هلا حبايبي بنات حواء و سيدات اعمال عالم حواء:
انا ابي منكم النصيحة في فكرتي ...القبول و الرزق من الله و نعم بالله...و ما خاب من استشار...خصوصا الخبيرات الله يوفقهم لصالح الأعمال ....
انا يا بنات كنت في زيارة عند اهلي في ديرة غير الديرة اللي ساكنتها و انعزمت عند وحدة من ضيافتها كانت سندويشات صغيرة الحجم اشكال و الوان...التقديم كان حلو و الحشوات روعة حتى اليهال الموجودين كانوا يخطفون السندويشات من صحون امهاتهم...طبعا البنت طالبتها طلبية من محل و الكل انهبل عليها ...ما اطول عليكم لما رجعت بيتي في الديرة اللي ساكنتها (بلد خليجي بعد) سويت حق صديقاتي نفس الفكرة و كان التقديم روعة و ما صدقوا اني انا اللي مسويته...و البنات اللي زاروني من غير اي مبالغة بنات ذويقات يطلبون طلبات حق قعداتهم بمئات الريالات من ليلوز و لانوتر و غيرها من الأماكن المشهورة....يعني كانت القعدة مش شعبية....اف اكيد مليتوا مني سامحوني....المهم انا طرحت على صديقاتي اني رح اسوي طلبيات من البيت و شجعوني كثييييييير على الفكرة و قالوا انهم بيتركون المحلات اللي تعودوا ياخذون منها ويشجعوني.....صراحة تشجعت بس خايفة ما عمري سويت بزنس...ابي نصايحكم خاصة انة زوجي مش مشجعني بالمرة و مو راضي تطلع طلبيات من البيت و حد يدل بيتنا و ما ادري ايش العقد اللي قالها ...اقترحاتكم هل المشروع ناجح؟؟؟ و شنو اقتراحاتكم بشأن انة ما يكون فيه اتصال مباشر مع الناس ؟؟؟
من افكاري اني اطلع خط جوال مخصوص حق الطلبيات...و انة يكون فيه توصيل للمنازل علشان ما أحد يجي البيت و يكون التوصيل مرتين في اليوم الصبح و العصر( شرايكم احط سعر للتوصيل؟؟)
ارجو منكم الرد و النصيحة و اذا حد خبير بهالشغلات تقولي شاسوي و ايش احذر منه لأني كثير خايفة.
rayooma2000 @rayooma2000
عضوة فعالة
يلزم عليك تسجيل الدخول أولًا لكتابة تعليق.
rayooma2000
•
بنات اللي عندهم اغراض ضيافة بالجملة يراسلوني على الخاص مع الصور خصوصا اكواب الشكولاتة و سكر الضيافة.
اختى فكرة جميلة ومش عيب الشغل ابدا والمساعدة فى المعيشة وطالما عندك وقت اية المانع فعلا خلى جوال مخصص للطلبات وعينى واحدة تكون محتاجة فعلا للمساعدة وخصصى اجر للتوصيل ودى يبقى مرتبها اليومى لها وكدة تكسبى صواب الى من احسنتى اليها او احد قريب لك لو كان رجل مثل اخيك ابن اختك ابن اخيك اى حد قريب منك لو مفيش ست وفى ميزان حسناتك ان شالله وبارك الله فيكى يا اختى وكل عام وانتى بخير بمناسبة شهر رمضان الكريم اعادة الله عليك وعلينا وعلى الامة الاسلامية بالخير واليمن والبركات
بالعكس الفكره مره روووعه
خاصة انك متقنه الشغله
وصديقاتك شجعوك وبيطلبون منك
اكيد اختي لازم رقم خاص هذا اولا
وخدمة توصيل واكيد تاخذين على خدمة التوصيل 10 ريال او على حسب المكان
بس اذا خليتي الخدمه بفلوس بيقولون لك احنا نجي ناخذه !
فممكن تزيدين سعر الفطاير بحيث تاخذ حق التوصيل والتوصيل يكون مجانا
الله يوفقك
اختي ممكن اعرف انتي من وين ؟
خاصة انك متقنه الشغله
وصديقاتك شجعوك وبيطلبون منك
اكيد اختي لازم رقم خاص هذا اولا
وخدمة توصيل واكيد تاخذين على خدمة التوصيل 10 ريال او على حسب المكان
بس اذا خليتي الخدمه بفلوس بيقولون لك احنا نجي ناخذه !
فممكن تزيدين سعر الفطاير بحيث تاخذ حق التوصيل والتوصيل يكون مجانا
الله يوفقك
اختي ممكن اعرف انتي من وين ؟
الصفحة الأخيرة