كيف يكونوا عيالك مميزين تعالى فيدي واستفيدي

الأمومة والطفل

شلونكم خواتي
أكيد كل أم تعلم شغلات مميزة حق عيالها .. سواء بالنظافة أو طريقة لبس أو بالأكل أو بالأخلاق والصفات ..
فأنا حبيت بالهالموضوع اني أتناقش معاكم وأفيدكم وتفيدوني بشغلات تعلمونها حق عيالكم
طبعاً انا أكبر بناتي عمرها 6 سنين بس أنا أخليهم كلهم يعتمدون على نفسهم بوايد شغلات .. أنا أكون معاهم بس أخليهم هما يسوون الشغلة

أنا ببدي
معلمة عيالي انهم ماياكلون من مطاعم الوجبات السريعة مثل هارديز وماكدونالدز وكنتاكي وبرجر كينج .. دايماً أقولهم ان هالمطاعم أكلهم مو نظيف وفيه دود وأكلهم يعور البطن ويخلينا نصير مرضى وعيالي لووو شنووو تسووون فيهم ماياكلون من هالمطاعم وأعطيهم بدال هالوجبات معكرونية أو مشويات أو صموون من سب وي وجذي ..

الشغلة الثانية معلمتهم أن الدلااااااق شي ضروري لابس يلبسوونه طووول اليوم ويفصخونه بليل قبل لا يناموون وقتلهم اذا مالبستوه اطيحوون مرضى والحمد الله دايماً يلبسوونه بالبيت ..

البفك والحلاااووو الصيني ممنوووع ومضر ويخلينا نصير مرضى .. طبعاً هما مايعرفون هذا صيني ولا لا بس اذا وديتهم الجمعية وخذوو شي صيني اقولهم لا هذا مو زين صيني فيردونه وفي شغلات خلاص حفظوو انها صينية .. وفي بفك لونه بنفسجي على شكل خواتم هذا اليهال وايد يحبونه بس للأسف متروووووس ألوان صناعية وهو صناعة ماليزية وفي نفسه بدوون الوان صناعية ماركة فيكوو بس الناس يشترون الماليزي .. وانا عيالي قتلهم ان هذا بفك صيني وفيه ألوان مايصير ناكله بعدين يعور بطنا وصج ماياكلونه .. قبل فترة الأبلة بالروضة قايلة حق ريلي انتوو شمعلمين بنتكم أعطيها بفك موراضية تاخذه تقول هذا بفك صيني .. فقالها السالفة ولا الأبلة تاخذ البفك من اليهال كلهم

معلمتهم ينادوني ماما حبيبتي مع انهم لي قبل فترة قصيرة كانوو ينادوني باسمي بس عقب قتلهم الي تناديني باسمي ماراح أرد عليها والي تبيني ارد عليها تقولي ماما حبيبتي ..

معلمتهم اذا طلعنا وعزكم الله اذا بغوو يروحون الحمام لازم كرسي الحمام يتنظف .. اذا رحنا مجمع ينادون الخدامة الي تشتغل بالحمام ويقولولها نظفيه واذا رحنا مكان مافيه خدامة اهما ياخذون كلنكس ويكبون ماي وينظفونه

قبل لا نطلع وقبل لا يروحون المدرسة لازم يحطوون عطر

اذا رحنا بيت أحد لازم يسلمون على الكل ويبوسون الكبار على راسهم


بس هذي الشغلات الي ذاكرتها الحين ..
الحين أترك المايك لكم ويريت كل أم تفيدنا بلي عندها
للامانة منقول
18
2K

يلزم عليك تسجيل الدخول أولًا لكتابة تعليق.

تسجيل دخول

بنت السعد السعوديه
ماشاء الله حلو مثلي تمام الحمدلله
بس اضيف الصلاه من وهم صغار مره معلمتهم اياها
مايتدخلون في كلام الكبار مهما كان
معلمتهم على الادعيه اذا اكلوا وذا شبعوا ودعاء دخول المنزل والسياره والسفر ---الخ
لازم يحترمو الاستاذ
ومايتضاربوا ةويحبو بعض ومايفضحوا بعض عند الناس
واشياء كثيره
سدرة تميم
سدرة تميم
اهم شي الصلاه لما تصير اعمارهم 5 سنوات اعودهم على صلاة الفجر ولما يكبرون تصير الصلاه سهله عليه واحترام اللي اكبر منهم والجدات لازم يسلمون على اياديهم وطبعا النظافه لازم ينظفون مكانهم وفالبيت يلبسون لبس مو بجايم والعطور واحترام المعلمين والمعلمات طبعا مايشربون غازيات ابدا والشيبس والشوكولاتات والحلويات ماهي فاي وقت ومتميزين دراسيا ماشاءالله والحمدلله الله يهدينا ويهديهم ويصلحنا ويصلحهم ويقدرنا على تربيتهم تربيه صالحه
مرهفة الإحساس99
رفع للفائدة
ام موده ومحبه
ام موده ومحبه
رفع
كرستالة سماوية
ماشاء الله تبارك الله عليكم
اكيد ازواجكم مساعدينكـــــم آآآآآآآآآآآآآآة ياحظي اذا ابوهم مو فية يازينهم في كل شي الادب والاحترام والنظافة
واذا جاء ابوهم ولا كاني موجودة ((يعني ما عليهم مني ))واللي يشوف يقول ما علمتهم !!!!!!!!!!!
سبحان الله