السلام عليكم ورحمه الله وبركاته
بدون مقدمات لاني من جد مقهور :angry:
بقولكم سالفه صارت في بيتنا يوم الاربعاء هذا ... وانتو حكموا ... بس قبل أقول السالفه حلن اعرفكم على عايلتي
عشان تخشون جوا ... أختي الكبيره عمرها 28 .... أخوي الكبير عمره 26 ...... أنا عمري 23 .... أخوي صاحب السالفه عمره 20 وعندي اخوي الصغير 14 الله يخلينا البعض
أخوي الي عمره20 كان يحب وحده من جماعتنا واخت زوجه اخوي الكبير من يوم عمره 16 يبي يتزوجها
وحنا نعقل فيه والبنت بعد تبيه لاكن علاقتهم كانت بريئه والكل يدري عنها مافي ولا شي بينهم غير الحب والنضرات
من بعيد لبعيد احيانا تزوج قبلي كان عمره 18وزوجته 16 ومن جد كانت طفله درست ثالث ثنوي عندنا يعني عادي
جدا تتفرج على التلفزيون وتنام على الكنب بالصاله .. او تنتضر اخوي الي هو زوجها ينام وتنزل تلعب مع اخوي الصغير
وما تتحرك من البيت الى مع امي ولا معانا... اخلاقها ضامنينها وممكن اشك بنفسي ولا اشك فيها ..
طبعا الحين لهم اكثر من سنتين متزوجين وهي حامل بتدخل السابع بعد اسبوع ... جاها التهاب أو حساسيه
في المنطقه الحساسه لاكن من جد قويه اول اليل كانت توها طالعه الفجر ما تقدر تمشي وتصارخ من الالم
ولما تشوفي من جد احمر وحبوب الله يخفف عنها وياجرها ... دخلت مستشفى سعد التخصصي ونومها وتعبوها كل
يوم تحليل او ياخذون عينه ... باليوم الخامس الي هو الاربعا كلموا اخوي وقالو له لازم تجي الحين عز الضهر
راح وقالو له احنا عرفنا المرض الي بزوجتك ولازم نسوي لك فحوصات سريعه .. وتحاليل لانه مرض تناسلي معدي
وخطير ولازم نزل الطفل الحين لانا بنعطيها ادويه تموت الجنين ومانقدر نسكت نخاف على زوجتك وحياتها
اخوي كلم ابوي ودخل يسوي الفحوصات بعد فتره بسيطه وصل لهم ابوي وسئل الدكتور ..
وش تتوقعون قاله ؟؟؟؟؟؟؟؟ قاله مرض والعياذ بالله اول مرا اسمع اسمه وقال ما يجي الى عن طريق
العلاقات المحرمه اما الولد يلعب ونقله الزوجته او انا زوجته الله يستر عليها << قال هالكلام الي ما يخاف ربه
ابوي من جد ضاق صدره ولا عرف يتصرف ... واخوي لما سمع المرض يحياتي ما يعرفه .. يقول عسا له علاج
مابيها تتعب اكثر والطفل كيفه نجيب ثاني اهم شي هي وابوي ما رد عليه
ابوي طلب تقرير عاجل وطلع البنت من المستشفى على مسئوليته .. بعد ساعتين دقوا من المستشفى قالو
الرجال سليم .. ولازم تعرفون من البنت من وين جابت المرض عشان يتعالج الشخص .. والبنت لحد الحين ماتدري
عن شي طلعت غرفتها ترتاح ساكنين في بيت اهلي هم .. احنا وصل لنا الخبر انا مريضه ومرض خطير ولا ندري
عن التفاصيل تجمعنا كلنا في بيت ابوي الى اخوي وزوجته في غرفتهم وزوجت اخوي الكبير .. تصير اخت المريضه
حالتها توجع القلب .. وبس تصيح
والحين بدخلكم بالدراما الي صارت في البيت
اخوي الكبير يقول: لا يجلس الحاله معاها اخاف يذبحها انا اقول بس نتاكد انا المرض من جد فيها نرجعها لهلها ولله
يستر على بناتنا وبنات المسلمين
ابوي يقول لا حول ولا قوة الى بالله من وين تجينا هالمصايب
تدخل امي وتقول تعوذوا من ابليس لا تخلونه يلعب براسكم انا احلف لو المرض جد جابه ولدي
هو الي يطلع برا البيت وعنده سيارته اما بنت الناس قدام عيتي حرام ضليمتها
اقولهم انا تعوذوا من ابليس انا بعض الضن اثم وبمجرد تفكيركم بهالشي تاثمون اكيد الموضوع في غلط
اختي كانت مشغوله تكلم دكتور بمستشفى اسطون وتستفر عن اسباب العدوى للمرض
وكان رد الدكتور العلاقات المحرمه
ابوي يكلم صاحبه دكتور جلدي ويقول عندي موضف زوجته جاها هالمرض وهي حامل وشقولتك
قال الدكتور صاحب ابوي كانك ضامن صاحبك قوله زوجته دربها حرام
بهالوقت دقت ام البنت الي سمعت الخبر من بنتها الكبيره وطبها هي من الرياض وحنا بالشرقيه
وتصيح الام مو قادره تتكلم ودوها مستشفى ثاني صدقوني التشخيص خطاء انا اعرف ولدكم وبنتي
وان كان التشخيص صح لجي وذبحها حتى ما نصلي عليها
وانا اقولهم حرام عليكم وشهالكلام يمكن انتقل عن طريق ابره ملوثه ولا شي لا تخلون تفكيركم بالحرام
ولله البنت طفله وتحب اخوي
ودتها احتها الكبيره وامي لمستشفى حكومي دخلو على الطوارئ وتفقوا يشوفون كلام الدكتوره اول
بعدين يورنه التقارير
الدكتوره اول ما شافت عبست بوجهها وختها تصفق ايد بايد وقالت ولله مدري شقولكم حالتها صعبه
ويوم شافت الدموع بعيون اختها قالت لها انتي شفيك الطب تطور وهي مافيها شي لهدرجه
ليه مكبرين الموضوع
قالت وشو الي فيها ارحمينا يدكتوره : قالت التهاب عادي لاكن متقدم ليه ماعالجت من اول ماطلع
وروها التقارير ونجنت الدكتوره وخذت منها عينات وتحاليل من بعد ماشافت التقرير .. حسبي الله عليهم
كذا قالت الدكتوره حسبي الله عليهم من وين جابو هالكلام مجرد التهاب عادي
هنا سئلو البنت قالت انا جتني حكه ولون احمر بسيط اخذت غسول من حمام اختي .. وانتو بكرامه
شوي وزاد علي الحرقه والالم ... حطيت طشت فيه مويه دافيه وزدت من الغسول وجلست فيه ربع ساعه
وتشقق جلدي وصار الي صار
وسو لها اختبار الحساسيه ومن ضمنها مادة اليوم الي هي شي اساسي بالغسول
وعلى طول انتفخت ايد البنت قالت الدكتوره البنت فيها حساسيه من اليوم وفي التقرير
يوميا يجلسونه في مويه مع مادة اليوم هذا الموضوع بختصار
كل الي عليها تحط من الكريم هاذا وتلبس قطني وتنشف المنطقه كويس
وخلال خمس ايام او اسبوع بيزول الاتهاب او يتماثل للشفاء
وان استر معاها الاتهاب لين وقت الولاده مع اني ما اضن نزلدها قيصري لانا مو حابين يمر الطفل بالمجرا
وهو ملتهب ... وانتها الموضوع
من جد حسبي الله عليهم .. احنا عائله متفهمه ومنفتحه وكذا كان تصرفنا .. لو احنا من العوايل المعقده
المتسرعه كيف بيكون التصرف
ام البنت الي حالفه بتتعنا من الرياض بس عشان تذبحها لو هالحدث صار عندهم في البيت
وشذنب الطفله الي عانت من الاتهاب خلوها زانيه والعياذ بالله .. من جد اطباء امنوا العقوبه
وهاذي كانت النتيجه
اعذروني يبنات الموضوع ملخبط بس من جد قلبي محترق .. ناس ما تخاف ربها
ما اهمها الى تجارتها
ولا وحده تجي تقولي يمكن الموضوع فيه ولا شي اقولكم اخوي وزوجته
تكملة الموضوع
اول شي رده فعل ابوي واخواني ؟؟
