تفاصيل ..! :

الله يعينك ترى الشغالات حظ ونصيب واذا انتي طيبة بتجيك طيبة بإذن الله لاتخافين انا عن نفسي مروا علي شغالات كثير من ايام ماكنت في بيت اهلي قبل ما اتزوج وبعد ماتزوجت مروا علي اربع شغالات خلاصة تجاربي تقول خذيها طازة ماتعرف شي علميها انتي واصبري عليها و عامليها بالطيب وبتشوفين الخير ان شاء الله بس خليك حريصة غرفة نومك لاتخلينها تطبها ابدااااا انتي نظفيها واذا كان لابد من انها تنظفها خليك معاها عينك عليها ثاني شي سالفة العمر والله مو شرط كبيرة والا صغيرة بس اذا يهمك الموضوع الافضل اللي بين 25 سنة - 30 سنة مو اكثر الصغيرة تجيك طايشة ويبيلها تكونين حريصة معاها و تراقبينها بزيادة لاتروح تسوي حركات غبية تجيب لنفسها و لك المشاكل والكبيرة اللي فوق 30 تجيك فيها خبث خصوصا لو كانت اكبر منك في العمر بتجننك وصعبة السيطرة عليها اذا ماكانت من اصلها عاقلة بين25 -30 ممكن السيطرة عليها .. كمان الافضل تكون متزوجة وعندها عيال لان العيال يعقلون الوحدة ويخلونها تفكر الف مرة قبل ماتتصرف اي تصرف انا جبت اول وحدة وانا حامل كانت اكبر مني وقتها بصراحة تعبت شوي معاها من ناحية شغل البيت كانت ماتشتغل من قلبها وكنت وراها وراها طول اليوم بس امي الله يخليها لي هي اللي ضبطتها ومشت معاي وقعدت اربع سنوات واللي بعدها نفس الشي هم كلهم كذا اذا جوك يجربونك ينظفون اي كلام يشوفونك تسكتين والا لا .. اذا سكتي كملوا على نفس المنوال بدون امانة واذا شديتي معاها وحسستيها انك تحبين كل شي متقن بتمشي معاك على طريقتك ... يعني الرك عليك انتي اللي تشكلينها على كيفك وحدة من اللي جوني ماقعدت عندي اسبوع على بعضه ما ارتحت لها حسيتها جاية تستهبل وفي راسها اللعب على طول كلمت المكتب وصاحب المكتب قالي خليها عندك علميها لاتستعجلين .. قلت له خذها عندك علمها وجيبها ماعندي مشكلة .. واخذها عنده بعد كم يوم يتصل يقول سوولها خروج ماتنفع .. هو بنفسه شاف انها مو تمام عاد انتي اذا جبتي وحدة وحسيتيها مو تمام رجعيها للمكتب على طول لاتترددين وهم مسؤولين يجيبون لك غيرها سامحيني طولت عليك بس حبيت اعطيك اللي عندي يمكن يبرد على قلبك شوي وترتاحين والله يوفقك ويسخر لك شغالة طيبة تخاف الله وتعمر معاك سنين طويلة

الله يعينك ترى الشغالات حظ ونصيب واذا انتي طيبة بتجيك طيبة بإذن الله لاتخافين انا عن نفسي مروا...