من جرب موقع amazon يفيدني افااده الله

والله انا اشتري من الموقع بس البضايع اللي يوصلونها حول العالم..وعادي ادخل كل البيانات مالت البطاقة( الفيزا) والشحن ..بصراحة ماصارت عندي مشكلة في الموقع

هلا خواتي والله انا سبق واشتريت من كذا موقع يعني عندي فكره الشرا
امازون اسهلها بس المشكله يقول انه ما تعرف على كود البطاقه او احدى بيانات البطاقه دخلتها خطا مع انتي متأكده ان كل شي صح

السلام عليكم ورحمة الله وبركاته

أنا يا أختي دايماً أشتري من موقع أمازون ....

الكتب الثقيلة أرسلها لعنواني في قطر

الكتب الخفيفة أرسلها لعنواني في أمريكا (أرامكس) ... لأني راح أدفع عليها شحن الأرامكس (يكون أرخص من شحن أمازون للكتب الخفيفة ---- وزن الكتاب يظهر مع معلوماته)

الأغراض الثانية (مثل أدوات المطبخ والملابس غيرها) ... أرسلها لأمريكا لأنهم ما يوصلون لنا ... بس الدفع عادي عن طريق بطاقتي الفيزا من مصرف قطر الإسلامي...

يعني في جميع الحالات أستخدم البطاقة القطرية للدفع ... وما في أي مشكلة في أغلب الأحيان (فيه بعض المحلات اللي تعرض بضائعها في موقع أمازون لا تقبل البطاقة غير الأمريكية - مثلاً شركة Newport News للملابس حاولت أن أشتري منها عن طريق أمازون لكن رفضت البطاقة لأنها غير أمريكية ... لكن بعض المحلات الأخرى مثل Sephora للمكياج عادي قبلوا بطاقتي عن طريق أمازون)

ما أدري يا أختي ايش المشكلة عندك بالضبط ... إذا ممكن تقولين لنا الخطوات اللي تعمليها بالضبط ... والرسالة اللي تظهر لك ... ممكن نساعدك أكثر...
وأيضاُ إذا ممكن تقولين لنا نوع البضائع اللي تبغين تشترينها ... هل هي البضائع التي يمكن توصيلها للخارج مثل الكتب مثلاً والأشرطة ... أم غيرها؟؟

في انتظار ردك

حياة يحيى
ممكن تقولين لي كم تدفعين لشحن الارامكس؟؟؟؟؟؟؟؟؟
لان ودي اشتري من سيفورا

هم ياخذون اشتراك أول شيء 135 ريال يدفع مرة واحدة (مب سنوي... يعني رسوم تأسيس)
بعدين حق كل طلبية توصلك تدفعين 30 ريال لأول باوند (نصف كيلو) و 20 ريال لكل باوند إضافي
بس فيه بعض الضوابط للأشياء اللي ممكن تطلبينها ... مثلاً ممنوع عطورات أو مواد سائلة أو مواد غذائية ... هم يفتحون كل شيء يوصلهم ... بس أنا خاطرت أكثر من مرة (طلبت كريمات ومكياج وغيره) ... بس كلها وصلتني ولله الحمد ... يعني الظاهر أحياناً ما يدققون وايد ويمشّون حق الناس...
بس إذا بتطلبين من سيفورا لازم تدخلين على سيفورا من موقع أمازون ... لأن إذا من موقع سيفورا الأصلي ما يقبلون الفيزا ... بس إذا من أمازون ... شركة أمازون هي التي تسحب وتعطي لسيفورا، ولذلك فهم يقبلون الفيزا غير الأمريكية...

وانتبهي ... إذا اشتركتي مع أرامكس ... ترا هم يوصلون لك للبيت بس لازم تلحين عليهم ... احنا في البداية كانوا كل ما جات طلبية يتصلون يقولون تعالوا استلموا وكان زوجي كل مرة يتهاوش معاهم (يعني بالمنطق، شركة توصيل عالمية ... وجايبين لنا الأغراض من أمريكا للدوحة، ما تقدرون تكملون معروفكم؟؟؟) ... بس الحين خلاص تأدبوا ... إذا وصل شيء يتصلون ويجيبونه لنا توصيل ثاني يوم (حتى لهم موقع على الإنترنت ممكن تتابعين منه كل الأغراض اللي توصلك)