شكرا اخواتي على الردود..

عزيزتي انا بعد اعاني من نفس المشكلة لكن راح اعطيكي بعض الحلول اللي فادتني وان شاء الله تفيدك ..

اولا : كلما تروشتي استخدمي ليفة البدي شوب (القفازات) وفركي فيها جسمك كامل وركزي على المناطق اللي الشعر فيها تحت الجلد - وعموما تراها فعلا مفيده لتنظيف الجسم كله واستغرب من اللي ما يستخدمها.

ثانيا : في وحده مصريه تشيل حلاوه تقول قبل ما تشيلين جسمك جيبي بيكربونات الصوديوم وذوبيها في مويه وانقعي فيها الليفه الطبيعيه اللي عند العطارين واتفركي فيها تمام وممكن تستخدمين ليفة البدي شوب بعدها او حتى اذا ما عندك الطبيعيه تليفي بليفة البدي شوب .

ثالثا : دائما رطبي جسمك بالكريم لانه يقال انه جفاف البشره من اسباب نمو الشعر تحت الجلد .

رابعاً : احذري احذري احذري من الملقط لانه يزيد الامر سوءاً حتى في المناطق الحساسه انا قبل كنت اشيل تحت يدي بالحلاوة بس..... لكن مرة شلت الشعر الصغير بالملقط وبعدها صارت الشعرة تطلع بوسط حبه أو تحت الجلد ومنفوخه .... لكن بالنسبه للاقدام مرة كنت مضطرة وشلت بالموس مع اني ما احبه وشلت فيه مرتين او ثلاث وبعدها يوم جيت اشيل بالحلاوة لقيت الشعر كله طالع بنفس الطول وسمعت بعدين انه لو كنتي تبين الشعر كله ينشال تستخدمين نفس الطريقه السابقه .


أخييييراً نصيحه استخدمي الحلاوه السايله او انتي بنفسك سيحي الحلاوه وافرديها على رجلك بعدين افردي عليها منشفه وشيلي .............. والله اختي مررررررره تغيرت رجلها بعد هذي الطريقه - ما شاء الله تبارك الرحمن - وانا قررت بعدها اني اببدا اشيل بالحلاوه السايله وطبعا عشان تسيحين الحلاوه حطيها في مويه دافيه والمصريه كانت حاطه حلاوتها في قدر صغير ومعاها دافور صغير تحط القدر عليه وطبعا النار هاديه وعشان ما تتسلخ اصابعك افردي الحلاوة بعصى خشبيه زي حقت الايسكريم ... وبعد في أجهزه خاصه للحلاوة والشمعع كهربائيه اريح بكثير ..



ان شاء الله بتستفيدين منها واذافادك شي ادعيلي واذا ما فادك لا تدعين علي واذا فيه استفسار
ارسلي لي على الخاص ....

تحياتي :26:

الصنفرة مافادت معاي ابدا..

اختي عذوبة أمل ان شاء الله راح اجرب طريقتك بس ماعندنا محل بودي شوب..اذا سافرت اشتري..

لو اي وحدة عندها تجربة ونجحت اتمنى انها ماتبخل علينا..