،، بصراحه السوق خيال لايفوتك

وفيه ملاهي سن واي لاقون ممكن تاخذين فندق فيها او انك تروحين لها يوم كامل لانها تفتح لحد الساعه 6 المساء
وهي مدينه كامله فيها مجمع تجاري ضخم فيه صالة تزلج وماركات كثيره فخمة وبسيطه وفيه مطاعم اشكال والوان

اما بيننج


بصراحه ونيسه مره مره مره بس يبي لك قومه من الصبح ، لانها بالليل هاديه جدا بعد 12 مافيه شي تروحين له الا الجلسه بالفندق
وعندك فندقين هم الحلوات بصراحه والقريبات انصحك لاتاخذين غيرهم وهم فندق شنغريلا وفندق جولدن ساندز
وكلهم شواطئهم حلوه اسعارهم تقريبا مع الفطور 300 وشوي بس شنغريلا اغلا شوي بس كلهم على مستوى من الفخامه طبعا السعر مع الفطور اللي يجنن في مكان يطل على الحديقه بصراحه بيننج تهبل تهبل
وعندك ورا فندق جولدن ساندز على طول مطعم حلو مره واللي يشتغلون فيه مسلمين اسمه ناندوز اكلهم حلو ورخيص
وفيه مطعم علاء الدين العربي مااعجبني مره بس جربيه وهو على نفس الشارع
وبعد صلاه المغرب تمشي على طول هالشارع تلقين اشكال والوان من هالبضائع الرخيصه لحد الساعه 12
وهي اكشاك يضعها اصحابها بعد اذان المغرب على امتداد هذا الشارع وبعد 12 يشيلوها
واذا تبغين سواق مسلم وثقه ويعرف عربي في بيننج ارسلي لي على الخاص واعطيك رقمه

اما الاسواق فالفندق يسوي رحلات ثلاث مرات في اليوم للمنطقه التجاريه في اوقات محدده ويرجعك في اوقات محدده
اسواق بيننج مره رخيصه خاصه بالجزم وانت بكرامه واشياء البيت

وعندك سوق ميجامول لايفوتك