صديقاتك بيجونك وش تقدمين لهم ؟؟؟!!

اطباق عالم حواء

السلام عليكم ورحمه الله وبركاته ..

..

الي يعزمون صديقاتهم دايم عزيمه عشاء يعني وش يقدمون لهم وكيف تكون الجلسه رسميه ولا عادي

دخت بأفكاري:eek:

وش اقدم لهم لاني ما اعرف شئ بالتقديم :06: من حلا وعشاء
اعتبروني سنه اولى بهالشغله يعني لا تقولون الي معتاد والله ما اعرف
وشكرا جزيلا لكم
10
3K

يلزم عليك تسجيل الدخول أولًا لكتابة تعليق.

تسجيل دخول

love factory
love factory
ياقلبي حسب عدد اللي جايين لو قليلين كافي بالاول عصير ولما يكمل العدد قدمي حلو القهوة مع القهوه .......استراحه وسوالف وقدمي العشا خفايف بصحون كبيره تدور عليهم وكل وحده قدامها صحن صغير تاخد اللي تبي او انك تحطين طاوله جانبيه موشرط كشخة حتى لونايلون وغطيها بمفرش حلو طويل وانثري ورود مجففه بين الاطباق ووزعي عليهااطباق كبيره بالخفايف وهي معجنات ورق عنب انواع من الكبب والسمبوسه ويقدم معاه الشاي او المشروبات الغازيه
ولو العدد كبير ابدئي بنفس الطريقه بس العشا قدمي زيادةاطباق رئيسيه اثنين او ثلاثة ونوعين سلطه
وبالاخير الحلو البارد اما تقطعينه وتوزعينه او تحطينه بزاوية طاولة البوفيه ........
ووسعي صدرك واستانسي وكلما كنت مرتاحه ومو متكلفه بتكون القعده حلوة وونيسه.....موفقه يالغاليه
كفوف حنونه
كفوف حنونه
يالطوف يا حبيبتي
لييييييييييييه ما تشوفين سفر بنات المنتدى
وخذي وتعلمي من طرقهم وبالذات وهم منزلين صور بكذا
وعندك أقرب شي الأخت زيتونه 500 ما شاء الله عليها
تنسيق في تقديم القهوة واحلا اللي معاه
والشاي ايضا وكل شي ماشاء الله تبارك الله
والله أني مازدت سناعة الا من هذا العالم
عسى الله لا يحرمنا منه ولا من الغاليات اللي يبهروني كل يوم بشي جديد
ودمتم بود و محبة
لــطــوووف
لــطــوووف
الله يجزاكم خير تسلمون والله

تقريبا العدد قليل اربعه بنات

فريت بالمنتدى حسيتها كلها رسميه ابي شئ سيمبل
(جود الجود)
(جود الجود)
شوفي انا كذا مع صديقاتي وانتي اعلم وحده بصديقاتك :

اول شيء عصير .. أو كبتشينو

ولما يكتمل العدد .. قهوة وحلا

والعشاء بنفس جلستنا بس أحط بطاولة جانبية بوفية صغيرووون نغرف ونرجع لنفس الجلسة اريح واقل كلافة وتحسسينهم مافي رسميه

العشاء الغالب : ورق عنب - تبولة - مقالي - معجنات - بيبي شاورما وبيبي برجر ........الخ
مع مشروبات غازية .. وأحيانا لما اصير رايقة احط حلا عشاء

وبـــــــس ..
Lover gift
Lover gift


وعليكمـ السلامـ والرحمهـ ..

شوفي ياعسل ,,

أبدأي بماي علب صغيره مو كاسات بيت نوو نوو

لين يكتمل العدد وإذا حابه عصير ممكن ..

جهزي صينيتك تمر معمول تمر بارد شوكلاتات خرابيط وكذا اللي موجود بالبيت < تستخدم صينيه مقسمه ,,

وسوي لك حلا قهوه ..

أقترح لك ,, حلا جلد النمر لذييذ
أو سوفيله < اذا تبين الطريقه سهله مرره ماياخذ وقت 5 دقايق و10 دقايق بالفرن بسس ..

بعدها الشاهي ..

اذا بتحطين عشا لا تقدمين شي مع الشاهي أفصل ..

العشاء ..

سلطه فتوش زينيها بخبز مقلي وعليها صوص ( زبادي لبنه رانش ليمون مايونيز ) وقطع جبنه فيتا نادك ..

شوربه مفضله لك أو طبق مقبلات ثاني مقليات أو ورق عنب ..

بطاطا مشويه بالفرن ..

الرئيسي ..

ماكرونا فوتشيني أو لازانيا أو ماكرونا بالبشاميل < بس تكون بصدور الدجاج ألذذ ,,

واختاري معها طبق ثاني خفيف على حسب ماتحبين ,,

وبس خلاص يكفي .. :p

الحلى بعد العشاء ,,

اختاري لك حلا بارد على ذوقك
وجهزيه من اليوم اللي قبله هو وحلا القهوه ..

وبس ,,

رتبي نفسك وجهزي كل شي من إلى قبل يجون بوقت كبير
عشان تنبسطين معهم وماتصيرين تروحين وتجين عليهم ..


ربي يسعدكم ..

:26: