ماما حياة
ماما حياة
اللي اعرفه انه يمكن لك المنافسه.. لانه بعد ما يقبلونك الجامعه طبعا تكون وظيفتك رسميه على الخدمه المدنيه.. فلما تجين تكملين اجراءات التعيين يسألونك اذا انت موظفه رسميه يعطونك نموذج تعبينه من الخدمه المدنيه وهو التحويل من وظيفه لأخرى.. لكن اذا كانت اول مره تتوظفين على الخدمه المدنيه يعطونك نموذج تسجيل بوظيفه رسميه لأول مره بالخدمه المدنيه..
بس هذا يعتمد على الجامعه.. يعني جامعة الملك سعود ما شرطت تكون المتقدمات غير موظفات رسميات.. يعني احتمال تكون جامعة الرياض حاطه هذا الشرط عشان تعطي فرصة اكبر للي ماقد توظفوا..
عموما.. نصيحتي لك ارجعي اقري شروط القبول والتقديم بالاعلان زين سواء بالجريده او على موقع الجامعه او ممكن على موقع الخدمه المدنيه وروحي قدمي اوراقك كامله.. اذا ربي كاتبها لك بتتوظفين.. واذا انتي مخالفه للشروط بيكنسلون طلبك ,,وكذا كذا انتي ماراح تخسرين شي..
توكلي على الله وقدمي اوراقك باقرب فرصه وتابعي معهم على الهاتف والله يكتب لك الخير ومافيه..
orient
orient
^
قدمت على المنافسه وأعطوني اوراق أعبي فيها السجل الاكاديمي وهل أنا موظفه أو لا
>>>>>>>>من هذي الخانه يتبين لي أنه متاح لي المنافسه

المشكله اللحين أن وحده من الموظفات قالت لا اللي معينه مانرفع أوراقها
ولما قريت شروط الوظيفه ماحصلت أثبات لكلامها

يعني من وين أجيب أثبات أو تأكيد يأكد أنه يحق لي أقدم وأنافس>>>رحت لموقع جامعة الرياض وماحصلت فيه شئ غير الموجود بالجرايد


أشكرك مره ثانيه ياماما حياة يعطيك العافيه
وربي يوفقك
ماما حياة
ماما حياة
ماعليك من الموظفه.. انتي عبي اوراقك وقدميها وبس.. وخلي الباقي على الله.. وثقي ثقة تامه بان الوظيفه لو فيها خير لك ربي بيوفقك فيها ويسهلك اياها ولا راح اي مخلوق يوقف بوجهك..ولو فيها شر لك ربي بيبعدها عنك..
orient
orient
المشكله
شكل الموظفه مابتسمح لي واللي متوظفات يخشوا الاختبار التحريري وأنا خايفه تضيع علي الفرصه
محتاجه تأكيد من وين أجيبه؟



أحرجتيني ماما حياة بتجاوبك وتفاعلك ربي يفتحها بوجهك وين ماتكوني قولي امين
ماما حياة
ماما حياة
قوليلها الكلام اللي تقولينه مو مكتوب ضمن شروط التقديم واذا اصرت على كلامها كلمي المسؤوله اللي فوقها او قدمي اوراقك عن طريق الرجال تراهم وش حليلهم بعض الحريم اعوذ بالله يتسلطون على خلق الله تقولين بيدفعون رواتب العالم من فلوسهم..