البيت فيه شيء والمشاكل اذا جات تصير كبيرة هل هذا من الحسد او المقبرة اللي جنبنا؟؟؟

السلام عليكم





اسكن في بيت اهل زوجي

طبعا البيت مافيه احد كلهم طلعوا وسكنوا في فلل وخارج المدينة

الا نحن جلسنا في البيت هذا لصعوبة الاحوال المادية

والا الود ودنا نهرب من البيت :06:

تجي مشاكل بالبيت


البيت كله نمل ماادري من فين يجي قفلت كل مخارج النمل ومازال يمشي بالصالة عندي

عمتي كانت ساكنة في شقة اسفل شقتنا والبيت فيه شيء ماادري بس انه كل من دخل البيت هذا تضايق وانكتم وبكى

عمتي كانت ساكنة فيه من ايام زمااااااااااااااااااااااااان

يمكن اربعين سنة

وماكانت تتكلم معنا وكنا نقول عنها مريضة نفسيا

والسبب كان البيت

كاتم عليها ومضيق عمرها ولايخليها تنبسط وتطلع معنا

كانت تجلس في بيتها ولاعندها اغراض مثل دواليب المطبخ غير املة وغرفةة نوم ماتبيها

يعني على فرشة وكان عندها لحاف ودفاية والتلفزيون على القناة الاولى

وكنا نقول لها كيف تعيشين كذا ولاترد علينا

يعني كانها تكرهنا وتكره السوالف

انا سكنت فيه اول سنة زواج وكنت ا بكي متضايقة ابي اطلع منه كل يوم

والى اليوم

اتضايق من هالبيت

لازم اطلع منه كل يوم

وجاتنا فترة فيها خوف وحزن وهم وضيقة نفس

ماادري وش في البيت

رشيت النمل بمبيد وشغلت الرقية الشرعية من النت ولما قمت امشي بالليل

كنت احس اني ادوس على زجاج يتكسر وارفع رجلي وماالقى شيء تحته

الحين عمتي طلعت من بيتها وسكنت عند ولدها

وسبحان الله تغيرت 700 ألف درجة

تغيرت بقووووووووووووووة

صارت تستقبلنا وتقهوينا وتحلف علينا

حتى بالعيد اول مرة اشوفها تفتح لنا الباب وتعطينا حلويات وتقول من العايدين

وكانت لابسة شيلة ذهبية مطرزة والله كانت تضحك ومبسوطة ماشاء الله

يعني البيت كان فيه شيء ولما طلعت هي ارتاحت منه


باقي اناااااااااا :06::06::06:


الله يصبرنا

يدخل زوجي (زوجي تراه طيب) يدخل ويسبب مشكلة وينتقد كل شيء

بس لما نخرج من البيت يجلس يسولف ويضحك ويمزح


الان لي اسبوع متخاصمة معه

شتمني وشتمته

قلنا كلام الواحد يندم يقوله عن الثاني

لنا اسبوع مانتكلم مع بعض

الا في الاشياء الضرورية


ماادري وش اللي جانا

هو يتعالج عند المشايخ

جاله حسد على عمل اليد

يتعب لما يشتغل بيده ويكسب رزقه

صار لنا اسبوع مو قادرين حتى ندبر ريالين وهذا الشيء جننه بزيادة


صار عصبي


صار كل شيء عنده يعتبر مصيبة كبيرة وخطأ لايغتفر عنده

مدرري شسوي؟؟؟؟؟؟؟؟؟؟؟؟؟


عنده بخاخ الرش وصفه له الشيخ

ارش ملابسه وفراشه


لكن مازال البلا في البيت

البيت جنبه مقبرة

ماادري اذا اللي يصير لنا من المقبرة او لا؟؟

لاني سمعت حديث مو حافظته بس انه عن: الجار السيء في القبر يؤذي الجار المسلم


هل اللي يجي البيت من المقبرة؟

للعلم انه اهل زوجي كلهم ماصار لهم شيء بالبيت ويقولون الوضع عادي جدا


بس انا وزوجي وعمتي نحس بهالشيء



فكرت بمويه وملح ارشها بالبيت

لكن مدرررري :06:

اخاف اسبب ضرر لنا

فقلت اسألكم عن اللي يستخدم بهالحالات

زوجي محسود

والبيت فيه نمل

هل هذي تعتبر علامة؟ وهل لها رقية او ؟؟؟؟