ام اسمى

ام اسمى @am_asm

عضوة فعالة

باقولكم شي ..

الحمل والإنجاب

سلام عليكم ..
خواتي حبيت اقولكم شي والله من خاطري .. هم شي بهدنيا رضا الله و الوالدين والستر و الصحه و الباقي الله يجيبه سوا المال ولا العيال ولا اي شي .. وكل شي مقدور عليه .. انا صار لي 13 سنه متزوجه ومن السنه الثانيه وانا اركض ماخليت وصفه بهدنيا لا ما سويتها و عمليت المنظار و سفر و اطفال انابيت يرجعون بالاربعه والخمسه والسته والله ما يكتب نصيب .. ماخليت ولا مدلكه ولا ممرخه ولا وصفه لا ما بلعتها ومرات اتعب نفسيا و اصيح ومرات من كثر التجارب يصيبني مرض و اختربطت هرموناتي و صرت شكلي ام 50 ولد ونفسية ضايقة و كله اقول ماراح اجيب عيال و اقول لا زوجي تزوج و و و وبعدين حسيت اني انا انكد على روحي وعلى غيري اكبر المواضيع و ضيقت علي حياتي بافكاري وحسيت اني ما ارضى بحكم الله والحمد الله على كل حال..وبعدين..تركت الشيطان مني و قلت يارب ورديت حياتي العاديه واذا حملت قلت الحمد الله واذا ماصار حمل قلت الحمد الله و اذا حد سالني قلت عيال اخواتي واخواني هم عيال و الله بيعطيني خليت روحي متفائلة و نفسيتي صارت احلا شي ..
قريت كتاب ديني يقول ان الله عز وجل يعطي بني ادم كل شي لا شي واحد ما يعطيه سوا مال ولا عيال ولا صحه ولا ولا ولا ... حتى يتمر عليه بالاحاح والدعاء و يتم التواصل بينه وبين ربه والله كريم على عبده و قولي بخاطرج عساه خير لي ... روحي وعالجي بس خليج متفائلة وقولي الله بيكرمني لا تخلين اليأس يسيطر عليج ..
والحين الحمد الله انتظر مثلي مثلكم والله يجيب لي اسمى و يعطيكم اللي تتمنونة
وتذكروا الصحة ودام الانسان بخير ولا يقول "اي" ولا الآم تراها اكبر نعمه من عند الله
واسمحولي
على الاطاله
13
1K

يلزم عليك تسجيل الدخول أولًا لكتابة تعليق.

تسجيل دخول

Amarige
Amarige
اختي الحبيبه لا تقنطي ابدا من رحمه الله

و شوفي الموضوع ال في توقيعي
سماء ممطره
سماء ممطره
فعلا الانسان دايما ينسى .نعم الله سبحانه وتعالى الكثيره ويفتكر بس النعمه الى محروم منها اختى الحبيبه بنا يرزقك يا رب وانشاء الله عن قريب ويرزق كل مشتاق
* ام تالا *
* ام تالا *
اختي الغاليه ام اسمى ......الله يرزقك باسمى واخوانها بالقريب العاجل ولا يحرمك من الذريه

ويعوض لك صبر السنين بذره طيبه تبر بك وتدعي لك .........والله يسعدك ويديم تفاؤلك يارب ......
بسمه الحلوين
بسمه الحلوين
الله يرزقك عاجلا غير اجل وكل محروم انشاء الله ونسمع الاخبار الزينه قريب
دانه 20002
دانه 20002
الله يرزقك ياااااااارب