استغفر الله

شوفي ياقلبي الصراحه انا جربت طريقتين التشيز شي في الثلاجه وشئ في الفرن الي في الفرن سهل مره اما حق الثلاجه أحياناً يضبط وأحياناً مايضبط المهم هاذي طريقه سهله مره سويتها من أسبوعين مابقى منها نتفه لانها لذيذه ونفس حقت التاجرات
اول شي جهزي صينيه وسط الي تنفتح من تحت او قوالب التشيز الصغار زي ماتحبين دوبي اصبع زبده واطحني نص علبه كبيره بسكوت شاهي ناعم ونص بسكوت ماجكستف واخلطيهم مع بعض واذا تُحبين حطي عسر حبات لوتس مطحونة وحطي الزبده واعجنيها الين يتخلل الزبده كل حبات البسكوت ويصير اذا لميتيه يتماسك والصينية رشيها بزيت او رشاش زيت وقصي ورق زبده اذا هي الكبيرة الصغار مايحتاج على مقاس الصينيه حطي في الخلاط كاس حليب بودره ناشفه وعلبة زبادي وفنجان القهوه سكر وثمان حبات جبن كيري واخلطيهم وبعدين حطيهم فوق البسكوت وتكونين قبل نحميه الفرن بس من تحت خليها الين بس تتماسك الطبقه البيضاء طلعيها حطي فوقها اما فراوله او تذوبين لوتس او تحطين توت اي شي تبين ودخليها الثلاجه واذا فتحتها بتطلع معك بسهوله وتنزل معك بالصحن بس شيلي الورق وحطيها في صحن التقديم وبالعافية
خطوات الورق قُصي الورق وجيبي القاعدة وحطيها على الورق والرسمي بالقلم حجم القاعدة وقصيها بالمقص حطيها في الصينيه وبعدين وسكريها تصير بحجم الصينيه

لا بالعكس طعمها حلو بس يمكن إنتي كثرتي شي او قللتي شي اعتمدتها اجل حق الثلاجه تشترين مقاضي ويمكن تنجح وممكن ماتنجح معك التاجرات ماراح يشترون جيلاتين ودريم ويب وكريمة خفق وحليب نستله هاذي نفس حقت التاجرات نفس الطعم

شوفي حساب فوز الشهري في استقرام واليوتيوب توها مسويتها امس في السناب بتججنن

استغفر الله