اخوي زواج البنت يوم سمع الكلام بالمستشفى سجد سجود الشكر وقام يصيح يحياتي
وصيح امي معاه
أبوي قال الحمدلله يارب العالمين اللهم اني ضلمت نفسي فغفرلي انه لا سغفرر الذنوب الى انت
أخوي الكبير يوم سمع صوت اخوي الثواني وهو غرقان بالعبره تحسين عيونه بتدمع
بس قال الحمدلله وحقك ما يروح يخوي لك من يرد اعتبارك علني
وامي من امس لين الحين وهي بس تصيح يحياتي
أسم الدكتوره بسعد ؟؟
ولله ما عرفها بس هي حقت الجلديه لو تبونها اسئلهم عادي
أخوي ليه كبر الموضوع وعلمنا ؟؟
أخوي عمره 20 سنه وقلت لك هذا المرض أسمه غريب ومو عارفه يوم قالو له اسمه وانا خطير خاف
نادا ابوي معاه وهو مايدري ويوم تكلمه امي تقول بشر قال ولله مدري يايمه يقولون فيها هالمرض مدري وسو
الله يستر
بعدين توهم صغار على المشاكل الكبيره مثل هاذي حطي فبالك الرجال عمره 20 والبنت اصغر
ليه ما رفعنا قضيه ؟؟
ومن قالكم ماحنا رافعين انا قلت لكم انا يوم الاربعا الضهر نادوا اخوي لمستشفى سعد لين رجع البيت كان
قريب المغرب راحوا المانع الساعه 10 باليل وقالو تعال الحساعه 8 الصباح
وصلو مستشفى التعليمي يوم الخميس الساعه 11 الضهر والحين يوم الخميس الساعه 6 المغرب
ما امداهم يسون شي لاكنهم ابد مو ساكتين لا ابوي ولا اخوي الكبير واخوي الثاني يقول موب رايح
معاكم مدري شبسوي بالدكتوره لا شفته
ومشكورين كلكم على المرور ولي رجعه مفصله
^جوان^ @goan_15
عضوة فعالة
يلزم عليك تسجيل الدخول أولًا لكتابة تعليق.
رهف الوجود
•
ياحياتي عليها تخيلي لو طاحت برجال شكاك ان يذبحها عند المستشفى :(
koko lia
•
ياقلبي قلبها
والله رحمتها بقووووه
الحمد لله ان الحقيقه بانت
بالله عليك وش رده فعل ابوك واخوك ؟
والله رحمتها بقووووه
الحمد لله ان الحقيقه بانت
بالله عليك وش رده فعل ابوك واخوك ؟
دياري sa
•
الحمدلله على السلامه
وجزاكم الله خير لانكم تفاهمتوا الوضع
والله يحفظكم ويخليكم
احسن شي الواحد يدور على المستشفيات
وجزاكم الله خير لانكم تفاهمتوا الوضع
والله يحفظكم ويخليكم
احسن شي الواحد يدور على المستشفيات
#HHH#
•
ياحبيلك حبيلي راس امك بصراحه اعجبتني وين الحين ام زوج تدافع عن مرت ولدها ماشاء الله تبارك الله طلبتك حبيلي راسها امانه
والحمد لله على سلامة مرت اخوك ..
ماقلتي وش ردت فعل أخوك يوم قالو له بالمره الاولى ؟؟والثانيه؟؟
والحمد لله على سلامة مرت اخوك ..
ماقلتي وش ردت فعل أخوك يوم قالو له بالمره الاولى ؟؟والثانيه؟؟
m3aly-t
•
الحمد لله
والله كله من المستشفيات الخاصه
انا اعرف انه هذي الامراض مايقولو للمريض او اهله الا اذا اتاكدو ميه بالميه ويعملو التحليل كذا مره
الحمد لله على سلامتها وياقلبي عليها لاتكون عرفت ولو ماعرفت لااحد يقولها ولو بعد ميه سنه
والله كله من المستشفيات الخاصه
انا اعرف انه هذي الامراض مايقولو للمريض او اهله الا اذا اتاكدو ميه بالميه ويعملو التحليل كذا مره
الحمد لله على سلامتها وياقلبي عليها لاتكون عرفت ولو ماعرفت لااحد يقولها ولو بعد ميه سنه
الصفحة الأخيرة