ابي مساعدة من خواتي الكويتيات ضروري

حبيبتي هدولة بحاول أساعدج باللي أعرفه:

الباغيت : صمون فرنسي شوي طويل و شوي يابس وايد لذيذ. تلاقينه عند مركز سلطان السالمية في ديلي فرانس . و تلاقينه بالمخابز الفرنسية مثل لابجيت.

خل البلسميك: خل أسود طعمه قوي تلاقينه في الجمعيات و مركز سلطان. مو كل الجمعيات فيهم بس أنا أشتريه من الروضة أو السرة
هذا الخل ممتاز حق السلطات خصوصا الجرجير مثل سلطة نينو الجرجير فيها بالسميك

الأفوكادو: هذي فاكهة بس تستخدم في السلطات و حق الجواكيمولي . هذي اهي الصلصة الخضرا اللي يم النتشوز في أبل بيز و شيليز من الأفوكادو أكيد تعرفينها. فاذا ذايقتها هذا اهو طعم الأفوكادو.

كريمة حامضة: sour cream في الكويت في وايد أنواع أجنبية و في الكريمة الحامضة البحرينية ممتازة و انا علطول أستخدمها. البحرينية موجودة في الجمعيات يم الروب. قوطيها مثل الروب و داير مدايرها كاروهات أحمر و أبيض ان شاء الله عرفتيها.

فقع معلب: موجود بالجمعبة حبيبتي قسم المعلبات.

الروز ماري و البهارات: مركز سلطان ما يقصر تلاقينهم في قسم البهارات.

بالنسبة حق خبز الشمندر : ما أدري الخوات يمكن يفيدونج و لو اني أتوقع انه في برد توك (bread talk) عنده خبز بها النكهة لونه أحمر.

ان شاء فدتج

يسلمووووووووووووا ساروووووووووونة المزيونة اللة يعطيج العافية ويبلغج الجنة :27:

الفقع موجود عند كل الجمعيات :27:

ابي اسأل صج جوزة الطيب حرام استخدامة-وشنو البهار البديل لطعمة :27:

هدوووووووولة حبيبتى .... على حسب معلوماتى هو مو حرام ، لكن يوجد بمكوناته مادة مخدرة والبعض أستخدمه أستخدام خاطئ لهذا الغرض وليس أكثر ومنع فى بعض الدول حتى فى الكويت أنقطع لفترة ، أما عن البديل ، الصراحة ليس له بديل من حيث النكهة فهو جدا رائحته طيبه .