ام زوجي وزيارتي الكئيبه

ام زوجي يابنات اليوم زرتها من بعد ثلاثه شهور ، دخلت البيت وسلمت عليهاوانا بعبايتي ورحت عند المرايه اصلح نفسي وجيت ومالقيتها ؟ راحت ع طول عند ولدها وماجات الا بعد نص ساعه وانا جيت ازورها ببيت اختها لانها ماكانت ببيتها فقعدت اتكلم مع صاحبة البيت لين ماجات وحتى سلمت عليها وانا مالي نفس لا ولما طلبت منها الجوال قلت لها ياعمه عندك رصيييد قالت وش تبين قلت بكلم زوجي قالت وش تبين فيه قلت بساله وينه قالت راح عند خالته وقلبت وجهها مع اني اول مرا بحياتي اطلب منها الجوال.. وقبل ذي الزيارة قد جيتها ببيتها يعني قبل ثلاثه شهور ولما جيناها كانت هي نايمه وبالصباح لما صحينا سوت الفطور من ايدام وفطايروعدس وحليبواخذت كل شيء و ودته عند عيالها وقالت انا بفطر مع عيالي تبغي شيء .؟ قلت لا سلامتك قالت عندك العيش والجبن اذا تبين وراحت وبعد مافطرت وكل حاجه كنت انا بالمطبخ احمي سندوتش شريته قبل بليله المهم قالت شوفي ي فلانه خليت انا لك شوية ايدام من اول تبين احميه واضبطه لك تخيلوا يابنات الايدام يجي ملعقه طعام وربي اناظر حسيت كذا ان ودي ارمي الصاج بوجهها وربي من الغبنه صورته وارسله ع صحباتي واسألهم لو وحده قالت لك خليت لك ذا الايدام وش تقولين ؟ اللي تقول مو من جدك واللي تقول اتفل عليها واللي تقول اشتري فطور بفلوسي ومن ذا الحكي لا ولما سوت الغدا اعطت عيالها الغدا بصحن واعطتهم اغلب اللحم وقاالت انا وياك نتغدى سوا عشان فبه رجال فما تقدر تاكل مع عيالها المهم قامت جابت الاكل بالقدر مع قطعتين للحم صغييرة والله يابنات حت عيالي ماتكلمهم ولا تسلم عليهم وتلعبهم بس اذا شافت ولدها تقعد تتكلم وتسولف معاه ،د لا وزجي يبغى يسكني عند امه ايش رايكم في حركاتها وتحسون انها تكرهني ؟؟؟