عنايتي الشخصية اللي غيرتني بفضل الله ثم هذا المنتدى

ياعمري يعطيك العافيه ماتقصرين ❤️

بانتظارك

للمعلومية انا بشرتي مختلطه ( جافة + عاديه ) .. ممكن نظام عنايتي ببشرة وجهي ماراح
تناسب صاحبات البشرة الدهنية ..
كنت اعاني من :
1- جفاف البشرة وعدم توحدها
2- حبوب بالظهر ومسامات بمنطقة الفخذ والسيقان
3- خطوط بيضاء + سيلوليت
4- ركب واكواع غامقه وخشنه
5- هاﻻت سوداء وتجاعيد خفيفة اسفل العين
6- بشرة الوجه شاحبه وذبلانه وغير نضرة حتى مع المكياج
7- اظافر مكسرة + اطراف جافه وخشنه
8- شعري خفيف ومقصف ونموه بطيء جدا !



بدأت عنايتي قبل 3 شهور تقريبا والكل ملاحظ التغيير ومع اﻻستمرار
بتخلص من جميع المشاكل بأذن الله ..
اول شي ( بشرة الوجه )
طبعا ﻻزم اول شي تهتمين بالتغذيه السليمه .
واذا عندك فقر دم عالجيه < سبب نص المشاكل
ابعدي عن اﻻندومي والشبس والحلويات والبيبسي والمقالي والشطة
ﻻنها سبب اغلب اﻻمراض ..
اشربي كوبين مويه ع الريق مع ملعقة عسل
+ اشربي عصير برتقال وجزر وشمندر مرتين يوميا
كلي خضار ورقيه لانها مليانه كلوروفيل وراح تعطيك نضااارة
ع الفطور كلي 7 حبات تمر + ملعقه حلبه مطحونه + ملعقة ماش مطحون ..
تزيد الوزن وتعطي انوثه لشكل الجسم وتنفخ الخدود ..
اشربي مويه ﻻ يقل عن 8 اكواب يوميا ..


نجي للعنايه الخارجيه
نظامي سهل وبسيط ورخيص وبنفس الوقت فعالة ..
ﻻني جربت المنتجات الغالية بعضها سبب لي مشاكل ماكانت فيني
وبعضها يفيدني بس مجرد ما اتركه يرجع وجهي مثل ماكان واردى :@
بعدها قررت عنايتي تكون طبيعة + منتجات طبيه وآمنة
وطبعا ماراح يناسب اﻻ اللي بشرتها عاديه + جافة ..
ﻻنه يعتمد ع الترطيب والتغذيه .. اللي بشرتها دهنيه مدري عنها




نظامي اللي للحين مستمرة عليهه هذا هو :-


استخدم صابونية لوجهي مكونه من :
ثلاث ملاعق كبيره صابون غار اصلي مبشور
نص كوب مويه ورد
ملعقة عسل اصلي
ملعقة زيت لوز حلو ..
ذوبتها مع بعض يوم كامل
وحطيتها بعلبه زجاج نظيفة واستخدمها من مرتين الى 3 مرات باليوم

استخدم تونيك لوجهي مكون من :
كوب موية ورد + ملعقة لبان الذكر
تغلين المويه وتظيفين لها لبان الذكر وتتركينه يوم كامل مع التحريك
المستمر .. بعدها تصفينه وتحطينها في بخاخ وعلى الثلاجه ..


استخدم يوميا ماسك نفخ وجهي واعطاه نضارة ..
حلبه مطحونه + شوفان + نشا + ملعقه خميرة > اطحنهم بكميات متساوية واحطها بعلبه
تاخذين منها ملعقتين كبار وتضيفين لها زبادي وعصرة ليمون وقليل ماء ورد وملعقة صغيره زيت زيتون لحد ماتصير نصف سايله ..
واتركيه نص ساعه ع وجهك وابعدي عن منطقة العيون واﻻنف ﻻنها تنفخهم ! :01:
ولما تغسلينه استخدمي اسفنجه بليها بمويه دافيه وافركيها ع وجهك ..


مرة بالاسبوع اسوي لوجهي حمام بخار بالاعشاب ( بابونج + نعناع مجفف + شاي اخضر )
احط منشفة واستنى 10 دقايق بعدها اخذ غسول كلين اند كلير وانظف وجهي وهو باقي
رطب من البخار
بعدها اجيب الليفة المغربيه وافرك خشمي بحركه خفييييفة الين تختفي الرؤوس السوداء
والقشور اللي عليه بعدها امسح وجهي بقطن مبلل بماء دافي
و استخدم سكرب او سنفرة كاب وافركها بشويش وبالنهاية
اغسل وجهي بموية بارد + اسكر المسام بمكعبات ثلج ( مويه ورد + قطرات ليمون )
واجفف وجهي بمناديل واستخدم بعدها اي ماسك يفتح البشرة ويغذيها ..

بالصباح استخدم بوندس الوردي + واقي شمس ماركة ايفين
بالعصر بيبانثين اﻻزرق + كريم الكوﻻجين من ايفا ولما تتشربها البشره احط واقي
وبالليل ارطب وجهي بمسحه زيت لوز + كريم بيبانثين + كريم الكوﻻجين من ايفا


( للهاﻻت السوداء )
خياره مبشورة + جزره مبشوره + بطاطس مبشورة
اخلطهم مع بعض واحطهم بقالب ثلج وبالثلاجه ..
وقت اﻻستخدام الف المكعب بشاش حتى ما تؤذي عيني واسويها كمادات لين تذوب
وبعدها احط كمادات شاي او حليب بارد .. خففت لي اﻻنتفاخ والهالات
وبالليل قبل النوم امسح الهالات + الشفايف
بقطرات بسيطه من ( فيتامين E + عسل اصلي + زيت لوز حلو اصلي )
وامسح قليييل فازلين ع رموشي ( انتبهي يدخل بعينك يسبب مشاكل ﻻ سمح الله )


بالنسبة ل( شعر الوجه ) عندي خفيف ..
بس شهريا اشقر وجهي وحواجبي ب كريم جوﻻن الاخضر
احسة ناسبني وماسبب لي حروق او مشاكل ومرتاحه عليه ..


النتيجه بانت بعد 3 اسابيع ..
وجه رايق وصافي وفيه نضارة وتفتيح .. < حتى مكياجي صار يطلع شكله مختلف عن قبل !
الهالات بدت تخف والرموش طالت وكثرت وطالت وصار شكلها احلى ..
خدودي انتفخت وصار لونها وردي خفيف مع ان وزني ما تغير بس كل من شافني يلاحظ ..
التجاعيد الصغيرة اسفل العين خفففت حيل .. وشفايفي رطبة وورديه

up
up

يعطيك العافيه حبيبتي ..

يعطيكي العافيه