السلام عليكم
كيفكم بنات المنتدى :) عساكم بخير
اليوم بقول لكم سالفتي مع هالحموله اللي بطوا تسبدي بطا مبرحا:mad:
انا من كثرت ماعنيت منهم صرت قليله اختلاط يعني انزل وقت اللي يكون مافيه احد غير خالتي <<<< والبلا خالتي:09:
واسمع لي كم نغزة وابلعها وارجع بيتي
عاد صاروا يقولون عني معقدة ماتطلع
وان طلعت قالوا هذي كل يوم لابستن هالعبايه وهافه من بيت لبيت <<<<<< هافه = ذاهبه لغير الناطقين بالشمريه
وان رحت عزايمهم قالوا هذي تجي العزايم وماتعزم
قلت يالله ابسوي لهم هالعزيمه وافتك والله وماكذبت خبر
سهرت ليلتها وانا الف بورق العنب وازين ذا الكبه وما خليت نوع طبخه:7_2_103v: حلا الا زينته <<<< اذا طلع الحلا زين قالوا مهي اللي مسويته هذي وحدة تطبخ لها فلوس وذا مو حلو قالوا ايه رفلا حتى الحلا ماتعرف تسويه
عاد جاء موعد جيتهم وانا اغبر لك بهالبيت بخور وفواحه وارتب
الا ودخلة حماتي الكبيرة قالت افففف درينا انك سنعه عميتينا بهالدخان <<< جعلتس تخفين مو وجه دخون
وبداو يجون وحدة ورا الثانيه واللي تدخل تدور كنها مضيعه كنز ابوها عندي مدري وش يدورن
وكله صوب وبزارينهم صوب جاء واحد منهم <<<<<<<< يمه منهم حتى عيالهم عن الف شايب الواحد يصكك بكلمه يخليك قايلتن كذا:eek:
المهم جاء واحد منهم ضرب وليدي جيت قلت له لا ياماما عيب هذا اخوك
كان يقول : لا هذا مو اخوي انا اخوي محمد كان يجر اخوه ويقول تعال انت اخوي محتاج شي وناظرني نظرة من فوق لتحت وراح <<< وانا علامات الاستفهام تفحط فوق راسي :confused-يمه وش ذا حشا مو بزر مافيه نقطه براءة
واسمع لك صوت المواعين طاخ طيخ:angry:
واناظر امهم الا كلفت عمرها قالت حمودي تعال<<<<< لاا والله تعبتي نفسك ماله داعي بتسببين للولد عقدة نفسيه
وانا ماسكتن عمري لا اقوم اذبح الولد وامه :024:وكل هذا وهن قاعدات ماغير يتطلبن ويتشرهن وانا ماغير رايحه وجايه والله شكلي يكسر الخاطر <<<<<< كسرت خاطر بعلي
الا تالي الليل وبعد ماقلب البيت زريبه قرروا وبعد تفكير عميق انهن يذلفن:icon32:
واجلس انضف بقايا الدمار والله تذكرت مسلسل الزير سالم بعد المعركه وشلون يصير فيه قتلا هنا وهناك ودمار واشياء مكسرة كذا كان منظر بيتي
ناس ماعندها دم من جد
شسوي لهم اذا عزمت ابتلشت واذا ماعزمت قالوا ماتبي احد يجيها
واذا رحت عزايمهم قالوا تجي وماتعزم واذا مارحت قالوا معقدة
يالله شسوي لهم من جد جننوني
:icon33:
غلا ميشو @ghla_mysho
محررة
يلزم عليك تسجيل الدخول أولًا لكتابة تعليق.
الله يعينك يابعدي ... ويكفيك شرررهم وجع مايملى عينهم ترررررررررررراب ..
وسعي صدرك بس ..
ويازينك ويازين اسلوبك وخفت دمك ....... احد يكررهك وانتي حبووبه واسلوبك عسل .......... عمى يعمي وجه
الله يوفقك ويعينك ويصبرررررررررررررررررررررررك .. اجر إنشالله
وسعي صدرك بس ..
ويازينك ويازين اسلوبك وخفت دمك ....... احد يكررهك وانتي حبووبه واسلوبك عسل .......... عمى يعمي وجه
الله يوفقك ويعينك ويصبرررررررررررررررررررررررك .. اجر إنشالله
الصفحة الأخيرة
الي يبي العزايم يتحمل ههههه