مسـآئكم/صبآحكم خير ومحبه :39:
مدخل ؛
( وكلوا مما رزقكم الله حلالا طيبا )
هذي طبخه عندنا اسمها خبز مفرووك ونسميها قرص بعد :)
وزي ماقلت لكم المسمياااات كثيره والاهم النتيجه لانها بالاخر بتطلع بنفس الشكل والطعم
وبناء ع طلب بناااات تجمعي الغالي نزلتها لعيوونهم ولعيوونكم بعد لا تزعلووووووون :39:
المقادير :
٤ كأس دقيق ( أبيض - أو بر ) اللي تحبين
٣ كأس ماء للعجن
ملح حسب ذووقك
سمن
شكل العجين :
يكوووون متماسك مو ثقيل مره ولا سايل وسط يعني وأعجني بيدك والمويه صبي شوي شوي علشان ما تكثر المويه وتصير سايله
هنا الشكل المناسب للعجين
الطريقه :
يكون الصاج على النار ونضع فيه زيت بس يسخن الزيت نضع نص العجينه ونفردها ويكوون عرضها
تقريبا واحد سم
عند النضج من تحت نقلبها على الوجه الثاني وتكون أتحمرت
إذا استوت من فوق وتحت نطلعها
ونضع النص المتبقي وبنفس الطريقه :35:
في هذا الوقت نأخذ الخبز المستوي ونفرمه في الفرامه
طبعا نقطع الخبز قطع صغيره ونفرم مايصير كله مره وحده شوي شوي
وتكون عندك حافظه كبيره وكل ما فرمتي حطي في الحافظه وسكري علشان مايبرد
لحظه لحظه اشووووفك تحمستي بالفرم ونسيتي اللي على النار ، ، ، بيحترق ترا خخخخخخخ :p
ملاحظه :
أنا افرمه بخلاط الفوووووول احط شوي شوي ويضبط معاي
وحطي السمنه وسمي بالرحمن
خيارات اضافيه وخذي اللي يناسبك:
ممكن يؤكل مع العسل
ممكن يؤكل مع البصل
ممكن يؤكل مع اللبن بدل من السمنه
ممكن يؤكل مع الكشنه
الشكل النهائي
وبالعافيه على قلووووووبكم جميعا
دعواتكم لأختكم : بالذريه الصالحه ولجميع بنات المسلمين
مخرج ؛
( و كلوا وشربوا و لا تسرفوا )
وأسأل الله العلي العظيم أن يرزقك الذرية الصالحة...عاجلاً غير آجلاً