ماشاءالله الكل مقروص من السوق :11retcher

والاخت الا ذكرت ان الواحد يشترى على ميزانية
هى السالفه اختى مب سالفة ميزانيه ولا سالفة بخل هي سالفة منطق وعقليه ...الموضوع اختى ان السالفه كلها ما تسوي هالمبالغه فى الاسعار ...لان الشغل عادى جدا ...والاكسسوارات الا مثلا يحطونها سيرى اقرب خردواتى وبتشوفين عنده قيمتها بكم ...

الموضوع كله عن انج بتتحاسبين عن الدرهم والدينار فيما انفقتيه ....
والله عطان عقل نفكر وانميز ...والواحد ما يدفع على اساس انى ميزانيتى تسمحلى انى ادفع وعندى ...

هذا وطبعا من غير الاسعار ...صرنا فى السوق ما انعرف نحن فى السوق والا فى حفله عرس
والله حتى فى الشغل الواحد ما يعرف كيف الا مب مخليه كرستال ولا لون فى العبايا ولا تطريز كيف هذه طالعه للشغل ...

والله هناك فرق ..بين عبايا السوق
وعبايا الزيارات وعبايا الاعراس وعبايا الشغل ...بس اشوف هالايام اختلط الحابل بالنابل ...

الله يعيين ويستر ...ويهدينا اجمعين
شكرا على التفاعل :26:

بنااااااااات الغلط عليكم صراحة..
يعني حتى في قطر عندنا هالاسعار...بس تدرون وين؟؟ في محلات المولات و داري و المتحجبة و مدري ايش...والمشكلة موديلاتهم مب ذاك الزووود...
انتوا روحوا المحلات العاادية اللي فيها العبايا على 250 و 500 اغلاهم وبتحصلون شغل حلو و موديل جديد و خامة راقية والله بسعر احسن ...
خل نتكلم عن المتحجبة مثلا..موديلاتهم عادية و اقل من عااادية ..
بس فينا مشكلة احنا البنات انه لازم ملابسنا و اغراضنا تكون عليها اسماء محلات غااااااالية وايد و ماركات
والله حرام خاصة انه يعني استعمال يومي..
وتحياتي لصاحبة الموضووووع

ترا زيادة الأسعار ما صارت في العبي وبس، في كل شي، وهذا له أسباب منها الأيجارات ارتفعت عمل العمال يبي، الأقامات تبي...وكل شي يبي بيزات...والله يكون في العون

ما عليج زود بنت الظبي والغـــــلا

طلعتوا الي بخاطرنا شوي

كله كوم ولما تكعين بيزاتج ..وبالأخير يفصلون لج موديلج

على قطعه غيييير عن الاختيار و من اول غسله راحت فيها..صدق قهر

مساءكم الله بالخير ..
بصراحة كلامكم ما عليه غبار ..
صحيح كل شيء زاد سعره .. بس المفروض ما يطير سعره
مثل اللي صاير بمحلات العبايا و الشيل ..
مثلا انا كنت ابى افصل مجموعة عبي و شيل لزهبة عرسي
بصراحة اسعااااااااااار خيالية .. خاصة عندنا في العين
محل زين شين .. عباية حلوة بايخة .. تسوى ما تسوى
كلهم يرفعوووووووووووون الاسعار بشكل غير طبيعي
الواحد يمسك راسه من الاسعار
.. يعني اذا بتفصلين عباتين بنفس الوقت يبالها ميزانية معتبرة من المعاش ..
وحتى لو الوحدة مقتدرة و ظروفها المادية زينه
مب معناته غبية تروح تدفع اي سعر يبونه الهنود ..

بس للاسف التسعير عندنا بالامارات عشوائي .. بلغة ثانية يعني مافي رقابة
والضايع في هالدوااااااااامة هو احنا .. " المستهلك " ..

التاجر رابح .. المؤجر رابح .. و المستهلك خااااااااااااسر دوماً ..

حتى مركز بوهيل اول ما فتح كانت اسعاره جدا مناسبة .. لكن الحين بدأت المحلات فيه ترفع الاسعار .. بس بعده يبقى افضل من المحلااااااااااات اللي برا .. وانا وحده ما اتوقع افصل بعد اليوم في العين الا اذا اضطرتني الظروووووووووف من الخااااااااطر ..

وحسبي الله و نعم الوكيل على هالارتفااااااااااع

وبيني وبينكم انا مفكرة افصل عباية سادة وانا اطرزها و ازينها .. كتجربة وبشوف شو بتطلع

بس الشغلة يبالها وقت ..

" كلنا فشينا خلقنا شوي " ..

أم شوق