% Rose %

% Rose % @rose_14

عضوة جديدة

DDf Intensive Holistic Lightener

العناية بالبشرة

هذا جل سبق وكتبت عنه وحدة من العضوات للتفتيح
بليز الله يعافيكم ردو علي انا محتاجة له ضروري بس ابي اعرف قبل اخسر هل هو فعلا ممتاز ويبيض ولا لا
رجاء لا تسفهوني اختي محتاجة لاشياء مثل كذا ضروري هالايام
الله يجزاكم خير ردووووووووووووووووووووو:(
6
5K

يلزم عليك تسجيل الدخول أولًا لكتابة تعليق.

تسجيل دخول

MOONY*ANGEL*HEART
MOONY*ANGEL*HEART
السلام عليكم كيفك حبيبتي شوفي انا زيك انبهرت فيه بس قريت في موقع طبي ان مادة الهيدروكونين من المبيضات الضارة مستقبلا ومن ضمن المواد الي تسبب السرطان على المدى البعيد وحسب ما فهمت ان المنتج يحتوي على هذه المادة
الشي التاني ان هذه المادة من المبيضات الي بعد مدة من الزمن ينتهي مفعول تبييضها ولازم تدمني عليها ... ولكن برضو اقلك استشيري طبيب بخصوص نسبة تركيز المادة في الكريم نفسه ولا يغرك كلام بنت تقلك طبي وتسكت او شركة معروفة او انها تاركته من مدة وما صارلها شي هدا جهل تعرفي ليش لان المفعول الي يقصدوه الاطباء بالخطورة مش بعد يومين ولا اسبوعين المقصود بعد مدة وبرضووووو ارجع اقول استشيري طبيب متخصص للامانة ... انا اقول هدا الكلام عشان ما ابغاك بعد التبييض تدخلي في دوامة تانية وادمان على الكريمات لان نتايجها مش هي المهمة المهم (النهاية) الي توصلها مع اجسامنا.... برضو ان شاء الله اذا عرفت معلومات جديدة عن المنتج لك عليا اقلك ان شاء الله اسفة اذا طولت بس حبيت اقول الي عندي شفت ان محد رد عليك وكان لازم ارد الله يوفقك للي فيه خير ويكتبلك حل لمشكلتك ايش ما كانت يارب
% Rose %
% Rose %
الله يعطيك العافية ياموني ويريحك مثل ما ريحتيني
طيب وش افضل شيء للتبييض خصوصا الركب
ارجوكم ردوا اختي مزنوقة بالوقت
MOONY*ANGEL*HEART
MOONY*ANGEL*HEART
شوفي انا قريبتي يا روز تتابع مع اخصائية في عيد كلينك
اذا اختك عندها القدرة خليها تروح عند طبيبة تكون امينة وسمعت مرة وحدة تمدح طبيبة في سليمان فقيه اسمها حنان حقت جلدية واسعارها تقول كويسة
احذرك من التقشير عند اي وحدة بدون فكرة او خبرة احيانا التقشير يعمل سواد اذا كانت الركبة ما تتحمل اصلا تقشير انا اقلك اش تعملي في حالة لو تبغي شي طبيعي وسريع ولو عندك مدة كويسة انها تعمل الي اقلك عليه... عارفة النايلون الي نغلف فيه الاكل تحتاجيه وكمان جيبي شوفان كويكر مع ملح خشن بس مطحون كويس مع شوية قطرات ليمون هادي وصفة من صديقة الله يجزيها خير اخلطيهم سوى ويكونوا لسا خشنين خلي اختك تدخل الحمام وهو دافي وتكون بذلت مجهدو قبل كدا وعرقانة تدخل الحمام وتتعرق بعدين تاخد رشة من المويا الحارة على ركبتها اقول رشات مش تصبه صب بعدين جيبي المقشر الطبيعي (الشوفان ... الخ) وتفرك به ركبها كويييييييس ولو بدها تستعمل ليفة لان الخلطة نعمت شوية مش مشكلة تفرك بشكل دائري ومش بعنف لا
