يازين الستر...........وياشين البزرة إذا تغطت(الجميع مأذون لهم بالخشوش)

السلااااام عليك
كيف الحال إن شاء الله تمام؟
تفضلوا تفضلوا على القهوة والشاهي
أنا اليوم قعدت أفكر وأفكر وأفكر
وقلت لااااازم لاازم إني أعرٌف هالبنات اللي هنيا على شخصي الكريم
<<<<بس هذره
قلت بس جتني فكره :icon28:
ليش ماأكتب موضووووع <<<<<<قولي قسم ياأينشتاين
بس موب هنا المشكله
المشكله وش أكتب؟؟؟؟؟
قلت يالله يالطماطه عليك بملف الذاكره هالمسكر من سنين
والله وأروح أفتح الملف
يووووه لوكم عندي جاكم ربو من الغبار
المهم وأقعد أبحبش من هنا وأبحبش من هناك
وبس أرمي في هالملفات
هذا ماينفع
هذا سامج
هذا مشفر :humm:
وهو يطلع هاك الملف قلت بس هذاهو يالطماطه روحي إكتبيه بسرعه قبل لا
ينحاش
والله وأجي أسدحه فيذا
مب كأني طولت؟؟؟
أكييييد أنتم تتسائلون عن العنوان<<<<والله ماحد جاب خبرك

القصه ياطويلين العمر (على الطاعه إنشاء الله)
أنا بديت أتغطى من يوم إني في سادس إبتدائي
ماشاء الله علي أحب الستر
عجزوا عني أهلي يبون يفهموني إني صغيره بس البنت مصممه
لاحتى موب زي أي عبايه زي عباية أمي
عباية راس
والله ياسلام على الشكل التحفه أنا قصيره ومبتدئه في لبس العبايه
يعني منظر ماينتفوت
بس موب هذا موضوعنا
<<<<<<<أجل ليش مصدعه بروسنا الله ياخذ عدوك
الموضوع ومافيه
أبوي الله يخليه لي أخوانه من الرضاعه واجد ماشاء الله وأنا ماأعرفهم كلهم
على فكرة القصه حاصله من زمان أول مابديت ألبس العبايه وأتغطى
المهم ذاك اليوم كانوا أهلي كلهم رايحين مافي البيت إلا إنا والشغالة
والله ماأذكر وين راحوا أهلي ولاليش مخليني لحالي
>>>أكيد أني أبلشتهم ماأبي أروح
المهم كنت قاعده قدام التلفزيون في أمان الله إلا يوم رن الجرس طبعا راحت الشغاله
تفتح >>>إيه البنت تتغطى ميب فاتحة الباب :S_45:
وأنا جالسه في الصاله دخلت علي الشغاله تقول فيه رجال يبي بابا
قلت:قوليله موب موجود
مادريت إلا والمحروس(الرجال)مدرعم للصاله أنا شفته من هنا
أطلقت ساقي للريح>>>حشى صرنا حصة تعبير
المهم أنا على طول ركضت ورقيت الدرج
والرجال يلحقني
(وأنا قلبي بين رجليني متوزي الله يهديه بس)
يوم وصلت أعلى الدرج وأنا أطل
لقيته الرجال واقف في أسفل الدرج
شافني قال:تعالي أنا عمك ليش تنحاشين
قلت له لا مأعرفك
قال :يابنت الحلال أنا عمك من الرضاعه إنزلي
وأنا مستحيل أنزل
قاعده أناظره من فوق >>>>>>>>يقالك الحين متغطيه
ووهو يالطيبه يالحبيبه إنزلي......... وأنا راسي وألف سيف.... الرجال يأس وراح
وبعدييييييين
بعد مرور الزمان وإنطواء السنين<<<<<<<تكفييييين
أكتشفت أنه فعلا عمي الحين إذا سلمت عليه قعدت أضحك على روحي أما هو الظاهر أنه نسى السالفه ولا ماميزني بعد ماكبرت

هاه وش رايكم بالقصه؟؟؟
تكفون عاد لاتفشلوني ردوا علي
الله الله بالردود السنعه عاد