بدايه تجربه جديده

مرحبا بنات شخباركم (((((((((((((((
بس حبيت اعطيكم تجربتي علشان تساعدوني بعد وتشجعوني اكثر

من 8 شهور سويت تخفيف اكل ودخلت النادي وكنت العب نص ساعه في السير وثلث ساعه بالدراجه

كان وزني 82 ونزل بعد شهر صار 78 وبعدها الشهر الثاني صار 73 وبعدها وصل لين 68

بعدين استانست بوزني وصادني ظروف خلتني اترك النادي وما كان عندي آله رياضه او سير في البيت

والمكان الي ساكنين فيه ما تحته ممشى او شي وكلش مافيه تشجيع تركت التخفيف والرياضه و

استسلمت للأكل وللأسف رجع وزني 81 :44:
هذي كانت اول تجربه لي

اما تجربتي الثانيه الي ابتدت من سبوعين يعني تاريخ 9-4

بديت اخفف من اكلي لاني ما حب الرجيمات والالتزام كنت امشي على السير لأني اشتريت سير مشي

امشي عليه 20 دقيقه لاني توني مبتدأه مابي اتعب عليه بعدين اكره امشي عليه فمشيت 20 دقيقه ومع

التخفيف طبعا

ثاني اسبوع مشيت نص ساعه وخففت اكل مثل الاسبوع الاول وخلص الاسبوعين وجا وقت الميزان

خفت اني ما نزلت لكن يوم ركبت الميزان طلعت ناقصه 4 كيلو :) زادت معنوياتي لان حاطه لي كل سبوعين
اوزن

واللحين من امس السبت ابتدى اسبوع جديد باقي سبوعين واكمل شهر وناويه هالاسبوعين اخفف

العشى قد ما اقدر يعني اكل كورن فلكس وحليب قليل الدسم او زبادي وقبل الساعه 8 ونويت امشي

45 دقيقه يعني زيدت ربع ساعه

وان شالله عقب سبوعين بخبركم كم بينزل وزني

ملاحضه : اني اشرب 3 اكواب شاي اخضر ماركه لبتون انوع احيانا شاي اخضر بالنعناع او شاي اخضر بالليمون
بدون سكر

وزني الحالي 76
هدفي الاول 70
هدفي الثاني 65
هدفي الاخير 60 او 58 واكون مثاليه

ان شا لله تكونون استفدتون
وكل يوم بنزل معلومات عن تخفيفي ويومياتي :)
واذا اي احد عنده نصيحه لي او يبي نصيحه مني لا يتردد

طولت عليكم مشكووووووووووورين وبالتوفيق جميعا