شوية شوية مع التدليك .. انتبهي يجي صابون بعد الفرك عشان ما تسود بعدين بعد الحمام والتنشيف لازم تكون المنطقة رطبة شوية يعني ما نشفت مرة تمام اوك؟
تكوني مجهزة زيت لوز مر وحلو وزيت سمسم وزيت خروع بكميات متسواية تدلكي فيهم الركب تدليك مساج مش بس كدا تحطهم بعدين تلبس بنطلون داخلي او مشد الركب المهم الركب تتغطى خلاص طول اليوم ... نجي للمرحلة المهمة جدا
قبل النوم.... اش راح تعملي تكشفي الركبة عشان دحين راح نعمل عليها لبخة عارفة يعني خلطة تنام فيها عبارة عن سدر + ليمون (او خل تفاح ملعقتين شاي) +ملعقة كركم + عسل اذا كانت الخلطة جامدة زيدي عليها ليمون حتى لو حطيتي خل عشان تكون حامضية (يعني مقشر طبيعي) تفرك ركبها بهذه الخلطة وتعمل منها طبقة بعد الفرك على الركب وتلفها بنايلون حفظ الاطعمة الي كلمتك عنه في الاول تلفها بدون ما تشدها مررررة بقوة عشان لا تحبس الدم فهمتيني؟ بس تلفها بحرص انو ما يتسرب هوا ولا تنقط الخلطة يعني لا تحط كتير منها لانها راح تنام فيها اوك.... بعد النايلون ترجع تلبس غطا الركب والافضل فوقه بنطلون بيجامة ماسكة شوية عشان تحس براحة وهي نايمة وتنام كدا
ولما تصحى الصباح تستحم وتعمل طريقة الشوفان وتعمل الترطيب بعد الحمام وهكذا.... الخ يوم ورا يوم الركبة راح تتقشر طبيعي ونصيحة تلبس شي يحافظ على ركبها من الاحتكاك يعني الافضل هذه الفترة لانها معالجة تكون لابسة على طول شي طويل تحت الملابس او شغله تغطي ركبها ما تكشفها الا وقت التدليك عشان تجري الدم وتعمل تهوية... باذن واحد احد راح تلاقي تناسق في اللون وتحسن كبير مع المداومة واليك الملاحظات هنا:
1_ تاكدي ان خل التفاح من النوع الاصلي (organic) زي ماركة ابازير هو الافضل
2_من الممكن التبديل يعني ممكن المكونات الي ذكرتلك هي في التقشير بالشوفان تضيفي لها السدر
او العكس المهم ان هذه المواد لتجديد الخلايا والتنظيف العميق
3_ اذا كانت بشرة اختك جافة تضيف قطرات من الزيوت المخلوطة مع تقشير الشوفان او تقشير الليل
وهذا راح يكون الافضل بس قطرات طيب مش كتير
4_ التدليك مهم لوصول الدم لهذا المكان ووصول الاكسجين لان الاماكن المسودة والجافة اكبر مشكلة فيها والحقيقية هي عدم تحقيق التنفس اللاهوائي بين الخلايا بالشكل السليم فالتدليك بشكل صحيح مع الزيوت المغذية مفييييييييييييييد
5_دايما نصيحة اختبري المكان المسود بحكه بالظفر عشان تشوفي ان كان فعلا موجود جلد ميت او طبقة خشونة سميكة فهو حله التقشير .... اذا كان مستوي وناعم ورقيق كباقي الجلد وفقط عليه سواد فهذا تصبغ ممكن التقشير يضره انكان كيميائي او صنفرة قوية لكنالطبيعي ان شاء الله ما يضر بس بدون ما تفكري في هذه الحالة انتبهي اوك؟

اخيرا.... اسفة على الاطالة مرة تانية واي سؤال حبيبتي او استفسار انا موجودة بس يمكن اوقات ما ادخل العام ارسليلي الخاص ولا يهمك ارد عليك واسالك كل الي اعرفهم ما ابغى منك الا الدعاء بالفرج القريب وصلاح الحال في الدنيا والاخرة
% Rose %
% Rose %
up
mamita
mamita
up