نيــــــــــراز :

الله يوفقك اول شي ليه تعرضين برخيص في البدياه ابي افهم ؟؟؟ لا تقولين توني باديه لان الحريم خلاص يعتمدون على اول سعر تحطينه لو رفعتيه ريال واحد قالو ايه طمعت ورفعت ريال بنقاطعها لكن حطي الربح اللي ما يخسرك ولا يهدر تعبك واحسب حساب بكره لما تكثر عليك الطلبات راح تحاتجين تطلبين معدات اكبر واغلى لو زدتي ريال واحد العالم قطعتك وشالتك من بالها حددي سعرك صح وتوكلي على الله بالنسبه للسائق شوفي اهلك وقرايبك اللي عندها شاب عاطل لا عمل ولا وظيفه ولا دراسه اقترحي عليهم اني ابيه يكون مندوب للتوصيل وله بالمشوار 30 ريال واذا طلبتك الوحده قولي التوصيل على 30 ريال وفهمي الشاب اللي معاك اول شي قبل ما يعطيهم الطلب ياخذ فلوسك وياخذ قيمة التوصيل اول بعدين يعطيهم الطلب وان هذي ن القوانين المعمول فيها في البلد والدليل كل شركات التوصيل والمطاعم كذا ماتسلمك طلبك الا وهي مستلمه الفلوس واذا تبين تضمنين اكثر وعندك كذا حساب في البنك اعطيها رقم الحساب وقولي لها تحولكمن النت دايركت راح تنزل بحسابك قيمة التوصيل والطلب خصوصا اذا خلاص وثقوو فيك يصير الشاب طوالي يروح يسلم الطلبات وانتي تعطينه قيمة التوصيل من بدري بس انصحك اول شي شوفي احد الشباب العاطلين او شوفي حراس المدار دخلهم يكون ضعيف اذا عنده استطاعه يوصل طلبات تكوني كسبتي اجره لا هو ولا العاطل والله يوفقك ويكتب لك اللي فيه الخير يارب

الله يوفقك اول شي ليه تعرضين برخيص في البدياه ابي افهم ؟؟؟ لا تقولين توني باديه لان الحريم...