معاناتي مع زوجي

سبق يابنات نزلت لكم موضوعي قبل اسبوع وهو سفر زوجي لدبي عشان عمل


http://forum.hawaaworld.com/showthread.php?p=57637404#post57637404



طبعا الا الان مجروحه منه مع انه حلف وقسم عالقران انه مالمس بنت قلت له يكفي دخولك الديسكو اكبر مصيبه تناضر بنات الحرام والله العالم مايكون شربت سكت هو

انا متاكده سكوته ذا دليل انه شرب ورقص مع بنات والدليل انه حلف عالقران انه مالمس بنت ولمن قلت له هذا اذا ماشربت او رقصت معهم لان مافي احد يدخل الديسكو يتفرج ويطلع مستحيل





المهم قلت له انا اهم شئ نفسي بروح اكشف على نفسي لايكون فيني ايدز والعياذ بالله


خاف وصار وجهه احمر قال مجنونه انتي

قلت لاباقي بعقلي زين مانجيت من اللي تسويه

انا ماهمني انت ان خوفي من تسوى الحرام وتبليني معك الا انت بالطقاق

طبعا الموضوع متداخل بين موضوع سلفتي وسفره زوجي دبي وراح تفهمون كل شئ
بس اقرو الموضوع اللي صاربيني وبين سلفتي وليه مضايقه منها ومابي ازورها

http://forum.hawaaworld.com/showthread.php?p=55166462#post55166462

طبعا انا عندي سلفتي مره قليله ادب يابنات لمن كان زوجي مسافر دبي وكنت بروحي بالبيت انا وعيالي كانت تدق عالبيت دايم وانا مابي ارد عليها لاني تعبانه من الحمل وينزل علي دم المهم زوجي يتصل علي معصب من دبي ليه ماتردي عليها ومن هالكلام سكت واتصلت عليها قلت لها انا تعبانه من الحمل وعيالي تعبوني وفتره غياب زوجي عني اخذتها نقاهه بالبيت وابي ارتاح قالت والله كنت بجيك دايم ادق عليك قلت اعذريني وربي مقدر استقبل احد تعبانه وصار بيني وبينها كلام

اليوم الثاني اتصلت برضو ورديت عليها تقولي بجيك بكره قلت لها والله بكره بيجي زوجي من دبي وراح اكون مشغوله فيه قالت متى زوجك يجي قلت المغرب يوصل قالت خلاص بحاول اجيك المغرب


بالله هذي وشلون افهمها اقولها زوجي بيجي ابي استقبله الا غصب تجيني واسلوبها استفزاز

طبعا اليوم الثاني كنت تعبانه مره وكان ينزل علي دم قمت لبست واتكشخت ولبست عيالي وسويت كل شئ عشان استقبل زوجي الا سلفتي تدق على جوالي تبي تزورني اتصلت كم مره بس مارديت


شفتو كيف وجهها كالح الا تبي تجي وبوقت وصول زوجي والله العالم وش المقصد


طبعا طنشتها وصل زوجي من دبي وصار اللي صار منرشفته وانا حاسه بضيق وابكي مع اني وربي كنت فرحانه بجيته وطبعا فتشت بجواله وحصلت المسج اللي راسله لخويه انه راح ديسكو


المهم سكت ولاحظ علي مضايقه وفوق ذلك سويت عشاء واللي علي ورحت نمت صحيت اليوم الثاني وانامره تعبانه من ضهري الا بوقت العصر قال زوجي بروح مشوار واجي طلع الا رجع بعد ساعه وجايب عيال اخوه كلهم عندي طبعا مو اخوه اللي زوجته كانت تبي تزورني لا اخوه الثاني طبعا عياله مره اذيه قلت انت تشوفني تعبانه وعيالي تعبوني تجيب عيال اخوك قال اخوي كلمني يقول تعالي خذ عيالي عشان زوجته تعبانه من الدوره طبعا هذولاء عياله من طليقته واللي تزوجها توه مالها الا 5 شهور معه قلت حرام عليك ماتقدر تقول لاخوك زوجتي تعبانه يعني زوجه اخوك راحتها اهم من راحتي خاف ربك قال وش اسوي اخوي قلت وش ذنبي انه اخوك يدور على راحته وعلى راحه زوجته ويرمي عياله ليه وانا بتعبي ومرضي قام قال تحمليهم كلها ساعتين وارجعهم


قام قال اي نسيت اقولك اخوي واهله بيجون الحين اللي هيه بنت خالتي اللي كانت تبي تزورني من اول

قلت لهنا وبس امس كلمتني وقلت مقدر استقبل احد وربي اني تعبانه وترجع تدق تبي تجي بالغصب والحين كمان تبي تجي وش قصتها ذي ماعندها حياء


قال يابنت الحلال تحمليهم قلت اسفه تحملني فوق طاقتي لا انت هم اخونك وراحتهم وانا بالطقاق تتصل على اخوك وتعتذر ولا انا بدق واعتذر



قام سواها مشاكل وقال تبيني اطرد اخوي واهله عشانك قلت اعتذر منهم اذا هم يعرفون الواجب والاوصول مو قلت اطردهم وانت تعرف دايم استقبلها بس لمن اكون تعبانه مابي احد يزورني


قام كلم ابوي وعلمه قال لابوي اخوي واهله بيجون عندي بالبيت وزوجتي ماتبي وتقول وربي ماستقبلها وانا قلت وانا الحين بقولك لو ماستقبلتها وربي لاضربها

قال ابوي والله مو من الرجوله تمد يدك عليها ماتبيها خلك عيالك عندك وجيبها عندنا



بنتي تعبانه من الحمل والعيال وانت مارحمتها ماخذ الدنيا سهاله يعني عيب لما تعتذر لاخوك

كلمت ابوي وانا ابكي قلت جاب عيال اخوه عشان زوجته تعبانه والحين بيجي اخوه الثاني واهله وماقدر اني تعبانه

وصار كلام بيني وبين ابوي وقفلت


الا قام زوجي كلم اخوه واعتذر منه قال زوجتي تعبانه وماتقتدر تستقبل احد وقام وصل عيال اخوه لبيتهم


وجلس يسهر معهم ورجع بعدين وجا يكلمني وماكانه سوا شئ


قام قلي بكره بوديك المستشفى قلت له مابي اروح وعارفين ليه مابي اروح لان لمن تهاوشناا نا وهو عشان جيه اخوه واهله وقلت له انا لي يومينينزل على دم قال عساك تنزفين اصلا انا مابي الحمل دام حملك هذا هو اللي خلاك ماتستقبلي اخوي واهله وش رايكم


لمن قلت له يحلف انه ماقال الكلام نكر هالشئ


سكت وطلعت ابي انام الا جاني يبي ياخذ حاجته بكل سهوله وانتو عارفين وش اقصد

قلت له تعبانه وابي انام


قام ضربني وربي يابنات جسمي كله يوجعني من الضرب ويدي متورمه تعبت وربي معه قلت وربي لاشتكيك بالمحكمه بكره وطلع من البيت ورجع بعد ساعه وانا باقي ابكي قام يضمني ويتاسف وربي ماقصد وكلام كثير قالي ماعمرك بينتي لي انك تحبيني وتغار علي قلت حرام عليك كل هالسنين وخوفي عليك مابان هالشئ لو ماحبك واغار مازعلت من روحتك لدبي وتروح ديسكو


وجلست ابكي وقال بخليك تهدئ وبعدين اجيك


قعد يرسل مسجات ويتعذر طنشته وربي انجرحت منه جرح مايمحيه الزمن


وجاني قلت له انا مابي اعيش معك ولاابيك ومده اليد هذي مابسكت عنها ماعيش مع واحد كم مره يمد يده علي واتحمل واصبر عشان عيالي الحين خلاص ماعد اتحمل قلت يمكن يتعدل ويتغير الا مافي امل


حتى امي وابوي كبار بالسن وعندهم ضغط وسكر واي شئ يتعبهم مابي احرق دمهم بمشاكلي مع زوجي


ابوي قبل شهر جته جلطه والدكتور منع عنه اي انفعال وعصبيه




باينات نفسي افهم زوجي مره طيب ومافي احسن منه وكريم ومره ماكانه زوجي يقلب علي وذا طلبت منه شئ قال مافي




امانه ياينات وربي قلبي بيحترق من جوه ابيكم تقرون موضوعي وش اسوي مع زوجي بخصوص مده يده علي اشتكي عليه ولا اسكت ولاحد يقول روحي لاهلك او اشتكي لهم اهلي اللي فيهم مكفيهم واخواني كل واحد همه زوجته

وش احسن طريقه ادبه مايمد يده علي تكفون ساعدوني

وفسروا لي حركه سلفتي وسبب انها تبي تزورني بالغضب وش قصدها وهل انا غلطانه اني ماستقبلتها او معي الحق


والموضوع اللي منزلته فوق عن زوجي وسلفتي نزلته قبل شهرين ونص نزلته الحين عشان بس ابيكم تقرونه وتعرفون ليه مابي سلفتي تزورني


ودعواتكم لي الله يسعدكم



وش اسوي


حتى مافيه حنان مايحس يتعبي مايقدر تعبي ان طلبت منه فلوس قال ابشري بس حنان مايعطيني قاسي وربي لمن اجلي معه واشكي له يقولي ان